Zenezi 32:20 - ꞌRe Ihâimana Uꞌâsi Mono Zadawa Wasuꞌu

²⁰ Ãne na tãma irowasu'u za'ra wa'aba zéb da hã ãma aipo're si'âri za'ra wa'aba õ di za: “Asib'a'uwẽ Zaco hã zahadu te we waza'u za'ra mo.” Ãne Zaco ma tô rosa'rada sima 'manha: “Ezauhu ma, ĩnhoprum na ĩsisõwa te isõmri za'ra na hã wa za hâimana wahâ. Tahawa oto duré nimahã na wasisõpẽtẽ wamhã, ãté te za ĩ'âri wẽ.”

Zenezi 32:20 ပူးပေါင်းရင်းမြစ်များ

Zenezi 32:19

Tawamhã isãna're, si'ubdatõ ãma, duré uburé i'madâ'â'wai mono bâ ihâimana za'ra ma, te ãne Zaco hã tãma nharĩ za'ra: — Ezau asiwi sõpẽtẽ aba wamhã, te za tô õne tãma inharĩ za'ra wa'wa.

Zenezi 32:21

Tawamhã taha zarina ma tô, isõprubzéb hã, iwana te te simroi mono da hã, tinhib'a'uwẽ norĩ ma tãma rob'ru za'ra. Tane nherẽ, ma tô Zaco hã isa'u za'ra te te sima i'ri nharĩ 'remhã ãma ti'awẽ.

Zenezi 43:11

Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 16:14

Apito 're isiti'rui mono zé hã dama simimnhasi uptabi di, dadâ'â da hã. Tane nherẽ, i'rãiwaihu'u wẽ hã te za te te 're hâimana wahâ, atãma na hã.

Provébiu 18:16

Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

Provébiu 21:14

Ni'wa asada isahi ma, taré asõprubzé pi'uriwi tãma sõmri wamhã, asada isahizé hã te za tiwi ai'utõ.

Provébiu 6:35

Tahawa, tinhiti'ru wa'âbâzé te te sima iwẽ da hã mare di. Duré taré danhibzari na isiti'ruzé hã da te ãma tiwi i'uprosi da hã mare di za, sa'ẽtẽ nherẽ.

Zona 3:9

Ãté ãne wamhã, 'Re ihâimana u'âsi mono hã te za tinhimirosa'rata na saprĩ. Ãté isahi hã te za taré tiwi ai'utõ. Ãne wamhã, wasi'utõrĩ õ di za.”

2 Timotiu 2:25

Ni'wam norĩ hã isimiroti na sada 're hâimana za'ra mono wamhã, atãma te za tinhimiroti wẽ na te te 're pawaptob za'ra, tinhimirosa'rata na te te ãma saprĩ za'ra da, Wamama nhimiroti hã tô sena na te te sina waihu'u za'ra da oto, isimipawaptobzéb zarina. Wa'uburé norĩ nhib'apito hã ma tô aré tãma 're sadawa nhipese za'ra, te te sima 're ida'awẽ mono zéb uwaibaba, isimiroti na 're hâimana za'ra mono da. Tane nherẽ, a'uwẽ norĩ hã tinhimirosa'rata na te te ãma saprĩ za'ra wamhã, te za oto Wa'uburé nhimiroti hawi 're wairébé. Taha da, te za Wanhib'apito ma romhuri'wa hã atãma te te 're apawapto, tinhimiroti wẽ na hã.

1 Samuéu 6:5

Tahawa, te za isizusi za'ra wa'wa, da'wa're tob'mai'ãsi na hã, duré 'rure na hã, wanhipti'ai 're te te iwa'awamnarĩ mono hã. Ã norĩ hã te za tãma isõmri za'ra wa'wa, Izaraéu nhihudu norĩ te, 'Re ihâimana u'âsi mono wazézéb da hã. Ãne wamhã, te za ãté sazâ, te te aima irob'manharĩ wasété za'ra wa'aba zé hã, ate za'ra wa'wa ihâiba'õ norĩ ma hã, duré asipti'a za'ra wa'aba ma hã.