Zenezi 32:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã Zaco, Penué hawi morĩ ré, ma tô bâdâ hã 'rãiwatobro. Tahawa, te morĩ sina 'rãtẽ, te te i'upata upi hawi.

Zenezi 32:31 ပူးပေါင်းရင်းမြစ်များ

Zenezi 16:13

Tawamhã Aga, ma tô Uburé Danhib'apito hã sisi, ãne: “'Re ihâimana u'âsi mono si te te 're ĩ'madâ'â mono.” Ãne 'Re ihâimana u'âsi mono te te tãma nharĩ wa, ma tô aré 'râwi sima tinha, ãne: “E ta hã te te 're ĩ'madâ'â mono hã wa te sena na ĩtõmo na 'madâ, ĩdâ'â ãna.”

Zenezi 19:15

Tawamhã hâiwa ãma romhuri'wa norĩ, robza'rã ré te Loho ma rob'ru zahi za'ra, ãne: — Ma'ãpé ai'aba'ré na aimro norĩ, ai'ra sipi'õ maparane ihâimana zahuré me ã hawimhã sani za'ra na, 'ri nho'u si'utõrĩ wa, dame ai'utõrĩ aba tõ da.

Zenezi 19:23

Tawamhã Lo, bâdâ 'rãi watobro parip si ma tô Zoa u hã wi.

Zenezi 32:25

Tawamhã aibâ, Zacoho ãma te te ãma i'ai'uté waihu'u õ na siwaihu'u wa, ma tô upata upi. Ãhã wa, ma tô upata hi watobro, Zaco hã.

Zenezi 32:32

Tawamhã duré ã hawim haré Izaraéu nhihudu norĩ hã marĩ upata nhi hã te te 're huri mono õ di, tame te te upi wa.

Ezodu 24:10

Tawamhã ma tô Izaraéu nhihudu norĩ te, 'Re ihâimana u'âsi mono hã 'madâ'â za'ra. Ipara zahâpâmhã ẽtẽ waipo i'uzé safira na iwamri 'manharĩ na waptâzé hã, hâiwa uzé ne hã.

Ezodu 24:11

Tawamhã 'Re ihâimana u'âsi mono hã, Izaraéu nhihudu nhib'ihâ'a norĩ hã te te uprosi õ di. Ta norĩ hã ma tô 'Re ihâimana u'âsi mono hã 'madâ'â za'ra. Taha pari simisutu ma tô duré siré tisa hã tihu. Ma tô duré siré tisa hã simihâri za'ra.

2 Corĩtu 12:7

Danhotõ 'rowi, da te 're irosawẽrẽ za'ra mono ne, wa tô marĩ iwẽ uptabi hã te ab'madâ'â tô, ĩnhotõ nem na te i'awaihu'u ne. Tahawa, danhipai u dama ĩpire newa, 'râwi ãma 're ĩsi'madâ'â zei mono tõ da, ma tô 'Re ihâimana u'âsi mono hã ĩma pisutu, ĩhâiba na te tô 're robzépata mono da, ro'wa hã te te 're danhiptâ'â za'ra mono wa, dawa 're si'ẽ za'ra mono wa, da'ãma 're isépu'u siroptub za'ra mono ne. Taha zarina, te tô Satanasi hã te te 're ĩpibui u'âsi, te ãma 're irobzépata u'âsi mono da hã. Tane nherẽ, 'Re ihâimana u'âsi mono hã te te tiwi 're ĩzawi mono õ di, ãne na te te 're ĩpibu tõ mono da hã. E marĩ wa. Dama ĩpire newa, 'râwi te ĩsina 're rosa'rata tõ mono da.

2 Corĩtu 12:9

Tane nherẽ, ãne si ma tô nasi ĩma waihu'u asa, te tiwi rowaptẽrẽ wamhã: “Te ai'ãma sizâri õ di za. Ĩnhimizawi pese zéb zarina si, te za 're aihâimana mo. Asi'uihâ na marĩ da hã, asib'uware na 're aihâimana mono nherẽ, te za asiptete sina ĩ'ãma 're aihâimana mo, ĩnhimipawaptobzéb zarina.” Ãne si, ma tô nasi ĩma waihu'u na wa'rã asa, Wanhib'apito hã. Tahawa, ĩsi'uihâ na marĩ da hã, ĩnhib'uware na 're ĩhâimana mono zém na si, wa za tô ĩto sina aima ĩsiwasu'u za'ra wa'wa, taha wa'rãmi Cristuhu nhiptetezéb ré si, 're ĩhâimana u'âsi mono da.

Zuize 6:22

Tawamhã Gidiã Hâiwa ãma Romhuri'wa na te te i'madâ'âzém na hã ma tô waihu'u. Tawamhã pẽ'ẽwara wa, te ãne 're sadari: — Uburé Danhib'apito, ite 'Re ihâimana u'âsi mono! Wa hã wa tô Hâiwa ãma Romhuri'wa hã 'madâ, 'râwi pesere!

Zuize 6:23

Tane nherẽ, Uburé Danhib'apito, ma te ãne duré ãma tãma wa'rã: — Aipahi tõ. Aima rowẽ di za. Duré atâ'â õ di za.

Zuize 8:8

Tawamhã Gidiã, Penué u ma tô mo. Morĩ wamhã, te te aré irowaptẽrẽzém ne ma tô tame aibâ norĩ wi duré aré rowaptẽ. Tane nherẽ, Penué ãma aibâ norĩ, Sucoti ãma te te ãma isada'âbâ za'ra zém ne, ma tô ãma sada'âbâ za'ra.