Zenezi 32:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã taha mara na te Zaco tame nhono. Tawamhã ãma awẽ wamhã, te tinhimizama Ezauhu ma ãma isõprubzéb da hã sima a'upsãtã.

Zenezi 32:13 ပူးပေါင်းရင်းမြစ်များ

Zenezi 13:16

Asihudu norĩ hã ti'a zapru ahâ uptabi na 're ihâimana za'ra mono ne, wa za ahâ uptabi na 're hâimana za'ra mono da hã tãma pisutu za'ra. Ti'a zapru hã da te 're isa'rata waihu'u za'ra mono õ ne, duré asihudu norĩ, da te 're isa'rata waihu'u za'ra mono da hã mare di za.

Zenezi 15:5

Tawamhã Uburé Danhib'apito, rob u te te saprõni wamhã, te Abrãhã ma tinha ãne oto: — Ma'ãpé hâiwa 'madâ'â, wasi norĩ sa'rata waihu'u pese wamhã, aza'rata da pé. Tane asihudu norĩ hã, ahâ uptabi di za.

Zenezi 18:2

'Rãi wahutu wa, te te rob'madâ'â wamhã, ma tô si'ubdatõ aibâ norĩ isõ're isimasa 'madâ'â za'ra. Te te 'madâ'â za'ra wamhã, ma tô si'aba'ré na itẽme tiwara za'ra, te te sina uzusi za'ra da. Tawamhã hi'rãtitõ, ma tô isõ'reb za'ra nhamra. Ti'ubu na ti'ai u ma tô ropto.

Zenezi 22:17

Asihudu sidâpâsi ahâ uptabi na 're hâimana za'ra mono da, wa za 'manha, wasi, hâiwa na 're isimasa mono ne, duré pazaihâ na supara 're isimi'wara mono ne. Asihudu norĩ hã te za tinhitob'ru norĩ te, 'ri nho'õmo norĩ ãma te te 're ai'uté za'ra.

Zenezi 32:14

Pone'ẽrebâ zéré uzé sipi'õ 200 na, pone'ẽrebâ zéré uzé si'aibâ 20 na, pone'ẽrebâ zéré mapure sipi'õ 200 na, pone'ẽrebâ zéré mapure si'aibâ 20 na

Zenezi 33:10

Tane nherẽ, te Zaco te te tãma i'ruzém na ãma tãma sahu ãne: — Wẽ'õ tõ! Sena ĩwẽsãmrizé aima hâimana wamhã, ma'ãpé tô aima ĩnhoprubzé hã waibui wẽ na. Wa hã we aimorĩ ré, te ai'ubu 'madâ'â wamhã, 'Re ihâimana u'âsi mono ubu te i'madâ'âzém ne ai'ubu hã, a hã ĩ'âri wẽ zarina.

Zenezi 33:8

Tawamhã taha pari te duré Ezau ãne sadanha: — E niha da hã bété, asimizama upsãtã pese na bâdâdi wamhã te isõpẽtẽ za'ra hã. Tawamhã Zaco ma te ãne asa tidub'rada hã ãma sada'â: — Taha u'âbâ ĩwẽsãmri da hã, wa tô we ĩsiwana hã satõrĩ za'ra.

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 43:11

Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Zenezi 43:26

Tawamhã Zuzé ma tô wi, tinhorõwa u. Wisi wi, ma tô tinhibzari hã tãma sõmri za'ra, tiza'rui hawi te te siré tãma i'wasari hã. Te te tãma sõmri za'ra wamhã, ma tô hi'rãtitõ isõ'remhã tãma asimro, ti'ubu na te te tãma roptob za'ra sina, ti'ai u.

Neemia 4:13

Tahawa wa hã wa tô isi'uwazi 'rã'wa norĩ hã, sib'ézé 'wa pa norĩ hã, umnhi'ãsi norĩ hã, duré ti'i norĩ hã te dama anhomri. Taha pari wa tô duré 'ri 'wawi wa'ra 'rãihâ zahâpâmhã dasisãnawã a'uwẽ upsãtã mono bâ te anhoré, zahadu 'manharĩ pese ãna 'ri 'wawi wa'ra 'ridawa haré ihâimana za'ra mono bâ.

Provébiu 17:8

Ni'wam norĩ hã rob'uiprazém na pi'uriwi ãma da'uiprazém na te te 're rosa'rata za'ra, niha na iwa'rãmi da te tãma 're rowairébé za'ra mono da hã, wapu pese na ãma 're isibro pese za'ra mono zéb da hã.

Provébiu 18:16

Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

Provébiu 19:6

Dama ipire na 're ihâimana za'ra mono norĩ, te te 're dawẽsãmri za'ra mono da hã, te za uburé dasima 're danhopré. Duré sapa'abâ isibzari ze siwaihu'u norĩ hã ahâ uptabi di.

Provébiu 21:14

Ni'wa asada isahi ma, taré asõprubzé pi'uriwi tãma sõmri wamhã, asada isahizé hã te za tiwi ai'utõ.

1 Samuéu 25:27

Ma'ãpé, ĩnhoprubzé te we aima i'âri hã asiwi wẽ'õ ãna te za i'â, ate dasi'wapéi 'manharĩ'wa norĩ ma, sõmri za'ra da.

1 Samuéu 25:8

Ma'ãpé asimizama 'madâ'â'wa norĩ sadanharĩ za'ra na, te te aima wawasu'u za'ra da. Dawi hã te we aiwi rowaptẽ, wawaibui wẽ da, datozé bâtâ na we wasi'aba'ré dâ'âsina. Ãne wa, ma'ãpé aima romhuri'wai ma, marĩ wama sõmri za'ra na, duré asiwaihu aima isawi Dawihi ma zama.”