Zenezi 32:5 - ꞌRe Ihâimana Uꞌâsi Mono Zadawa Wasuꞌu

⁵ Ĩnhimizama powawẽ hã ahâ di, awaru po're pore hã, pone'ẽrebâ hã, pone'ẽrebâ zéré uzé hã, ĩma romhuri'wa sipi'õ hã, duré ĩma romhuri'wa si'aibâ hã. Ĩnhib'apito, ã hã romreme hã wa ãma aima tisõ, ĩ'âriwẽzéb da hã.”

Zenezi 32:5 ပူးပေါင်းရင်းမြစ်များ

Zenezi 30:43

Tawamhã ãne wa, ma tô oto sisibro pese. Isimizama pone'ẽrebâ zéré mapure norĩ, pone'ẽrebâ zéré uzé norĩ, tãma iromhuri'wa si'aibâ norĩ, tãma iromhuri'wa sipi'õ norĩ zama, awaru ba'õmore norĩ hã, duré awaru po're pore norĩ hã ahâ uptabi di oto.

Zenezi 31:16

'Re ihâimana u'âsi mono, uburé wamama nhiptiha te te tiwi isani za'ra hã ta hã oto wate za'ra, wa'ra norĩ me. Tahawa, te za a hã 'Re ihâimana u'âsi mono te te aima i'ruzé hã tô uburé i'a'manha.

Zenezi 31:3

Tawamhã Uburé Danhib'apito te Zacoho ma tinha ãne: — Aimama norĩ nhipti'ai u te za oto apâ aimo, asiré a'uwẽ asisãnawã norĩ 're ihâimana za'ra mono zéb u. Wa hã wa za asiré ĩhâiba.

Zenezi 33:11

Tahawa ma'ãpé ĩzawi na hã aima ĩnhoprubzé te we isimroi mono hã asima wẽ za'ra na. 'Re ihâimana u'âsi mono ma tô iwẽ na si ĩma 're hâimana. Tahawa uburé marĩ ĩwi sô 're irobaba mono hã ma tô te te ĩma 're anhomri. Tawamhã Zaco, Ezauhu ma hã te te nasi tãma 'ruzadawa za'rei'õ wa, ma tô oto sima wẽ.

Zenezi 33:15

Tawamhã Ezau te ãne duré tãma tinha: — Tane wamhã, a'â ĩma romhuri'wa norĩ ai'rata 'masi'ubumro, te te ãma siwi i'aipibu za'ra mono da hã. Tawamhã Zaco ma te duré ãne ãma tãma wa'rã: — E marĩ da bâ. Tô ĩwẽsãmri nherẽ, taha nhipai u marĩ zô hã te oto rob'madâ'â õ di.

Zenezi 33:8

Tawamhã taha pari te duré Ezau ãne sadanha: — E niha da hã bété, asimizama upsãtã pese na bâdâdi wamhã te isõpẽtẽ za'ra hã. Tawamhã Zaco ma te ãne asa tidub'rada hã ãma sada'â: — Taha u'âbâ ĩwẽsãmri da hã, wa tô we ĩsiwana hã satõrĩ za'ra.

Zenezi 47:25

Tawamhã ma te ãma sada'âbâ za'ra ãne asa: — Apito, ma iwanho'reptu za'ra. Ma tô duré iwẽ na hã wama i'manharĩ za'ra. Tahawa wa za tô wapawa'âbâ ãna apito ma romhuri'wa na hã 're wahâimana za'ra.

Luca 12:45

Tazahã, tinhib'apito za're'ra, dama 're hâimana wẽ mono õ wamhã, tãma 're rowẽ mono õ di za. Ãté apito za're'ra, te za 'râwi sima tinha, ãne: “Ĩnhib'apito hã simahudu õ di.” Ãté, ãne te za sima tinha. Tahawa, sô rowaptâ'â wẽ te, te za oto tizapari romhuri'wa norĩ hã te te 're ahâ za'ra aibâ norĩ hã, duré pi'õ norĩ zama hã. Ãté, te za taré tisa zô si 're hâimana. Ãté te za âzé hã te te 're hâsi. Õne u'âsi, te te 're hâsi mono wa, te za 'rãi wasété na 're hâimana.

Ruti 2:2

Tawamhã nimahã bâtâ na ma tô Ruti tãma tinha, Noẽmihi ma, ãne: — E ĩma waprosi õ di za, ĩmorĩ da, daburu na amnho 'rã a'a ti'ai baba irere'e mono hã te 're awaibui mono da. Ãté ni'wa hã buru na romhuri'wa hã te za sima ĩwẽ, isarina te awaibui mono da amnho 'rã'a'a hã. Tahawa, Noẽmi hã ma tô oto satõ, tisani'wa hã: — Saihi, mo oto pé aimorĩ.

1 Samuéu 1:18

Tawamhã te asa tãma tinha ãne, Erihi ma: — Ĩnhib'apito, ĩ'ãma 're rosa'rata wẽ u'âsi mono da hã ĩma wẽ di. — Ãne te te tãma nharĩ pari, ma te oto watobro. Tawamhã te oto tisa. Duré tawamhã tiwi robzei'õ õ di oto.