Zenezi 32:2 - ꞌRe Ihâimana Uꞌâsi Mono Zadawa Wasuꞌu

² Tawamhã Zaco te te 'madâ'â za'ra wamhã, te ãne tinha: — Ã hã 'Re ihâimana u'âsi mono te, 'ri nhoré mono hã dasi'wapéi 'manharĩ'wa norĩ ubumrozé. Tahawa ma tô duré romnhisi, Ma'ana'ĩ na.

Zenezi 32:2 ပူးပေါင်းရင်းမြစ်များ

Salmu 103:21

Uburé Danhib'apito ãma si, tô uburé ãma 're aiwata za'ra wa'aba mono, uburé hâiwa ãma romhuri'wa norĩ, duré uburé isib'a'uwẽ na 're i'aihâimana za'ra wa'aba mono norĩ, marĩ te te sima 're iwẽ mono zéb zarina 're i'manharĩ za'ra wa'aba mono norĩ hã!

Salmu 24:10

E 'wa ã hã Apito, danhipai u, isiptede iwaihu'u pese uptabi. Ta hã, tô Uburé Danhib'apito, isiptede, duré iwaihu'u pe.

Salmu 34:7

Hâiwa ãma Uburé Danhib'apito ma, Romhuri'wa te uburé te te 're iwazéb za'ra mono norĩ 'wawimhã 're hâimana, marĩ isimimnhasi wi, te te 're a'madâ'â mono da.

Daniéu 10:20

Tawamhã te ĩma tinha ãne oto: — Marĩ wa, we atẽme ĩmorĩzé hã, e ma tô iwaihu. Sena na Ibaihâ nhisi 're, rob'ui'éré ihâimana na te ãma aima rowasu'u da, wa we atẽme mo. Tane nherẽ, ãhã na hã Persia u ĩmorĩ da si, hâiwa ãma romhuri'wa Persia 'madâ'â'wa, te 'wapé da. Wasi'wapézé tâibâ wamhã, hâiwa ãma romhuri'wa Grécia 'madâ'â'wa hã te za wei mo. Tane nherẽ, ni'wa te te ĩpawaptob da hã mare di za. Niha wamhã, Miguehe si, te za ĩpawapto, Izaraéu nhihudu norĩ 'wawi 're isimapa mono hã.

Luca 2:13

Tawamhã awa'awi ma tô tãma sihâi'ré za'ra romhuri'wa norĩ hã, ahâ uptabi na, hâiwa hawimhã. 'Re ihâimana u'âsi mono ãma te tiwata za'ra, ãne:

Zozué 5:14

Tawamhã ma te ãne ãma tãma wa'rã: Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba. Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha: — Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.