Zenezi 31:41 - ꞌRe Ihâimana Uꞌâsi Mono Zadawa Wasuꞌu

⁴¹ 20 wahum na wa tô asõrõwa 'remhã 're ĩhâimana. Duré 14 wahum na wa tô ai'ra norĩ zô hã te aima 're romhuri. Duré 6 wahum na asimizama norĩ zô, wa tô te aima hã 're romhuri. Ãne nherẽ, ãhã nhisiwimhã ma tô ĩpawa'âbâ na 10 ãma isahu na ãma ĩwi iti'awi.

Zenezi 31:41 ပူးပေါင်းရင်းမြစ်များ

Zenezi 27:44

tame a'â i'rata 're aihâimana mono da, niha bâtâ na adub'rada asada isiti'ruzé hã tãma isi'utõrĩzéb u,

Zenezi 29:15

Tawamhã Labã te Zacoho ma tinha ãne: — Ĩma hã ibâi õ di, ĩsiwapru na aihâimana nherẽ, wa'âbâ ãna ĩma 're iromhuri mono da hã. Tahawa e niha te asima iwẽ, asimiromhuri wa'â 're imrami mono da hã.

Zenezi 30:28

Tahawa ma'ãpé asima iwẽzém na ĩma waihu'u, za nasi te aima iwa'âbâzéb da hã.

Zenezi 31:38

20 wahum na wa tô te aima 're romhuri. Tane nherẽ, niwamhã pone'ẽrebâ zéré mapure 'ra hã, duré pone'ẽrebâ zéré uzé 'ra hã dâ'â siromomhã 'maipoto õ di, aiwi hã. Duré niwamhã ate pone'ẽrebâ zéré mapure si'aibâ te aiwi 'mai'rẽne õ di.

Zenezi 31:40

Ãne aré ĩnhimiromhurizé hã: Bâtâ na hã rowa'ro wa tô te 're sépata. Bara na zama wa tô duré mara wahâ hã te 're sépata. Tahawa, ma tô ĩnhotõ ãna ĩ'ãma 're awẽ.

Zenezi 31:6

Aima hã waihu'u pese aba di, aimama aba ma ĩnhiptete sina te 're iromhuri pese mono zém na hã.

Zenezi 31:7

Tane nherẽ, ma tô ĩma sadawa hapese. 10 na ãma isahu na ĩpawa'âbâ na ma to ĩwĩ ãma ti'awi. Tane nherẽ, 'Re ihâimana u'âsi mono, marĩ hã te te ĩ'ãma i'manharĩ wasété da hã te te tãma ĩhâiba nhomri õ di.

Zenezi 32:4

Tahawa, te ãne sina tãma nharĩ za'ra, te te siwi mreme âri da: “Wa hã Zaco, asimiroti zarina wa za marĩ hã te 're ab'manharĩ aima. Wa tô Labãhã nhorõwa ãma 're ĩhâimana hâ pese pari.

1 Corĩtu 15:10

Tane nherẽ, 'Re ihâimana u'âsi mono hã tinhimizawi pese zéb zarina si, ma tô ĩma tinhopru, tô õhõ na si dama 're ĩhâimana mono da oto, Cristuhu zadawa wasu'u'wa na. E tawamhã, taré ma tô ĩma tinhopru, 'Re ihâimana u'âsi mono hã. Mare di. Wa tô te ĩsina tãma 're uwaimrami u'âsi. Uburé ĩsiré Cristuhu zadawa wasu'u'wa norĩ hã, wa tô romhuri na te 're 'rãnhipai u'âsi za'ra. Tane nherẽ, ĩsi'uihâ na te dama 're romhuri mono õ di. 'Re ihâimana u'âsi mono si, ma tô te te 're ĩpawapto, ãne na te dama 're romhuri mono da, ĩma isõprubzéb zarina si.

2 Corĩtu 11:26

Daro mono bâ 're ĩmorĩ ré hã, ĩma romnhimimnhasi uptabi nherẽ, wa tô âpré na te 're saprĩ, panho'õmo na hã. Duré isimisaihuri norĩ ahâ di, bâdâdi na hã, danhibrob zô dapãrĩ'wa norĩ hã. Ni'wam norĩ hã ĩsiré zudeu 're hâimana za'ra mono nherẽ, ma tô duré ĩzada 're hâimana wasété u'âsi za'ra, zudeu'õ norĩ zama hã duré. 'Ri nho'õmo mono bâ, ma tô duré da te dasima 're ĩ'ru za'ra, niha na da te ĩma 're rob'manharĩ za'ra mono da. A'ubuni wi 're ĩmorĩ ré hã, ĩsina romnhimimnhasi na, wa tô duré 're ĩhâimana, â poré na zama 're ĩmorĩ ré hã. Ni'wam norĩ hã tô sena Cristuhu zazei'wa 're hâimana za'ra mono newa, ma tô duré ĩzada 're hâimana za'ra, ta norĩ zama. Tahawa, ĩsina romnhimimnhasi uptabi nherẽ, wa tô 're ĩhâimana u'âsi.