Zenezi 30:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa Raqueu, Zacoho ma, tite romhuri'wa Bira na isisi hã ma tô tãma hâiba nho, imro prã na tãma 're hâimana mono da. Tawamhã õhõ ré si ma tô oto nomro.

Zenezi 30:4 ပူးပေါင်းရင်းမြစ်များ

Zenezi 16:2

Tawamhã nimahã bâtâ na Sara'i 'ra õ wa, te Abrãhã ma tãma tinha ãne: — Uburé Danhib'apito, ĩ'ra da te te ĩma rowairébé õ 'ru te, ma'ãpé ĩma romhuri'wai ãma aihâimana mono. Ãhã wamhã, taha hâiba u'âbâ ãté te za ĩ'ra ne ĩma 're hâimana za'ra. Tawamhã Abrã, Sara'i tinhimirosa'rada te te ãne tãma iwaihu'uzém na ma tô ãma saze.

Zenezi 21:10

Tawamhã Sara, ãne na te te 'madâ'â zahuré wa, ma tô Abra'ãhã ma tãma tinha ãne: — Ma'ãpé aima romhuri'wa i'ra ré hã satõrĩ, morĩ da. E tihai wa. Romhuri'wai 'ra nherẽ, ai'uirĩ na asibro hã, ĩ'ra Izaquihi siré tãma 'maihâimana tõ da.

Zenezi 22:24

Tawamhã duré imro prã Reumahã 'ra nhisi hã ãne: Teba, Ga'ã, Ta'asi, duré Ma'aca.

Zenezi 25:1

Tawamhã Abra'ã, pi'õ aimawi na ma tô duré timro, Quetura na isisi na.

Zenezi 25:6

Tane nherẽ, timro prãi 'ra norĩ ma, ma tô taré tinhimarĩ na hã ãma tãma tinhoprub za'ra. Tawamhã dâ'â wana ré, ma tô timro prãi 'ra norĩ hã Izaquihi nhiti satõrĩ za'ra, bâtâ pusizém niwĩ 're hâimana za'ra mono da.

Zenezi 29:29

(Labã, tite romhuri'wa Bira na isisi hã, ma tô ti'ra Raqueu ma tisõ, tãma iromhuri'wa da hã.)

Zenezi 30:5

Tahawa, Bira oto wasã wamhã, ma tô i'ra hã tãma podo.

Zenezi 33:2

Tawamhã imro prã norĩ, ti'ra norĩ ré danhowamhã ma tô iré za'ra tihâimana zahuré. Taha parimhã isãna'reb zahuré hã Léia ma tô duré ti'ra norĩ ré hã tihâiba. Tawamhã da'rãsutu'wai ãma ma tô duré Raqueu ti'ra Zuzéhé ré hã te te da'ubumro.

Zenezi 35:22

Tawamhã taha rob ãma Zaco 're hâimana mono ré, ma tô i'ra Rubẽ, Zacoho mro prã na Bira tãma ihâiba hã tiwi upi wasété. Ãne hã imama te te waihu'u wamhã, ma tô ab'rui pese. Zacoho 'ra uburé hã 12 na.

Zenezi 46:25

à norĩ hã 7 na Zacoho nhihudu norĩ, Biraha me, Labã, ti'ra Raqueu ma tãma iromhuri'wa da, te te tãma isõmri me.