Zenezi 3:3 - ꞌRe Ihâimana Uꞌâsi Mono Zadawa Wasuꞌu

³ Tane nherẽ, rob're norĩ wede wa'wa rowede 're isa mono 'rã si, wa te 're i'mairẽne mono da hã maze di, taha si te te wawi sawi wa. Duré wa te 're upi tõ mono da, ma tô wawi sawi. Ãne hã wa te 'manharĩ wamhã, wa za, u, wadâ'â ni.

Zenezi 3:3 ပူးပေါင်းရင်းမြစ်များ

Zenezi 20:6

Tawamhã 'Re ihâimana u'âsi mono, sõtõ 'rowim na nherẽ, ma te ãma sada'â ãne: — Tô ĩma waihu'u pese di, uburé marĩ aihâimana wẽ zarina iwẽ i'manharĩzé hã. Tahawa tô aiwasété tõ da, wa hã wa tô aiwi tété, pi'õ upi tõ da hã.

Zenezi 3:2

Tawamhã pi'õ, ma te ãma sada'â ãne: — Uburé siwa'ru rowede 'rã te te wama i'ruzé hã wa za tô wa te 're 'masi.

Zenezi 3:4

Tawamhã wahi, te pi'õi ma asa tinha ãne: — Mare di. 'Rẽne aba nherẽ, atâ'â aba õ di za.

1 Corĩtu 7:1

Rob'ui'éré na we asiwi ĩzadanharĩ za'ra wa'aba zém na, wa za oto aima roti za'ra wa'wa. E aibâ norĩ hã 're mro za'ra mono õ nherẽ, tãma 're rowẽ za'ra mono di za. Ãté mro õ nherẽ, tãma 're rowẽ za'ra mono di za tô.

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.

Colosu 2:21

Ni'wam norĩ hã te ãne te te aima 're roti za'ra wa'wa, 'Re ihâimana u'âsi mono nhimiroti zarina newa: “Ã hã dasa hã asib'rata na âri õ di za, wasété wa. Duré ã hã téiwai õ di za, asadawa na. Duré ã hã asib'rata na upi tõ. Wasété uptabi di.” Ãne hã te ni'wam norĩ hã dasa na te te aima 're roti wasété za'ra wa'wa, 're upi za'ra wa'aba mono tõ da. Tane nherẽ, dasai mono bâ dama 're hâimana hutu za'ra mono di. Tahawa, dasa da te dasiwi 're isawi za'ra mono zém na roti hã tarére duré. Marĩ dai õ di ãne hã, 'râwi dasi'uihâ na da te dasima 're irosa'rata za'ra mono zé hã.