Zenezi 31:18 - ꞌRe Ihâimana Uꞌâsi Mono Zadawa Wasuꞌu

¹⁸ Taha pari ma tô uburé tinhimizama te te simro, Cana'ã ti'ai u imama Izaqui 're ihâimana mono zéb u. Padã-Arã na romnhisi ãma uburé marĩ te te sima 're i'awaibui mono zama ma tô siré tidu.

Zenezi 31:18 ပူးပေါင်းရင်းမြစ်များ

Zenezi 25:20

Tawamhã Izaqui 40 na ãma iwahub ãma, ma tô Betu'éhé 'ra Rebecaha ãma timro, Labãhã hidiba ãma hã. Ta norĩ hã Arameu norĩ siré, te Mezopotãmia na romnhisi ãma 're hâimana zahuré.

Zenezi 27:41

Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 28:21

rowẽ na apâ ĩhâiba ré ĩmama nhorõwa u ĩwisi wamhã, a hã te za Ĩnhib'apito, ĩte 'Re ihâimana u'âsi mono na hã 're aihâimana mo.

Zenezi 31:17

Tawamhã Zaco, ma tô ti'ra norĩ, duré timro norĩ, awaru ba'õmore ba nhisiwimhã anhoré, oto si'aba'ré da.

Zenezi 32:6

Tawamhã romreme 'wapéi'wa norĩ, Ezauhu ma te te sadawa wasu'u za'ra pari, apâ si'aba'réi wamhã, te ãne Zacoho ma rowasu'u za'ra: — Adub'rada Ezauhu u wa tô aihutu ni. Ta hã te we oto mo, te te sina ai'uzusi da, 400 na aibâ norĩ ihâiba za'ra siré.