Zenezi 31:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Uburé Danhib'apito te Zacoho ma tinha ãne: — Aimama norĩ nhipti'ai u te za oto apâ aimo, asiré a'uwẽ asisãnawã norĩ 're ihâimana za'ra mono zéb u. Wa hã wa za asiré ĩhâiba.

Zenezi 31:3 ပူးပေါင်းရင်းမြစ်များ

Zenezi 13:15

Ta hã wa za asihudu norĩ ma ropibuma aima tisõ, õne u'â asihudu norĩ nhipti'a na tãma 're hâimana za'ra mono da, ã hã i'ab'madâ'â mono hã.

Zenezi 21:22

Tawamhã Abimelequi, tô taha bâdâ we isisõré mono na ma tô Abra'ãhã ma, te te robzanhamri da hã itẽme mo. Duré taha wamhã Fico, ite dasi'wapéi 'manharĩ'wa norĩ 'madâ'â'wa hã ma tô isiré mo. Tahawa te ãne tãma tinha: — 'Re ihâimana u'âsi mono, uburé marĩ 're i'ab'manharĩ mono zém na hã te we asiré 're hâimana.

Zenezi 26:24

Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 28:15

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Zenezi 28:4

Abra'ãhã ma, iwẽ te te 're i'apisutu mono ne, te te duré aima 're i'apisutu mono da si, wa ĩsima wẽ. Asihudu norĩ ma zama te te duré tãma 're apisutu mono da si, wa tô ĩsima wẽ, ã hã ti'ai 're, dasiré a'uwẽ'õ na 're i'aihâimana mono zé tede'wa na ta norĩ hã oto 're hâimana za'ra mono da, Abra'ãhã ma, 'Re ihâimana u'âsi mono, ti'a te te isõmri hã.

Zenezi 30:25

Tawamhã Zuzé poto pari, Zaco te Labãhã ma tãma tinha ãne: — Ma'ãpé ĩma rowairébé, apâ ĩnhipti'ai u ĩmorĩ da hã.

Zenezi 31:13

Wa hã, 'Re ihâimana u'âsi mono, Bétéu ãma aima ĩsihâi'ré, ẽne ĩma ipisutu ãma, azeitona wa'u tom na isisiwi ĩma isa'wari ãma, duré asina ĩma iropisutuzé hã i'manharĩzéb ãma. Tahawa awa'awi na te za asima irob'ubumro, ã hã ti'ai hawi aiwatobro da, apâ aimorĩ da, ti'ai 're i'aipotozéb u.”

Zenezi 31:18

Taha pari ma tô uburé tinhimizama te te simro, Cana'ã ti'ai u imama Izaqui 're ihâimana mono zéb u. Padã-Arã na romnhisi ãma uburé marĩ te te sima 're i'awaibui mono zama ma tô siré tidu.

Zenezi 31:2

Tawamhã Zaco ma tô duré 'madâ'â waihu'u, Labã imorĩ'rata na isiwaihu'u na tãma ihâimana nei õ na isihâi'rézém na hã.

Zenezi 31:4

Tahawa Zaco, te Raqueu norĩ zô, Léiaha me sô tihârâ zahuré, isimizama norĩ rom na isimasabzéb u itẽme neb da.

Zenezi 32:10

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Zenezi 32:5

Ĩnhimizama powawẽ hã ahâ di, awaru po're pore hã, pone'ẽrebâ hã, pone'ẽrebâ zéré uzé hã, ĩma romhuri'wa sipi'õ hã, duré ĩma romhuri'wa si'aibâ hã. Ĩnhib'apito, ã hã romreme hã wa ãma aima tisõ, ĩ'âriwẽzéb da hã.”

Zenezi 32:9

Tawamhã Zaco, ãne te 'Re ihâimana u'âsi mono ma hã mre: — Uburé Danhib'apito, ĩhi'rata Abra'ãhã te, duré ĩmama Izaquihi te 'Re ihâimana u'âsi mono, ma'ãpé aima ĩmremezém na hã ĩwapari. A hã ma tô we ĩzatõ, apâ ĩnhipti'ai u we ĩmorĩ da, ĩsiwapru norĩ u. Duré iwẽ na si ĩma romhâimana mono da hã, ma tô ĩma iropisu.

Zenezi 35:1

Tawamhã 'Re ihâimana u'âsi mono, Zacoho ma, te ãne tinha: — Ma'ãpé asima rob'ubumro na, Bétéu u apâ aimorĩ da, tame 're aihâimana mono da. Tame te za ẽtẽ za'ra ĩma danhoprubzé zata zéb da hã ĩma i'manha, wa hã 'Re ihâimana u'âsi mono, adub'rada Ezauhu wi aimani wa, aima ĩsihâi'ré ma.

Zenezi 35:3

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.

Ezodu 3:12

Tawamhã 'Re ihâimana u'âsi mono, ma duré ãma sada'â ãne: — Wa hã wa za asiré ĩhâiba. Niwa nimahã na Ezitu hawi ĩnhib'a'uwẽ awazere wamhã, a norĩ wa'wa te za ã hã ẽtẽ ãma hã ĩ'ãma 're aiwata za'ra wa'aba mo. Tawamhã ãne na te i'asatõrĩzém na te za a hã tô sena na hã iwaihu.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”