Zenezi 31:13 - ꞌRe Ihâimana Uꞌâsi Mono Zadawa Wasuꞌu

¹³ Wa hã, 'Re ihâimana u'âsi mono, Bétéu ãma aima ĩsihâi'ré, ẽne ĩma ipisutu ãma, azeitona wa'u tom na isisiwi ĩma isa'wari ãma, duré asina ĩma iropisutuzé hã i'manharĩzéb ãma. Tahawa awa'awi na te za asima irob'ubumro, ã hã ti'ai hawi aiwatobro da, apâ aimorĩ da, ti'ai 're i'aipotozéb u.”

Zenezi 31:13 ပူးပေါင်းရင်းမြစ်များ

Zenezi 31:11

Tawamhã taha ré ma tô 'Re ihâimana u'âsi mono ma, Hâiwa ãma Romhuri'wa ĩnhisi na hã ĩ'mahâ. Ãhã wa, wa tô sada'â ãne: “E marĩ! Ãhãta wa ãme ĩhâiba.”

Zenezi 31:14

Tawamhã Raqueu norĩ Léiaha me, ma tô ãne sada'âbâ zahuré: — Wamama nhiptiha hã si'mairẽme õ di, i'uirĩ na niwa ãma iwasite da hã.

Zenezi 31:3

Tawamhã Uburé Danhib'apito te Zacoho ma tinha ãne: — Aimama norĩ nhipti'ai u te za oto apâ aimo, asiré a'uwẽ asisãnawã norĩ 're ihâimana za'ra mono zéb u. Wa hã wa za asiré ĩhâiba.

Zenezi 32:9

Tawamhã Zaco, ãne te 'Re ihâimana u'âsi mono ma hã mre: — Uburé Danhib'apito, ĩhi'rata Abra'ãhã te, duré ĩmama Izaquihi te 'Re ihâimana u'âsi mono, ma'ãpé aima ĩmremezém na hã ĩwapari. A hã ma tô we ĩzatõ, apâ ĩnhipti'ai u we ĩmorĩ da, ĩsiwapru norĩ u. Duré iwẽ na si ĩma romhâimana mono da hã, ma tô ĩma iropisu.

Zenezi 35:1

Tawamhã 'Re ihâimana u'âsi mono, Zacoho ma, te ãne tinha: — Ma'ãpé asima rob'ubumro na, Bétéu u apâ aimorĩ da, tame 're aihâimana mono da. Tame te za ẽtẽ za'ra ĩma danhoprubzé zata zéb da hã ĩma i'manha, wa hã 'Re ihâimana u'âsi mono, adub'rada Ezauhu wi aimani wa, aima ĩsihâi'ré ma.

Zenezi 35:7

Tawamhã tame ma tô ẽtẽ za'ra hã 'manha, 'Re ihâimana u'âsi mono ma. Ta hã ma tô sisi, “Bétéu te, 'Re ihâimana u'âsi mono” na. E marĩ wa. Tame tãma sihâi'ré wa, tidub'rata ma, simani wamhã.