Zenezi 31:23 - ꞌRe Ihâimana Uꞌâsi Mono Zadawa Wasuꞌu

²³ Tahawa ma tô aibâ isiwapru norĩ, isiré 're ihâimana za'ra mono hã sima 'rã'õtõ. Te te 'rã'õtõ wamhã ma tô Zacoho zarina ai'aba'ré. Tahawa, 7 na bâdâ ãma si'utõrĩ pari, ma tô Labã norĩ, Zaco hã siwi sasĩ, Ziliadi na romnhisi ãma ẽne ihâimana za'ra ãma.

Zenezi 31:23 ပူးပေါင်းရင်းမြစ်များ

Zenezi 13:8

Tahawa, te nimahã bâtâ na Abrã, Loho ma tinha ãne: — Wa norĩ hã wasiwapru 'râwibre hã. Tahawa ibâi õ di, wasima iwazahi da hã. Duré ĩnhimizama na romhuri'wa norĩ, asimizama na romhuri'wa norĩ me sima 're isahi za'ra mono da hã, ibâi õ di.

Zenezi 24:27

Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Zenezi 31:22

Tawamhã si'ubdatõ bâdâ ãma ne pari, ma tô Labã waihu'u, Zaco isimanizém na hã.

Zenezi 31:24

Tawamhã tô taha mara na sõtõ 'rowi ma tô Labãhã u, 'Re ihâimana u'âsi mono hã sihâi'ré. Tahawa te ãne tãma tinha: — Ni'ã pé! Niha na Zacoho ma hã tãma rob'manharĩ tõ. Tô'ã!

Ezodu 2:11

Tawamhã Mozési ma tô oto si'aibâ. Tahawa te nimahã bâtâ na tisiré norĩ te te sabu da oto mo. Morĩ wamhã, ma tô ab'madâ, romhuri pire na te te rob'ma'wamarĩ ré hã. Tahawa ezipsiu norĩ siré hã, isiré Izaraéu nhihudu te te i'mai'azâri zama hã ma tô 'madâ.

Ezodu 2:13

Tawamhã awẽm na rowa'a wi apâ te te sina siri wa, ma tô Izaraéu nhihudu norĩ isi'ahâri hã 'madâ'â zahuré. Tahawa tisiré te te i'azâri ma te tãma tinha ãne: — E marĩ da, ma tô asiré nherẽ i'azâ.