Zenezi 30:13 - ꞌRe Ihâimana Uꞌâsi Mono Zadawa Wasuꞌu

¹³ Ãhã wamhã, te Léia duré tinha ãne: — E niha ĩtoi uptabi, ãhã na hã. Tahawa te za oto pi'õ norĩ, ĩtoi uptabi na ĩhâimanazém na hã te te sima 're ĩwasu'u za'ra. Tahawa ma tô 'watébrémi hã sisi, Asé na.

Zenezi 30:13 ပူးပေါင်းရင်းမြစ်များ

Zenezi 30:12

Tawamhã nimahã na ma tô duré Ziupaha zé're hawi, Zacoho 'ra hã tãma 'maipodo.

Zenezi 35:26

Ziupa, Léiaha ma romhuri'wa zé're hawi ipoto zahuré hã ã norĩ: Gadi, duré Asé. Ã norĩ hã Zacoho 'ra, Mezopotãmia na romnhisi ãma hã ma tô tipoto za'ra.

Zenezi 46:17

Asé, ti'ra norĩ ãne isisi za'ra norĩ me: Imna, Isva, Isvi, Beria, duré ihidiba za'ra ãne isisi hã, Sera na. Duré Beriaha 'ra norĩ ãne isisi za'ra hã: Hébé, duré Malquiel.

Zenezi 49:20

“Aséhé nhipti'ai 'remhã, amnho te za tãma 're 'rãiwẽ uptabi za'ra. Tahawa ã hã amnho hã apito norĩ ma, iwẽ uptabi si hã.

Provébiu 31:28

I'ra norĩ te te duré siwi 're wasu'u wẽ, dama hã. Imro zama te duré te te 're wasu'u wẽ, ãne: