Zenezi 30:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã 'Re ihâimana u'âsi mono te te irowaptẽrẽzém na te te wapari wa, ma tô duré oto tiwasã Léia hã. Tawamhã Zacoho 'ra, 5 ãma hã ma tô duré oto tãma podo, isé're hawimhã.

Zenezi 30:17 ပူးပေါင်းရင်းမြစ်များ

Zenezi 30:16

Tawamhã Zaco, roptehutu na daburu hawi hâiwahâ pesere wisi wamhã, ma tô Léia hã watobro, te te sina uzusi da. Tahawa te ãne tãma tinha: — Ã mara na hã te za oto ĩré ano, taha da, rob'rã, ĩ'ra te te ĩma isõmri na te aiwa'âbâ siromo wa. Tawamhã tô taha mara na iré nomro wamhã, ma tô ãma tihâiba.

Zenezi 30:18

Tawamhã Léia te tinha ãne: — 'Re ihâimana u'âsi mono, ma tô iwẽ na ãma ĩma wa'rã, ĩte aibâ ma, ĩma romhuri'wa te tãma sõmri wa. Tahawa, 'watébrémi hã ma tô sisi, Isaca na.

Zenezi 30:22

Tawamhã 'Re ihâimana u'âsi mono, Raqueu ãma ma tô oto po're puru. Tahawa te te tiwi irowaptẽrẽzém na te te wapari wa, ma tô oto tãma rowairébé, 'ra da.

Zenezi 30:6

Tawamhã Raqueu te tinha ãne: — 'Re ihâimana u'âsi mono, ma tô i'uwaibaba na ĩma 'manha. Te tiwi iwaptẽrẽzém na hã ma tô ĩwapa. Tahawa 'watébrémi ma tô ĩma tisõ. Ãne wa, ma tô 'watébrémi hã sisi, Dã na.

Ezodu 3:7

Tawamhã Uburé Danhib'apito te ãne duré tãma tinha: — Ezitu ãma ĩnhib'a'uwẽ norĩ ma, da te tãma 're irob'manharĩ wasété za'ra mono zém na hã wa tô te 're 'madâ'â za'ra. Duré tiwada'uri'wa norĩ wi, da te pawaptob za'ra da, te te 're irowaptẽrẽ za'ra mono zé hã wa tô te 're wapari. Wa hã ĩma waihu'u pese di, te te tô 're irobzépata za'ra mono zé hã.

Luca 1:13

Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

1 Samuéu 1:20

Tahawa, ma tô oto tiwasã Ãna hã. Duré za tãma ipotozé bâtâ uwaibaba ma te tãma podo. Tawamhã ma tô sisi ina hã, Samuéu na. Tahawa, te ãne ãma rowasu'u: — Wa hã ã hã ĩ'ra, te tiwi iwaptẽrẽ, Uburé Danhib'apito wi.