Zenezi 30:27 - ꞌRe Ihâimana Uꞌâsi Mono Zadawa Wasuꞌu

²⁷ Tawamhã Labã, ma te ãma sada'â ãne: — Ĩzawi na hã ma'ãpé ĩ'rata 're aihâimana u'âsi mono. E marĩ wa. Wa hã marĩ te i'manharĩ nhipese na, wa tô waihu'u, aihâiba u'âbâmhã Uburé Danhib'apito iwẽ na te te 're ĩpawapto mono zéb zarina hã.

Zenezi 30:27 ပူးပေါင်းရင်းမြစ်များ

Zenezi 12:3

Duré iwẽ te te aima 're i'manharĩ za'ra mono norĩ ma, wa hã wa za duré iwẽ hã te tãma 're 'manharĩ u'âsi za'ra, isimi'manharĩ za'ra zé wa'rãmimhã aima. Duré te te aima 're irob'manharĩ wasété za'ra mono norĩ ma, wa za duré iwẽ'õ hã te tãma 're pisutu za'ra, isimi'manharĩ wasété za'ra zé wa'rãmi, aima hã. Tawamhã duré ai'u'âbâmhã, wa hã wa za ti'ai ãma uburé a'uwẽ mono bâ 're idahâimana za'ra mono norĩ ma, iwẽ hã te dama 're anhomri u'âsi.

Zenezi 18:3

Tawamhã ma tô ãne tãma nharĩ za'ra: — Ĩnhib'apito norĩ, niha na asiwi ĩwẽsãmri aba wamhã, ma'ãpé wasitẽme wasihutu ãna wahâimana za'ra da hã, ĩnhorõwa ĩré asiwi sa'rei wa'aba õ di za.

Zenezi 26:24

Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Zenezi 30:30

We ãwa ĩwisi wana ré hã asimarĩ hã aré umrore di. Tane nherẽ, ma tô oto sina hâ. Duré 'Re ihâimana u'âsi mono, nimomo 're ĩne mono sidâpâsi ma tô iwẽ hã te te aima 're apisutu. Tane nherẽ, oto wa hã ãhã na hã ĩhawi a'uwẽ norĩ si te oto 're i'a'madâ'â mono da si, wa tô oto ĩsima wẽ zahi.

Zenezi 33:15

Tawamhã Ezau te ãne duré tãma tinha: — Tane wamhã, a'â ĩma romhuri'wa norĩ ai'rata 'masi'ubumro, te te ãma siwi i'aipibu za'ra mono da hã. Tawamhã Zaco ma te duré ãne ãma tãma wa'rã: — E marĩ da bâ. Tô ĩwẽsãmri nherẽ, taha nhipai u marĩ zô hã te oto rob'madâ'â õ di.

Zenezi 34:11

Tawamhã Siquẽ te ãne timama ma tinha, duré Dinaha hitébré norĩ ma hã: — Ma'ãpé ãne na ãma ĩzaze za'ra wa'aba. Tawamhã wa hã asima iwẽ za'ra wa'aba zéb zarina wa za marĩ aima sõmri za'ra wa'wa iwa'rãmimhã.

Zenezi 44:5

E marĩ da, ma tô ĩnhib'ihâ'a nhimihâsizé ẽtẽ waipo prã prata na i'manharĩ hã tiwi isimi'uri za'ra wa'wa. Taha na te te 're hâsi. Taha na te duré romnhowamhã marĩ iwatobrozé hã te te 're awaihu'u siro. Marĩ iwasété uptabi ma tô i'manharĩ za'ra wa'wa.”

Zenezi 47:25

Tawamhã ma te ãma sada'âbâ za'ra ãne asa: — Apito, ma iwanho'reptu za'ra. Ma tô duré iwẽ na hã wama i'manharĩ za'ra. Tahawa wa za tô wapawa'âbâ ãna apito ma romhuri'wa na hã 're wahâimana za'ra.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Neemia 2:5

Taha pari wa tô oto apito ma tinha ãne: — Aima irowẽ zarina ĩma aipẽ'ẽ toi wamhã, ma'ãpé ĩma waprosi, Zuda u ĩmorĩ da, 'ri nho'u ĩhi'rata norĩ da te iwa 're iséme mono zé hã apâ te 'ri da.

Salmu 1:3

Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

Ezodu 3:21

— Tawamhã wa za duré ezipsiu norĩ ma 'manharĩ za'ra, za te te aiwazéb za'ra wa'aba da hã. Tahawa nimahã na oto aiwairébé aba da wamhã, asib'rata baba na hã ai'aba'réi wa'aba õ di za.

Daniéu 1:9

Tawamhã 'Re ihâimana u'âsi mono, ma tô Apenasi hã simirosa'rata pi'ra, Daniéu ma, iwẽ na si te te tãma 're 'manharĩ mono da, duré ãma 're siwãrĩ u'âsi mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:10

Tahawa, te te irobzépata mono zéb sidâpâsi ma tô nasi pawapto, tiwi robzei'õ tõ da. Tawamhã apito Fara'oho nho're nasi hâimana wamhã, 'Re ihâimana u'âsi mono ma tô tiwaihu'u pe hã tãma tisõ, ihâimana wẽ zéb da hã. Tahawa, apito Fara'o hã ma tô wẽsã, Zuzé hã. Taha zarina ma tô tãma pisutu, Ezitu ãma roti'wa da oto, isadawa para. Isibro hã duré isõrõwa zama te te tãma 're 'madâ'â mono da zama, ma tô duré pisutu.

Ruti 2:13

Tawamhã Ruti ma tô Buazihi ma tinha, ãne: — Apito, wẽ na te ĩpawapto mo. Ĩma inharĩ wẽ mono zém na ma ãma ĩma irowẽ waze, wa hã aima romhuri'wa norĩ sipi'õ norĩ ma, ĩwapure nherẽ.

1 Samuéu 16:22

Tahawa, ma tô imama Zéséhé ma romreme tãma tisõ ãne: — Ĩma hã wẽ uptabi di, ai'ra Dawi hã. Tahawa, e we tãma waprosi õ di za, ãme 're hâimana mono da, ĩnhimiromhurizéb ãma.