Zenezi 31:53 - ꞌRe Ihâimana Uꞌâsi Mono Zadawa Wasuꞌu

⁵³ Abra'ãhã te, 'Re ihâimana u'âsi mono, duré Naoho te, 'Re ihâimana u'âsi mono, te za niha wasima wawasété zarina wa'ãma rowairébé'wa na hã 're hâimana. Tawamhã Zaco, imama Izaqui, 'Re ihâimana u'âsi mono te te 're iwazé mono nhisi na ma tô ropisudu hã 'manha.

Zenezi 31:53 ပူးပေါင်းရင်းမြစ်များ

Zenezi 11:31

Tawamhã Tera, 'ri nho'u Ur na isisi hawi watobro wamhã, Cana'ã na romnhisi u morĩ da, ma tô ti'ra Abrãhã siré, tinhihudu Lo hã siré saprõ, Harãhã 'ra hã. Duré tisani'wa Sara'i, ti'ra mro hã ma tô duré siré saprõ. Tawamhã Harã na 'ri nho'õmo nhisi u oto sihutu wamhã, ma tô duré oto tamemhã 're hâimana za'ra.

Zenezi 14:22

Tane nherẽ, Abrã ma te ãne asa ãma tãma wa'rã: — Uburé Danhib'apito, danhipai u 're ihâimana mono, hâiwa 'manharĩ'wa, duré ti'ai 'manharĩ'wa, taha nho'a wa za ĩnhib'rada hã hâimo wẽ,

Zenezi 16:5

Tahawa Sara'i te Abrãhã ma tinha ãne: — A hã i'upai u'âbâmhã ma tô Aga siwi ĩwẽ'õ. Tô wa hã asib'rata te aima sõmri nherẽ, oto tiwasã na siwaihu'u wamhã, ma tô siwi ĩwẽ'õ pese tô. Tahawa, Uburé Danhib'apito si te za wawaihu'u, tiha na wa te i'upazém na hã, a hã wamhã, duré wa hã wamhã.

Zenezi 17:7

Ĩnhimiropisutuzé õne u'â aima 're hâimana mono da, duré asihudu norĩ ma zama õne u'â tãma 're hâimana za'ra mono da zama wa aima 'manha ãne: Õne u'â, ate 'Re ihâimana u'âsi mono na, duré asihudu norĩ te 'Re ihâimana u'âsi mono na, wa za tãma 're ĩhâimana za'ra.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Zenezi 31:52

à hã ẽtẽ za'ra hã, duré ẽtẽ tõmo waré pa hã wa te wasima iropisutuzém na ãma 're iwasipo're pu'u mono zéb da hã. Tawamhã wa hã niwamhã ã hã ẽtẽ za'ra te ãma isa're da hã mare di za, te i'asusi da hã. Tane duré a hã niwamhã we ẽtẽ za'ra isa're da hã mare di za, we ĩsusi da hã.

Zenezi 47:31

Te duré Zaco tãma tinha ãne: — Ma'ãpé ĩma ropisutu, tane na hã. Tawamhã Zuzé, ma tô ropisudu hã tãma 'manha. Tahawa Zaco, tiza'warizé 'rãihâ ãma siwẽ'ẽ sina, ma tô 'Re ihâimana u'âsi mono ãma wata sina hã mre.

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Ezodu 5:21

Tahawa, ma tô tãma nharĩ zahuré ni duré ãne: — Uburé Danhib'apito, marĩ i'manharĩ aba zé hã ma tô 'madâ. Tahawa te za duré ai'ahâri 'wa. Ai'u'âbâ wa'aba ma tô apito hã duré tãma romhuri'wa norĩ zama wazada tinhiti'ru za'ra. A norĩ wa'wa ma tô isimirosa'rata wasété za'ra hã wazada tãma isõmri 'wa, te te wa'uprosi da.

Zozué 24:2

Tahawa te Zozué uburé dama tinha, ãne: — Ãne te tinha, Uburé Danhib'apito, Izaraéu nhihudu norĩ te, 'Re ihâimana u'âsi mono hã: “Duréi aihi'rata norĩ wa'wa pa nho'u Eufrati pa zara niwĩ 're hâimana za'ra mono ré hã ihâiba'õ waihu'u pese newa ãma 're idawata za'ra mono ãma ma tô 're wata za'ra. Aihi'rata norĩ wa'wa, Tera, Abra'ãhã mama, duré Naoho mama.

Zuize 11:27

Mare di, wa hã! Marĩ te 'manharĩ õ di, taha u'âbâ asada ĩhâimana za'ra wa'aba da hã. Aiwétési ma iwasédé hã i'manha, ĩ'wapé da, asima iwẽzéb zarina. Uburé Danhib'apito si, da'ãma rowairébé'wa hã. Tahawa, te za taha si nimahã i'uwaibaba ma, tãma rowairébé zahuré, niha wamhã, Izaraéu nhihudu norĩ ma, niha wamhã duré amonita norĩ ma hã.

1 Samuéu 20:23

Ropisudu hã wa te wasima i'manharĩ mono hã Wanhib'apito 'Re ihâimana u'âsi mono te za te te 're wapawapto, wa te wasima ãma 're uwaimrami u'âsi mono da hã.

1 Samuéu 24:12

Tahawa, te za Wanhib'apito si wawaihu'u, marĩ na wa te ãma i'upa na hã. E a hã e wa hã. Tahawa ĩma iwẽ õhõ si te te aima rob'manharĩ da, ĩzada aihâimanazéb zarina. Tane nherẽ, wa hã te i'ai'wapé da hã mare di.