Zenezi 32:11 - ꞌRe Ihâimana Uꞌâsi Mono Zadawa Wasuꞌu

¹¹ Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.

Zenezi 32:11 ပူးပေါင်းရင်းမြစ်များ

Zenezi 24:27

Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Zenezi 27:41

Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 27:42

Tawamhã Rebeca, Ezau te te sima irowa'õtõzé ma tô tiwi waihu'u. Tahawa, Zacoho zô te sima sô hâ. Tawamhã te ãne tãma tinha: — Te za ĩwapa! Adub'rada Ezau hã te sima rosa'rata, si'ruiwa'âbâ da, te te aiwĩrĩ da.

Zenezi 32:3

Tawamhã Zaco, tite romreme 'wapéi'wa norĩ, ma tô satõrĩ za'ra Se'i na rowamri u, Edõ na rowamri amo hã Ezau te te siwi sõpẽtẽ da, iwana.

Zenezi 32:7

Tawamhã ãne hã Zaco te te wapari wamhã, ma tô tãma tipahi pese. Hâtâ'â uptabi di. Tahawa tinhib'a'uwẽ norĩ ãma ma tô maparane iwa'õtõ na ãma aipo'o. Duré tinhimizama pone'ẽrebâ norĩ na zama, pone'ẽrebâ zéré uzé norĩ na hã, powawẽ norĩ na hã, duré awaru po're pore norĩ na hã ma tô duré aiwa ãma sipo'o za'ra.

Zenezi 33:4

Tane nherẽ, Ezau, Zaco te te sõpẽtẽ da ma tô wara sina, sina uzusi. Te te sina uzusi wamhã, ma tô ibutu na hã sitẽme 'wani, te te sawi da, tino hã. Ma tô duré tob'rata hârâ na sawi. Tawamhã ma tô duré sina aiwa'õ zahuré, sipẽ'ẽ rĩ wa.

Salmu 119:134

Te te ĩma 're irob'manharĩ wasété za'ra mono norĩ wi, tiwi ĩnho'reptu za'ra na, asimiroti hã te 're wapari pese mono da oto.

Salmu 16:1

'Re ihâimana u'âsi mono, ma'ãpé ĩ'wawimhã 're aimapa u'âsi mono, ai'ãma si marĩ wi ĩsima'urizé hã ĩma hâimana wa!

Provébiu 18:19

'Ri nho'õmo 'wawi wa'ra isiptete na da te ãma 're i'ai'uté za'ra mono nhipai u pire uptabi di, dasiwaihu'u me da te dasima 're pẽtẽ za'ra mono wa, apâ dasina 're idasihâibatob za'ra mono da hã. Damreme na dasi'wapé hã 'ri nho'õmo tẽme danhisisizé 'ridawa za'ẽne da te dawi 're itété tete za'ra mono ne hã te 're hâimana.

Daniéu 3:17

'Ri're wa'wa 're, unhama ro'o u, da te wanhamra wamhã, 'Re ihâimana u'âsi mono ãma 're iwawata za'ra mono ma hã waihu'u pese di, unhama ro'o wi te te iwazani za'ra da hã, duré wama irob'manharĩ za'ra zém hawi te te iwanho'reptu za'ra da hã.

Mateu 6:13

Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da. Ma'ãpé, 're wa'anho'reptui u'âsi mono, iwasété uptabi wi.”

1 Samuéu 12:10

Tahawa, ma tô nasi tiwi rowaptẽrẽ za'ra ãne te te pawaptob za'ra da, Wanhib'apito 'Re ihâimana u'âsi mono hã: “'Re ihâimana u'âsi mono, wa norĩ hã wa tô wawasété za'ra ni. Duré wa tô rẽme za'ra ni, ai'ãma 're iwawata za'ra mono zé hã, romhâibarĩ Baau na si ãma 're wawata za'ra mono da oto, 'ri nho'õmo mono bâ. Duré Asitaroti na romhâibarĩ nhisi na zama 're wawata za'ra mono da, wa tô ai'ãma 're iwawata za'ra mono zé hã wasiwi rẽme ni. Tane nherẽ, ãhã na wanho'reptu za'ra na wanhitob'ru za'ra wi, ai'ãma si 're wawata za'ra mono da oto apâ.”

1 Samuéu 24:15

Tahawa, te za Wanhib'apito 'Re ihâimana u'âsi mono si wawaihu'u, nimahã wa te i'upazém na hã, e a hã e wa hã. Wa tiwi waptẽ, te te ĩwaihu'uzéb zarina, ĩ'ãma sisaprĩ da, duré taha zarina te te aiwi ĩnho'reptu da hã.