Zenezi 31:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zaco, Labãhã 'ra norĩ, te te nasi inharĩ za'ra zé ma tô waihu'u: — Wamama za'ra te, Zaco hã ma tô uburé sima sani za'ra. Taha zarina ma tô oto sisibro pese ãma.

Zenezi 31:1 ပူးပေါင်းရင်းမြစ်များ

Zenezi 30:43

Tawamhã ãne wa, ma tô oto sisibro pese. Isimizama pone'ẽrebâ zéré mapure norĩ, pone'ẽrebâ zéré uzé norĩ, tãma iromhuri'wa si'aibâ norĩ, tãma iromhuri'wa sipi'õ norĩ zama, awaru ba'õmore norĩ hã, duré awaru po're pore norĩ hã ahâ uptabi di oto.

Zenezi 31:2

Tawamhã Zaco ma tô duré 'madâ'â waihu'u, Labã imorĩ'rata na isiwaihu'u na tãma ihâimana nei õ na isihâi'rézém na hã.

Zenezi 31:43

Tawamhã Labã, ãne ma te Zaco hã sada'â: — Ã hã ĩ'ra norĩ hã, duré ĩnhihudu norĩ hã, duré robzari norĩ hã ĩte. Duré uburé marĩ i'a'madâ'â norĩ hã tô ĩte si. Tane nherẽ, ĩ'ra norĩ 'rata duré isé're hawib zahuré i'ra tãma ipoto za'ra 'rata ĩhâimana waihu'u õ wa,

Zenezi 45:13

Ma'ãpé ĩmama ma hã tãma ĩwasu'u za'ra wa'aba, Ezitu 're dama ĩpire na 're ĩhâimana mono zém na hã. Duré ma'ãpé uburé marĩ atõmo na i'madâ'â za'ra wa'wa hã tãma wasu'u za'ra wa'aba. Tahawa, ma'ãpé waptu na ai'aba'réi wa'aba, ĩmama hã we ãwa asiwi saprõni aba hâ.

Provébiu 14:30

Dapẽ'ẽ 're rowẽzé hã te za dahâiba nhiptetezé hã te te dama 're sõmri. Tane nherẽ, marĩ zô, da te dasima 're irob'ruiwapari za'ra mono zé hã aiwa dahi na dazépu'u pire te te 're idahi ware za'ra mono ne hã.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Mateu 4:8

Taha pari, te duré Wa'uburé Zezusi hã saprõ, ẽtẽ 'rãihâ u, danhib'apito norĩ nhipti'ai mono bâ te te rob'madâ'â mono da, ro iwẽ uptabi uburé te te ab'madâ'â mono da.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.

1 Pedru 1:24

Duréihã ma tô ãhã wasu'u na ãma rob'ui'éré, 'Re ihâimana u'âsi mono zadawa 'mahârâ'wa hã. Ãne te rowasu'u: “Du hã 're wapti'i hâ za'ra mono õ ré, te za 're 'ré za'ra. Duré romnhirãrã norĩ hã wẽ nherẽ, te za 're sirãrã a'a za'ra. Tane duré dahâiba hã wẽ nherẽ, te za 're si'utõrĩ su'u.