Zenezi 31:32 - ꞌRe Ihâimana Uꞌâsi Mono Zadawa Wasuꞌu

³² Ate romhâibarĩ norĩ, ni'wai ãma sãmri za'ra wamhã, te za ta hã wĩrĩ ni za. Wasiré norĩ nho'a, siwa'ru danhimarĩ ãma marĩ ate 'masãmri wamhã, te za i'â za, apâ. Tane nherẽ, Zaco, Raqueu romhâibarĩ norĩ te te isimi'uri za'ra na hã te te waihu'u õ di.

Zenezi 31:32 ပူးပေါင်းရင်းမြစ်များ

Zenezi 13:8

Tahawa, te nimahã bâtâ na Abrã, Loho ma tinha ãne: — Wa norĩ hã wasiwapru 'râwibre hã. Tahawa ibâi õ di, wasima iwazahi da hã. Duré ĩnhimizama na romhuri'wa norĩ, asimizama na romhuri'wa norĩ me sima 're isahi za'ra mono da hã, ibâi õ di.

Zenezi 19:7

ma tô ãne dama tinha: — Ĩzawi na hã ĩsiwaihu'u norĩ, ma'ãpé ãne na aiwasédé 'manharĩ za'ra wa'aba tõ!

Zenezi 30:33

Apto'o ré wamhã, sena na 're ĩhâimana mono zém na ĩwaihu'u da hã aima wapure di za. Nimahã na ãma ĩpawa'âbâ da, aza'rata wamhã, pone'ẽrebâ 'ra i'rãdâ'â'õ norĩ, pone'ẽrebâ zéré mapure i'upto'õ norĩ, duré pone'ẽrebâ zéré uzé i'upto'õ norĩ 'masãmri wamhã, te za iwaihu'u, wa hã te aiwi i'manhimi'uri na hã.

Zenezi 31:19

Tawamhã Labã, Raqueu mama, tinhimizama pone'ẽrebâ te te azéré nhihâri da, morĩ ré, ma tô i'ra Raqueu, isõrõwa 're, romhâiba norĩ ãma 're iwata za'ra mono hã ma tô tiwi simi'uri za'ra, timama wi.

Zenezi 31:23

Tahawa ma tô aibâ isiwapru norĩ, isiré 're ihâimana za'ra mono hã sima 'rã'õtõ. Te te 'rã'õtõ wamhã ma tô Zacoho zarina ai'aba'ré. Tahawa, 7 na bâdâ ãma si'utõrĩ pari, ma tô Labã norĩ, Zaco hã siwi sasĩ, Ziliadi na romnhisi ãma ẽne ihâimana za'ra ãma.

Zenezi 31:30

Tô oto ĩhawi i'aiwatobrozé hã ĩma waihu'u pese di, aimama norĩ nhorõwa na aipẽ'ẽzé te te aiwĩrĩ wa. Tane nherẽ, e marĩ da, ma tô bété ĩnhorõwa 're, ĩte romhâibarĩ norĩ hã ĩwi isimi'uri za'ra.

Zenezi 31:31

Tawamhã Zaco, ma te asa ãma sada'â ãne: — Wa tô ĩpahi pese, ai'ra asiptete na ĩwi ãma ropti zahuré õ'umnhasite.

Zenezi 31:33

Tawamhã Labã, Zacoho te romhâ 'manharĩ na 'ri u ma tô ãzé. Taha pari ma tô duré ãzé Léiaha nhib'ri u hã, duré maparane tãma iromhuri'wa norĩ nhib'ri u zama. Tane nherẽ, romhâibarĩ hã te te sãmri za'ra õ di. Tawamhã ta norĩ hawi watobro wamhã, Raqueu nhib'ri u hã ma tô duré oto ãzé.