Zenezi 32:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa, te ãne sina tãma nharĩ za'ra, te te siwi mreme âri da: “Wa hã Zaco, asimiroti zarina wa za marĩ hã te 're ab'manharĩ aima. Wa tô Labãhã nhorõwa ãma 're ĩhâimana hâ pese pari.

Zenezi 32:4 ပူးပေါင်းရင်းမြစ်များ

Zenezi 23:6

— Wanhib'apito, ma'ãpé asina wawapari za'ra na! A hã wanhib'ihâ'a za'ra te asiptete uptabi na wama 're aihâimana za'ra mo. Tahawa te za 're iwasiséme mono zé iwẽ uptabi 're, aimro ãma hã iti'a. Aimro ãma iti'a da hã wa norĩ wa te aiwi sawi za'ra dai õ di.

Zenezi 25:30

Tahawa te ãne tiwi waptẽ: — Mrab uptabi di, ĩma hã. Tahawa ma'ãpé ĩzawi na hã dasai wai'o pré suru na we ĩma a'âri. (Tahawa Ezau ma tô sisi ni Edõ na isisi amo na.)

Zenezi 27:29

A'uwẽ mono bâ asapari te te aima 're iromhuri za'ra mono da si, iwẽ hã. Duré daro mono bâ da te dasiwi 're i'aiwazé mono da si, iwẽ hã. Duré asisãnawã norĩ nhib'apito na 're i'aihâimana mono da si, iwẽ hã. Duré ana zé're hawi a'uwẽ norĩ hã, asõ'remhã aima 're isiwẽ'ẽ za'ra mono da si, iwẽ hã. Tawamhã duré iwasédé te te aima 're ipisutu za'ra mono norĩ ma hã, 'Re ihâimana u'âsi mono, ta norĩ ma, iwasédé te te tãma 're ipisutu za'ra mono da si, iwẽ hã. Duré iwẽ te te aima 're ipisutu za'ra mono norĩ ma, 'Re ihâimana u'âsi mono, iwẽ te te tãma 're ipisutu za'ra mono da si, iwẽ hã.”

Zenezi 27:37

Tawamhã Izaqui, ma te ãne asa sada'â: Wa hã Zacoho ma, pire na aima 're ihâimana mono zéb da hã wa tô tãma pisutu pa. Duré uburé isisãnawã norĩ te te tãma 're romhuri za'ra mono da hã, wa tô tãma pisutu. Duré amnho na sa'ẽtẽ na te ãma 're upari u'âsi mono da hã, duré uwa 'rãi wa'u isé sa'ẽtẽ na te ãma 're upari u'âsi mono da hã, wa tô tãma pisutu. Tahawa ãhã na hã ĩ'ra, te ai'ãma irowaptẽrẽ da hã waihu'u õ di.

Zenezi 31:41

20 wahum na wa tô asõrõwa 'remhã 're ĩhâimana. Duré 14 wahum na wa tô ai'ra norĩ zô hã te aima 're romhuri. Duré 6 wahum na asimizama norĩ zô, wa tô te aima hã 're romhuri. Ãne nherẽ, ãhã nhisiwimhã ma tô ĩpawa'âbâ na 10 ãma isahu na ãma ĩwi iti'awi.

Zenezi 32:18

Tawamhã te za ãne ãma isada'â za: “Ã norĩ hã asib'a'uwẽ Zacoho nhimizama, tinhib'ihâ'a Ezauhu ma, we ãma tãma isõprub za'ra. Taha zama te we zahadu waza'u za'ra hã mo.”

Zenezi 32:5

Ĩnhimizama powawẽ hã ahâ di, awaru po're pore hã, pone'ẽrebâ hã, pone'ẽrebâ zéré uzé hã, ĩma romhuri'wa sipi'õ hã, duré ĩma romhuri'wa si'aibâ hã. Ĩnhib'apito, ã hã romreme hã wa ãma aima tisõ, ĩ'âriwẽzéb da hã.”

Zenezi 33:14

Ĩnhib'apito, tahawa tô iwẽ hã ĩnhowa i'aimorĩ da si. Tawamhã wa hã wa za atãma asa'u ãma mo, ĩnhimizama norĩ, duré ĩ'ra norĩ atãma na ãma isi'aba'ré zarina, ĩwisizéb u atẽme, Edõ ãma 're i'aihâimana mono zéb u.

Zenezi 33:8

Tawamhã taha pari te duré Ezau ãne sadanha: — E niha da hã bété, asimizama upsãtã pese na bâdâdi wamhã te isõpẽtẽ za'ra hã. Tawamhã Zaco ma te ãne asa tidub'rada hã ãma sada'â: — Taha u'âbâ ĩwẽsãmri da hã, wa tô we ĩsiwana hã satõrĩ za'ra.

Zenezi 36:8

Tawamhã Ezau, Edõ na zama isisi amo hã ma tô Se'i na romnhisi ãma ẽne 're ihâimana za'ra mono ãma hã oto 're hâimana.

Zenezi 36:9

à hã Ezauhu nhihudu norĩ za'ratazé wasu'u, edomita norĩ hi'rada, Se'i na romnhisi ãma ẽne 're ihâimana za'ra mono zéb ãma 're isi'ubumroi mono hã.

Zenezi 4:7

Tô i'uwaibaba na a hã 'manharĩ 'wa'âhã, te aré 're aihâ mo, rowẽ te. Tane nherẽ, ma tô asiwasé, a hã. Tahawa te i'aiwasétézé hã 'ridawa ãma asô mapa. Ta hã te sima wẽ, siptete na asada 're hâimana mono da. Tane nherẽ, te za a hã asiptete na ãma ai'uté da sada asipte.

Ezodu 32:22

Tawamhã Arã ma te ãma sada'â ãne: — Ĩzada hã asiti'ru tõ. Aima hã waihu'u pese di, ã hã a'uwẽ norĩ õne u'â marĩ iwasédé te te 're i'manharĩ ze za'ra mono na hã.

Provébiu 15:1

'Re dazahi za'ra mono nherẽ, damreme wẽ na da te ãma 're idazada'âbâ za'ra mono zé hã, te za atãma na dahâimanazéb u hã dawi ãma saprĩ ni. Tazahã, damreme tete na dazada'âbâzé hã te za dazahi hã ãma dama hâimo ni.

Provébiu 25:15

Dahâimana wahâ zarina, te za dama ipire norĩ hã marĩ na te te ãma 're dazaze za'ra. Duré danhimirobzanhamri wẽ hã te za ropire hã te te 're uprosi za'ra.

Provébiu 6:3

Tahawa, ĩ'ra, danhib'ratamhã te oto aihâiba. Tahawa, ãne wi aiwatobro da wamhã, ma'ãpé te te aima rowairébé da, aimreme tete na tiwi waptẽrẽ da itẽme aimorĩ su'u.

Luca 14:11

Tane, ni'wa hã pire wẽ te, 'râwi sina 're wata mono wamhã, 'Re ihâimana u'âsi mono, te za tãma pisutu, wapu na 're hâimana mono da oto. Duré ni'wa hã, tipire na 'râwi 're si'madâ'â mono õ wamhã, te za tãma pisutu, dama pire na 're hâimana mono da oto.

1 Pedru 3:6

Ãne Sara hã ma tô 're mo. Timro mreme hã ma tô te te 're wapari pese, Abra'ãhã mreme hã. Tahawa, ma tô tinhib'apito na te te 're sisi Sara, Abra'ã hã. Tane te za duré a norĩ wa'wa hã aimro ma 're aihâimana wẽ za'ra wa'aba mo. Asina aihâtâ'â ãna, te za duré 're anomro aba mo. Tawamhã Saraha nhihudu na te za te te 're asisi za'ra wa'wa, 'Re ihâimana u'âsi mono hã.

Zuize 5:4

Uburé Danhib'apito, ẽne Se'i na isisi hawi we aiwatobro wamhã, duré Edõ ti'ai hawi we aimorĩ wamhã, ma tô ti'a hã sãsã. Tã ma tô duré hâiwa hawi we asa'wa. Ĩhe, hâiwa'a hawimhã, ma tô tô â sa'ẽtẽ na we asa'wa.

1 Samuéu 26:17

Tawamhã Sau hã ma tô mreme waihu'u, Dawi hã. Tahawa, te ãne sadanha: — E a hã Dawi, ĩ'ra. Tawamhã Dawi ma tô sada'â ãne: — Ĩnhib'apito, ĩhe, wa hã.