Zenezi 32:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Zaco, tite romreme 'wapéi'wa norĩ, ma tô satõrĩ za'ra Se'i na rowamri u, Edõ na rowamri amo hã Ezau te te siwi sõpẽtẽ da, iwana.

Zenezi 32:3 ပူးပေါင်းရင်းမြစ်များ

Zenezi 14:6

Duré horeu norĩ zarina Se'i na ẽtẽ nhisi 're ihâimana mono hawi, El-Parã na romnhisi 're ihâimana mono u, rop si 're irosa'wari mono nhana'rata u isarina si'aba'réi wamhã, ma tô ta norĩ ãmab zama duré ai'uté za'ra.

Zenezi 25:30

Tahawa te ãne tiwi waptẽ: — Mrab uptabi di, ĩma hã. Tahawa ma'ãpé ĩzawi na hã dasai wai'o pré suru na we ĩma a'âri. (Tahawa Ezau ma tô sisi ni Edõ na isisi amo na.)

Zenezi 32:11

Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.

Zenezi 32:7

Tawamhã ãne hã Zaco te te wapari wamhã, ma tô tãma tipahi pese. Hâtâ'â uptabi di. Tahawa tinhib'a'uwẽ norĩ ãma ma tô maparane iwa'õtõ na ãma aipo'o. Duré tinhimizama pone'ẽrebâ norĩ na zama, pone'ẽrebâ zéré uzé norĩ na hã, powawẽ norĩ na hã, duré awaru po're pore norĩ na hã ma tô duré aiwa ãma sipo'o za'ra.

Zenezi 33:14

Ĩnhib'apito, tahawa tô iwẽ hã ĩnhowa i'aimorĩ da si. Tawamhã wa hã wa za atãma asa'u ãma mo, ĩnhimizama norĩ, duré ĩ'ra norĩ atãma na ãma isi'aba'ré zarina, ĩwisizéb u atẽme, Edõ ãma 're i'aihâimana mono zéb u.

Zenezi 33:16

Tawamhã tô taha bâtâ na ma tô Ezau oto apâ hã sina siri, Edõ u.

Luca 9:52

Tahawa, ma tô aibâ norĩ hã sisõwa satõrĩ za'ra, isãmrazéb da hã, te te sô 'maipisutu za'ra da. Si'aba'réi wamhã, ma tô aihutu, 'ri wa'õtõ u. Samaritanu norĩ rob ãma, 'ri wa'õno hã.

Zozué 24:4

Izaquihi ma, Zaco norĩ Ezau me hã wa tô tãma sõmri zahuré. Duré Ezauhu ma, wa tô Se'i na romnhisi ẽtẽ ãma ro hã tãma tisõ. Tane nherẽ, Zaco, ti'ra norĩ me Ezitu u si ma tô tinhowada za'ra.