Zenezi 31:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã taha ré ma tô 'Re ihâimana u'âsi mono ma, Hâiwa ãma Romhuri'wa ĩnhisi na hã ĩ'mahâ. Ãhã wa, wa tô sada'â ãne: “E marĩ! Ãhãta wa ãme ĩhâiba.”

Zenezi 31:11 ပူးပေါင်းရင်းမြစ်များ

Zenezi 18:1

Tawamhã Uburé Danhib'apito, Abra'ãhã ma, ma tô tãma sihâi'ré, rowede iwazéb zahi, Mare na isisi 'rata hâimana ré. Tawamhã Abra'ã, hâiwahâ tẽme rowa'ro wa, ma tô romhâ 'manharĩ na tinhorõwa 'ridawa zahâpâmhã nhamra rowi.

Zenezi 18:17

Tawamhã Uburé Danhib'apito te 'râwi sima tinha, ãne: “Abra'ãhã wi, za marĩ te i'manharĩzé te tiwi i'udâ da hã mare di za.

Zenezi 22:1

Tawamhã wahu hã duré si'utõrĩ mono pari, 'Re ihâimana u'âsi mono, ma tô Abra'ã hã pibu, sena na te te sina 're umnhasi pese mono zô. Tahawa isisi na te te 'mahârâ wamhã, ma tô ãne sada'â asa: — E marĩ. Ãhãta ãme wa za.

Zenezi 22:11

Tane nherẽ, te te sada sarõtõ wi, Uburé Danhib'apito te, hâiwa ãma romhuri'wa, te hâiwa hawi 'mahâ ãne: — Abra'ã. Abra'ã. — E marĩ. Ãhãta wa za. — Ãne ma asa sada'â.

Zenezi 22:15

Tawamhã Uburé Danhib'apito te, hâiwa ãma romhuri'wa te duré 'mahâ hâiwa hawi, Abra'ã hã.

Zenezi 31:10

— Tawamhã nimahã bâtâ na pone'ẽrebâ si'aibâ norĩ, tinhipi'õ te te wasã za'ra ré, wa tô te saho ãne. Pone'ẽrebâ zéré uzé si'aibâ norĩ, tinhipi'õ te te iwasã za'ra hã iwawi si, duré i'upto si wa tô ab'madâ.

Zenezi 31:13

Wa hã, 'Re ihâimana u'âsi mono, Bétéu ãma aima ĩsihâi'ré, ẽne ĩma ipisutu ãma, azeitona wa'u tom na isisiwi ĩma isa'wari ãma, duré asina ĩma iropisutuzé hã i'manharĩzéb ãma. Tahawa awa'awi na te za asima irob'ubumro, ã hã ti'ai hawi aiwatobro da, apâ aimorĩ da, ti'ai 're i'aipotozéb u.”

Zenezi 31:24

Tawamhã tô taha mara na sõtõ 'rowi ma tô Labãhã u, 'Re ihâimana u'âsi mono hã sihâi'ré. Tahawa te ãne tãma tinha: — Ni'ã pé! Niha na Zacoho ma hã tãma rob'manharĩ tõ. Tô'ã!

Zenezi 31:5

Tawamhã itẽme simasisi wamhã, te ãne tãma nharĩ zahuré: — Aimama 'wa ĩsiwaihu'u na imorĩ'rata na ĩma ihâimana nei õ na isihâi'rézém na wa tô 'madâ'â waihu'u. Tane nherẽ, ĩmama te, 'Re ihâimana u'âsi mono hã te ĩsiré 're hâimana u'âsi.

Zenezi 37:5

Tawamhã nimahã bâtâ na ma tô Zuzé hã rosawẽ. Ta hã ma tô tisisãnawã norĩ ma tãma wasu'u za'ra. Ãhã wa, ma tô oto sima 'ruiwazere pese za'ra,

Zenezi 46:2

Tawamhã 'Re ihâimana u'âsi mono, taha mara na ma tô sõtõ 'rowim ne tãma tinha. Ãne te tawamhã isisi na hã 'mahâ: — Zaco, Zaco! — E marĩ. Ãhãta wa ãme ĩhâiba. — Ãne ma asa sada'â.

Ezodu 3:4

Tawamhã Uburé Danhib'apito, Mozési 'râwi itẽme te te sina irotété na te te 'madâ'â wamhã, ma tô wede iro'o wa'wa hawi 'mahâ ãne: — Mozési! Mozési! Tawamhã awa'awi ma sada'â ãne, Mozési hã: — E marĩ. Ãhãta, ãme wa za.

Mateu 27:19

Tawamhã Pilatu hã te te 're ida'awaihu'u mono zéb da, roti ma, 're isimasisi mono zéb ãma sãmra ré, ma tô imro hã timreme hã tãma tisõ. Ãne ma te ihâiba na hã tãma waihu'u: — Ma'ãpé ãma rosazâri, aibâ ãma. Ta hã tiha te te 're ab'manharĩ mono õ di. Bara na hã ĩnhotõ 'rowi te isawẽrẽzém na hã wa tô ãma robzépata za'ẽtẽ, taha na hã. Ãma ĩpẽ'ẽzé uptabi di. Tahawa, te za ãma irosazâ.

1 Samuéu 3:16

Tane nherẽ, te Eri hã 'mahâ, ãne: — Ĩ'ra Samuéu! Tahawa ma sada'â ãne: — E marĩ. Ãhãta ãme wa nhamra.

1 Samuéu 3:4

Tawamhã te Uburé Danhib'apito 'mahâ ãne: — Samuéu, Samuéu! Tawamhã ma tô sada'â ãne, Samuéu hã: — E marĩ. Ãhãta ãme wa nhamra.

1 Samuéu 3:6

Tawamhã Uburé Danhib'apito te duré 'mahârâ zahu, Samuéu hã. Tahawa, ma tô duré udu. Ma tô duré mo, Erihi za'warizéb u. Ãne te sadanharĩ na sahu duré: — Ĩnhib'apito, e te ĩ'mahâ. Ĩ'mahârâ wamhã, ãhãta wa za, ai'rata. Tane nherẽ, ma duré ãma sada'â, ãne: — Ĩ'ra, te ai'mahârâ õ di. Mo oto apâ aimorĩ, asimiwaptâ u.

1 Samuéu 3:8

Tawamhã Uburé Danhib'apito te duré 'mahâ, Samuéu hã si'ubdatõ ãmamhã. Tahawa, ma tô duré udu wara sina. Tawamhã ma tô mo duré, Erihi za'warizéb u hã. Tahawa, te duré sadanha, ãne: — Ĩnhib'apito, e te ĩ'mahâ. Ĩ'mahârâ wamhã, ãhãta wa za, ai'rata. Tawamhã Eri ma tô oto waihu'u, Uburé Danhib'apito te te nasi i'mahârâ na hã, Samuéu hã.