Zenezi 32:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zenezi 32:28 ပူးပေါင်းရင်းမြစ်များ

Zenezi 17:15

Taha pari 'Re ihâimana u'âsi mono, te Abra'ãhã ma, duré tãma tinha ãne: — Ã hawimhã za oto aimro nhisi, Sara'i na i'mahârâzé ihâimana da hã mare di za, Sara na za oto isisi hã.

Zenezi 17:5

Tahawa ã hawimhã za oto asisi hã Abra'ã na. Asisi õ di za oto, Abrã na hã. E marĩ wa. A'uwẽ wamri mono bâ da'ahâ uptabi hi'rata na 're aihâimana mono da, za te aima 'manharĩ wa.

Zenezi 25:31

Tawamhã Zaco, asa ma te ãma sada'â ãne: — Wa za tô aima sa'ré, a hã ĩma aipoto 'rata wa, aima 're ihâimana mono, ĩma sa'réi wamhã.

Zenezi 31:24

Tawamhã tô taha mara na sõtõ 'rowi ma tô Labãhã u, 'Re ihâimana u'âsi mono hã sihâi'ré. Tahawa te ãne tãma tinha: — Ni'ã pé! Niha na Zacoho ma hã tãma rob'manharĩ tõ. Tô'ã!

Zenezi 32:24

Tane nherẽ, te tawamhã daza'u siwaprosi za, zara niwĩ. Taha ré tame siwaprosi hâimana ré, aibâ itẽme we imorĩ hã ma tô Zaco 'wamhâ, ãma irowa'a zahuré zéb u.

Zenezi 32:27

Tawamhã aibâ te sadanha ãne: — E niha asisi hã. Tawamhã Zaco ma te ãma sada'â ãne: — Zaco.

Zenezi 33:20

Tawamhã tame ma tô 'Re ihâimana u'âsi mono ma, danhimizama zatazéb da ẽne hã tisã, hâiwi. Ta hã ma tô sisi El na, Izaraéu nhihudu norĩ te, 'Re ihâimana u'âsi mono nhisi na.

Zenezi 33:4

Tane nherẽ, Ezau, Zaco te te sõpẽtẽ da ma tô wara sina, sina uzusi. Te te sina uzusi wamhã, ma tô ibutu na hã sitẽme 'wani, te te sawi da, tino hã. Ma tô duré tob'rata hârâ na sawi. Tawamhã ma tô duré sina aiwa'õ zahuré, sipẽ'ẽ rĩ wa.

Zenezi 35:10

te ãne tãma tinha: “A hã Zaco na asisi tô. Tane nherẽ, ãne hã oto asisi õ di za. Asisi hã za oto Izaraéu na.” Ãne 'Re ihâimana u'âsi mono, ma tô Izaraéu na sisi.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Zuwã 1:42

Tawamhã ma tô Zezusihi u we saprõ apâ. We te te itẽme ãwisi wamhã, Zezusi te Sima hã 'madâ. Te tãma tinha, ãne: — A hã Sima, Zuwãhã 'ra. Ãhã na wa za asisi na oto ãma saprĩ. Cefasi na asisi hã za oto. Ãma isaprĩ na hã Pedru na isisi hã.

Apocalipsi 2:17

“Asimipari pese za'ra wa'aba wamhã, ma'ãpé wapari pese za'ra wa'aba, Ĩmama pẽ'ẽzani hã ĩzazei'wa norĩ ma, te te irotizém na hã. Ãne isimiroti hã: Ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã ta norĩ ma, wa za dasa ise hã duréi te dama ihâi'ré'õ hã te tãma 're anhomri, mana na dasa nhisi hã. Duré ẽtẽ'a, wa za te tãma 're anhomri ihâiba mono bâ, isisi itém na ãma irob'ui'éré za'ra ré hã dama isa'rese'õ hã. Te te 're iwaibui mono norĩ ma si, za waihu'u pese di, isisi ité hã. Ãne Ĩmama pẽ'ẽzani te te irotizé hã.”

1 Samuéu 26:25

Tawamhã Sau ma tô ãma tãma wa'rã ãne, Dawihi ma: — Ĩ'ra, wa ĩsima aiwẽ, 'Re ihâimana u'âsi mono hã iwẽ si te te aima 're apisutu mono da. Uburé marĩ hã 're i'manharĩ mono hã te za wẽ na 're wairébé. Tahawa, Dawi hã ma tô oto apâ mo. Sauhu zama ma tô apâ mo, tinhorõwa u.