Zenezi 30:2 - ꞌRe Ihâimana Uꞌâsi Mono Zadawa Wasuꞌu

² Tawamhã Zaco, Raqueu zada ma tô tizahi. Tahawa te ãne tãma tinha: — E wa hã 'Re ihâimana u'âsi mono bâ ma tô ĩ'ãma irosa'ra. Ta hã te te tô aima sa'réi õ di, i'ai'ra da hã.

Zenezi 30:2 ပူးပေါင်းရင်းမြစ်များ

Zenezi 16:2

Tawamhã nimahã bâtâ na Sara'i 'ra õ wa, te Abrãhã ma tãma tinha ãne: — Uburé Danhib'apito, ĩ'ra da te te ĩma rowairébé õ 'ru te, ma'ãpé ĩma romhuri'wai ãma aihâimana mono. Ãhã wamhã, taha hâiba u'âbâ ãté te za ĩ'ra ne ĩma 're hâimana za'ra. Tawamhã Abrã, Sara'i tinhimirosa'rada te te ãne tãma iwaihu'uzém na ma tô ãma saze.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Zenezi 29:31

Tawamhã Uburé Danhib'apito, Zaco, Léia te te siwi iwẽ'õ na te te 'madâ'â wa, ma tô 'ra da hã tãma 'manha, wasã da. Tane nherẽ, Raqueu te zahadu 'ra waihu'u ãna 're hâimana.

Zenezi 31:36

Tawamhã Zaco ma tô tinhiti'rui pese. Tahawa, ma te ãne Labãhã ma pri'i: — E marĩ te 'manharĩ bâ bété, i'upa hã. E marĩ na wa tô bété ĩwasétézé hã aiwi 'manha, asahi sina we ĩzarina i'aimorĩ da hã.

Zenezi 50:19

Tane nherẽ, ma te Zuzé ãne ãma tãma wa'rãmi za'ra: — Aipahi za'ra wa'aba õ di za. E wa hã, 'Re ihâimana u'âsi mono upana ĩsisẽrẽ da bâ, te aima irob'manharĩ za'ra wa'aba da hã.

Ezodu 32:19

Tawamhã Mozési, 'ri nhoré u oto 'râwi wisi wamhã, oru ẽtẽ waipo na powawẽ zapu 'manharĩ hã, duré idasiwapsisizé te te 'madâ'â wamhã, ma tô dazada tinhiti'ru pese. Tahawa, ẽtẽ zahâpâ, maparane ẽtẽpo tinhib'rata te te imrami hã ma tô ti'ai u hã wabzu. Duré ma tô prub zahuré.

Mateu 5:22

Ãne na roti hã tô sena nherẽ, wa za oto wa hã aimawi na aima waihu'u za'ra wa'wa, ãne na roti na hã. Ni'wam norĩ hã tisiré 're ihâimana za'ra mono norĩ da, 're siti'ru za'ra mono wamhã, ta norĩ hã te za 'Re ihâimana u'âsi mono hã te te siwi 're awẽ'õ, iwasété na te te 're i'awaihu'u mono zéb zarina. Duré ãté ni'wa hã te za tisiré ma tinha, ãne: “A hã, marĩ da, 're aihâimana mono õ.” Ãne ni'wam norĩ hã te te dama 're nharĩ za'ra mono wamhã, te za da te 're simro, zudeu norĩ ma roti'wa norĩ u, dawasété na dawaihu'u'wa norĩ tẽme, ta norĩ hã te te siwi 're wẽ'õ za'ra mono da, iwasété na te te siwi 're waihu'u za'ra mono wa. Duré ni'wa hã ãté ãne te za tisiré ma tinha: “E niha asimiza'rese'õ a hã, 'Re ihâimana u'âsi mono wasu'u na hã.” Ãne ni'wam norĩ hã tisiré ma, te te 're nharĩ za'ra mono wamhã, ãté ta norĩ hã te za ropipa u 're sisisi, unhama ro'o u'âsi u.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Luca 1:42

'Re ihâimana u'âsi mono pẽ'ẽzani te te tãma iwaihu'uzéb zarina, rowẽ te, te mreme 'rãihâ na tãma rowasu'u, ãne: — A hã pi'õ norĩ nhipai u, ma tô aima tinhopru, iwẽ uptabi na, 'Re ihâimana u'âsi mono hã. Ai'ra ma zama, te za tinhopru, iwẽ uptabi na, ai'uté norĩ nhipai u.

Éfézu 4:26

Nimahã na 're asiti'ru za'ra wa'aba mono wamhã, 're aiwasété za'ra wa'aba mono õ di za, aiwasédé hã 're 'manharĩ za'ra wa'aba mono tõ da. Duré asiti'rui ré bâdâ hã wahuré ai'ãma 're si'utõrĩ za'ra wa'aba mono tõ da, te za asiwi 're iwẽ'õ za'ra wa'aba mo, Wa'uburé nhimiwada'uri zarina aiwasédé hã 're 'manharĩ za'ra wa'aba mono tõ da dama.

1 Samuéu 1:5

Tane nherẽ, Ãnahã ma si, maparane inhi wa'õno hã ma tô te te tãma 're sõmri. E marĩ wa. Tãma sawi uptabi wa, Eucanahã ma hã, zahadu Uburé Danhib'apito te te tãma pisutu õ nherẽ, 'ra da hã.