Zenezi 30:43 - ꞌRe Ihâimana Uꞌâsi Mono Zadawa Wasuꞌu

⁴³ Tawamhã ãne wa, ma tô oto sisibro pese. Isimizama pone'ẽrebâ zéré mapure norĩ, pone'ẽrebâ zéré uzé norĩ, tãma iromhuri'wa si'aibâ norĩ, tãma iromhuri'wa sipi'õ norĩ zama, awaru ba'õmore norĩ hã, duré awaru po're pore norĩ hã ahâ uptabi di oto.

Zenezi 30:43 ပူးပေါင်းရင်းမြစ်များ

Zenezi 12:16

Tawamhã duré taha hâiba u'âbâmhã ma tô apito, Abrãhã ma, marĩ hã tãma 'manharĩ wẽ. Tahawa pone'ẽrebâ norĩ hã, duré powawẽ norĩ hã, duré awaru po're pore si'aibâ norĩ isipi'õ norĩ me, duré pawa'âbâ ãna romhuri'wa si'aibâ norĩ pi'õ norĩ me hã, duré awaru ba'õmore norĩ hã ma tô tãma sõmri za'ra.

Zenezi 13:2

Abrã hã isimarĩ pese uptabi di, pozé wasété na hã, ẽtẽ waipo prã prata na hã, duré ẽtẽ waipo pré oru na hã.

Zenezi 24:35

Uburé Danhib'apito ma tô ĩnhib'apito ma iwẽ si te te tãma 're apisutu. Tahawa, ma tô sisimarĩ pese. Isimizama da, pone'ẽrebâ norĩ hã, pone'ẽrebâ zéré uzé norĩ hã, powawẽ norĩ hã, ẽtẽ waipo prã prata 'manharĩ hã, ẽtẽ waipo pré oru 'manharĩ hã, pawa'âbâ ãna tãma romhuri'wa si'aibâ norĩ hã pawa'âbâ ãna romhuri'wa sipi'õ norĩ hã, awaru ba'õmore norĩ hã, duré awaru po're pore norĩ zama hã ma tô tãma sõmri za'ra.

Zenezi 28:15

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Zenezi 30:30

We ãwa ĩwisi wana ré hã asimarĩ hã aré umrore di. Tane nherẽ, ma tô oto sina hâ. Duré 'Re ihâimana u'âsi mono, nimomo 're ĩne mono sidâpâsi ma tô iwẽ hã te te aima 're apisutu. Tane nherẽ, oto wa hã ãhã na hã ĩhawi a'uwẽ norĩ si te oto 're i'a'madâ'â mono da si, wa tô oto ĩsima wẽ zahi.

Zenezi 30:42

Tane nherẽ, Zaco, pone'ẽrebâ ihâiba nhib'uware norĩ nho'remhã, wede panhipti te te nasi aza'ra õ di. Tahawa ihâiba nhib'uware norĩ, Labãhã ma si ma tô tãma 're hâimana za'ra. Duré Zacoho ma, ihâiba nhiptete norĩ si ma tô tãma 're hâimana za'ra.

Zenezi 31:1

Tawamhã Zaco, Labãhã 'ra norĩ, te te nasi inharĩ za'ra zé ma tô waihu'u: — Wamama za'ra te, Zaco hã ma tô uburé sima sani za'ra. Taha zarina ma tô oto sisibro pese ãma.

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Zenezi 32:10

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Zenezi 32:14

Pone'ẽrebâ zéré uzé sipi'õ 200 na, pone'ẽrebâ zéré uzé si'aibâ 20 na, pone'ẽrebâ zéré mapure sipi'õ 200 na, pone'ẽrebâ zéré mapure si'aibâ 20 na

Zenezi 32:5

Ĩnhimizama powawẽ hã ahâ di, awaru po're pore hã, pone'ẽrebâ hã, pone'ẽrebâ zéré uzé hã, ĩma romhuri'wa sipi'õ hã, duré ĩma romhuri'wa si'aibâ hã. Ĩnhib'apito, ã hã romreme hã wa ãma aima tisõ, ĩ'âriwẽzéb da hã.”

Zenezi 33:11

Tahawa ma'ãpé ĩzawi na hã aima ĩnhoprubzé te we isimroi mono hã asima wẽ za'ra na. 'Re ihâimana u'âsi mono ma tô iwẽ na si ĩma 're hâimana. Tahawa uburé marĩ ĩwi sô 're irobaba mono hã ma tô te te ĩma 're anhomri. Tawamhã Zaco, Ezauhu ma hã te te nasi tãma 'ruzadawa za'rei'õ wa, ma tô oto sima wẽ.

Zenezi 36:7

Tawamhã Ezau ma tô ta hawimhã oto watobro, tino Zacoho me ti'ai wa 're ihâimana zahuré mono hã, tãma zahuré hã surure wa, duré powawẽ na hã simizama ahâ uptabi zahuré wa. Tahawa oto siré 're ihâimana zahuré mono da hã waihu'u õ di.

Luca 12:45

Tazahã, tinhib'apito za're'ra, dama 're hâimana wẽ mono õ wamhã, tãma 're rowẽ mono õ di za. Ãté apito za're'ra, te za 'râwi sima tinha, ãne: “Ĩnhib'apito hã simahudu õ di.” Ãté, ãne te za sima tinha. Tahawa, sô rowaptâ'â wẽ te, te za oto tizapari romhuri'wa norĩ hã te te 're ahâ za'ra aibâ norĩ hã, duré pi'õ norĩ zama hã. Ãté, te za taré tisa zô si 're hâimana. Ãté te za âzé hã te te 're hâsi. Õne u'âsi, te te 're hâsi mono wa, te za 'rãi wasété na 're hâimana.