Zenezi 31:30 - ꞌRe Ihâimana Uꞌâsi Mono Zadawa Wasuꞌu

³⁰ Tô oto ĩhawi i'aiwatobrozé hã ĩma waihu'u pese di, aimama norĩ nhorõwa na aipẽ'ẽzé te te aiwĩrĩ wa. Tane nherẽ, e marĩ da, ma tô bété ĩnhorõwa 're, ĩte romhâibarĩ norĩ hã ĩwi isimi'uri za'ra.

Zenezi 31:30 ပူးပေါင်းရင်းမြစ်များ

Zenezi 31:19

Tawamhã Labã, Raqueu mama, tinhimizama pone'ẽrebâ te te azéré nhihâri da, morĩ ré, ma tô i'ra Raqueu, isõrõwa 're, romhâiba norĩ ãma 're iwata za'ra mono hã ma tô tiwi simi'uri za'ra, timama wi.

Zenezi 31:31

Tawamhã Zaco, ma te asa ãma sada'â ãne: — Wa tô ĩpahi pese, ai'ra asiptete na ĩwi ãma ropti zahuré õ'umnhasite.

Zenezi 35:2

Tawamhã Zaco te uburé isõrõwa 're, 're ihâimana za'ra mono norĩ ma nharĩ za'ra, ãne: — Wasiré a'uwẽ'õ norĩ te, ihâiba'õ norĩ ma, romhâibarĩ na ãma 're idawata za'ra mono hã aima ihâimana za'ra wa'wa hã, te za asiwi isãmra 'wa. Ma'ãpé asipese za'ra wa'aba. Duré da'uza ihâi uptob'õ na te za asi'uza za'ra wa'wa.

Ezodu 12:12

— Tawamhã tô taha mara na wa za Ezitu na romnhisi nhisi baba 're mo. 'Re ĩmorĩ wamhã, aibâ dama ipoto'rata za'ra mono hã wa za te dawi hâ za'ra, dawi si'utõrĩ mono da. Duré danhimizama zama wa za te dawi hâ za'ra, aibâ na dama ipoto'rata za'ra mono hã, taha zama dawi si'utõrĩ mono da. Tawamhã hâiwa ãma, waihu'u pese uptabi newa, ãma 're idawata za'ra mono norĩ zama wa za hâ za'ra. E marĩ wa, wa za hâ za'ra. Tô sena, wa hã 'Re ihâimana u'âsi mono, Uburé Danhib'apito uptabi wa.

Zozué 24:2

Tahawa te Zozué uburé dama tinha, ãne: — Ãne te tinha, Uburé Danhib'apito, Izaraéu nhihudu norĩ te, 'Re ihâimana u'âsi mono hã: “Duréi aihi'rata norĩ wa'wa pa nho'u Eufrati pa zara niwĩ 're hâimana za'ra mono ré hã ihâiba'õ waihu'u pese newa ãma 're idawata za'ra mono ãma ma tô 're wata za'ra. Aihi'rata norĩ wa'wa, Tera, Abra'ãhã mama, duré Naoho mama.

Zuize 18:17

Tawamhã 5 na ihâiba na robzabui'wa norĩ hã ma tô 'ri para u asisi. Tahawa, wede na romhâibarĩ ẽtẽ waipo prã prata na ihâiba upsibi hã ma tô siwi ti'â. Tawamhã duré ihâiba amo romhâibarĩ norĩ hã ma tô siwi waibu, sasedoti si'uzazé me. Ãhã ré, ma tô 600 na dasi'wapéi 'manharĩ'wa norĩ simnhi'ãsi ré, sasedoti siré hã 'ridawa za'ẽtẽ ãma mapari za'ra.

Zuize 18:24

Tawamhã Mica, ma te asa ãma sada'âbâ za'ra ãne: — E niha te romhâimanazéb zô asiwi ĩzadanharĩ 'wa. A norĩ wa'wa, ma tô romhâibarĩ, te i'manharĩ hã asiwi i'wasari 'wa. Duré sasedoti te te ĩma 're iromhuri mono hã ma tô asiwi isaprõni 'wa. Ã norĩ za'u hã e marĩ ma tô ĩma si'mairẽ.

Zuize 6:31

Tane nherẽ, Zoasi, uburé sada isi'rã'õtõ norĩ ma, ma tô tãma nharĩ za'ra ãne: — E a norĩ wa'wa hã ma tô Baauhu 'wawimhã asimi'rãmi za'ra wa'wa. Ni'wa i'wawi simi'rãmi wamhã, te za dârâ, ãma awẽ õ ré. Duré tô Baau sena ihâiba'õ waihu'u pese wamhã, 'râwi pé si'wawimhã simapa. Oro õhõ hã waihu'u pese za, pé marĩ te te 'manharĩ.