Zenezi 3:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã duré oto rob're 're ihâimana mono hawi aibâ te te satõrĩ wamhã, ma tô rob're bâtâ pusizém niwĩ ihâimana ãma sõré, hâiwa ãma romhuri'wa isiptete norĩ si hã. Sib'ézé 'wapa 'wa ro'o ré hã ma tô duré tisã, te te nasi irowaimrami mono da hã. Ãne 'Re ihâimana u'âsi mono, ma tô 'manha, ni'wa hã ãhã rowede 'rã da te 're huri mono wa, dadâ'â ãna 're idanomro u'âsi mono zé rowede tẽme 'râwi wisi tõ da hã.

Zenezi 3:24 ပူးပေါင်းရင်းမြစ်များ

Zenezi 3:23

Tahawa, Uburé Danhib'apito 'Re ihâimana u'âsi mono, ma tô Édẽ na rob're nhisi hawimhã tãma rob'ru, ti'a na te te ihâiba 'manharĩzém na si te te sima 're rob're mono da oto.

Zenezi 4:1

Tawamhã Adã, timro Ewaha ãma nasi sapa'a wamhã, ma tô tiwasã. I'ra duré oto tãma waptã'ã wamhã, te ãne tinha: — Uburé Danhib'apito nhimipawaptobzéb zarina, ma ĩ'ra aibâ na ĩma podo. Tawamhã ma tô sisi, Caĩ na.

Zenezi 4:14

à bâtâ na te za ã hã ti'ai hawi ĩzatõ. Tahawa wa za ai'ubu wi hã 're ĩsima'uri u'âsi. Duré siwa'ru wa za daro mono bâ 're mo, hâiwi si. Tawamhã duré siwa'ru da te dasiwi 're ĩnhopẽtẽ mono wamhã, te za dasima da te 're wẽ za'ra, da te dasiwi ĩwĩrĩ da hã.

Salmu 104:4

A hã te duré rowa'u'u ma, asadawa wasu'u'wa da hã tãma 're i'apisutu mo. Te duré tã si'ubuzi ma, aima romhuri'wa da, tãma 're i'apisutu mo.

Ezodu 25:2

— Izaraéu nhihudu norĩ ma tãma nharĩ za'ra na, tinhoprubzé te te ĩma sõmri za'ra da. Ta norĩ pẽ'ẽ to sina te te isõmri za'ra si te za isõprub za'ra zé hã i'awaibu.

Zuwã 14:6

Tawamhã Zezusi ma te asa ãma tãma wa'rã ãne: — Wa hã bâdâdi uptabi na, wa ĩsiwasu'u, duré tô sena na rowaihu'u wẽ nhomri'wa na, duré 're idanomro u'âsi mono zé nhomri'wa na. Tahawa, ni'wa hã ĩ'ãma 're morĩ õ nherẽ, Ĩmama u hã wisi waihu'u õ di za.

Hebreu 1:7

Ãne na si ma tô duré hâiwa ãma romhuri'wa norĩ ãma hã tinha: “'Re ihâimana u'âsi mono hã ma tô hâiwa ãma tãma iromhuri'wa norĩ hã pisutu za'ra, rowa'u'u na ne 're hâimana za'ra mono da, duré unhama ro'o na ne 're hâimana za'ra mono da.”

Zozué 5:13

Tawamhã Zozué, Zerico 'rata hâimana ré, ma tô aibâ simiza'rese õ ré tãma iwatobro hã 'madâ, sib'ézé 'wa pa ré isõ're isa hã. Tawamhã Zozué ma tô 'râwi itẽme wi. Itẽme wisi wamhã, ma tô sadanha ãne: — E a hã wasiré dasi'wapéi 'manharĩ'wa. E wanhitob'ru norĩ niwĩmhã.

1 Samuéu 4:4

Tahawa, ma tô sô da'mazatõrĩ za'ra, Silo hawi da te dasiwi âri da hã Uburé Danhib'apito iwaihu'u pese te, wedehâ're 'manharĩ hã, ropoto paihi papo wa'wa 're isãmra mono ré hã. Tawamhã Hopini norĩ hã Finéaha me maparane Eri 'ra norĩ hã ma tô ime tineb zahuré, wedehâ're 'manharĩ siré hã.