Zenezi 3:23 - ꞌRe Ihâimana Uꞌâsi Mono Zadawa Wasuꞌu

²³ Tahawa, Uburé Danhib'apito 'Re ihâimana u'âsi mono, ma tô Édẽ na rob're nhisi hawimhã tãma rob'ru, ti'a na te te ihâiba 'manharĩzém na si te te sima 're rob're mono da oto.

Zenezi 3:23 ပူးပေါင်းရင်းမြစ်များ

Zenezi 2:5

ti'ai 'remhã zahadu ro'wanhipré hã duré rob're mono hã hâimana za'ra õ di. E marĩ wa. Zahadu Uburé Danhib'apito, tã 're ta'a mono da hã te te tãma rob'rui mono õ wa, duré zahadu ti'ai 'remhã, ni'wa hã te te 're irob're mono da hã, hâimana õ wa.

Zenezi 2:7

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Zenezi 2:8

Taha pari Uburé Danhib'apito 'Re ihâimana u'âsi mono, ma tô rob're hã 'manha, Édẽ na romnhisi bâtâ pusizém niwĩ ro 're ihâimana mono ãma. Tame ma tô aibâ te te ipodo hã iwap tisã.

Zenezi 3:19

Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Zenezi 3:22

Tawamhã Uburé Danhib'apito 'Re ihâimana u'âsi mono te ãne sima tinha: — Aibâ hã te oto wasine 're hâimana. E marĩ wa. Iwẽ hã duré iwasédé hã te te 're waihu'u mono wa oto. Tahawa, rowede 're idahâimana u'âsi za'ra mono nhomri'wai 'rã hã te te 're i'mairẽne mono da hã mare di, õne u'â dâ'â ãna ãma 're hâimana mono tõ da.

Zenezi 3:24

Tawamhã duré oto rob're 're ihâimana mono hawi aibâ te te satõrĩ wamhã, ma tô rob're bâtâ pusizém niwĩ ihâimana ãma sõré, hâiwa ãma romhuri'wa isiptete norĩ si hã. Sib'ézé 'wapa 'wa ro'o ré hã ma tô duré tisã, te te nasi irowaimrami mono da hã. Ãne 'Re ihâimana u'âsi mono, ma tô 'manha, ni'wa hã ãhã rowede 'rã da te 're huri mono wa, dadâ'â ãna 're idanomro u'âsi mono zé rowede tẽme 'râwi wisi tõ da hã.

Zenezi 4:12

Tahawa duré ti'a na 're rob're mono da, sada 're ropese mono wamhã, aima 're i'rãi mono da hã mare di za. A hã te za hâiwi si õne u'â daro mono bâ 're aimo.

Zenezi 4:2

Tahawa, nimahã na ma tô duré i'ra hâiba amo hã tãma podo, isisi hã Abéu na, Caĩhĩ sisãnawã hã. Abéu te pone'ẽrebâ 'madâ'â'wa na 're hâimana. Caĩ hã te rob're na si te te 're romhuri.

Zenezi 9:20

Tawamhã Nowé rob're na romhuri'wa na te 're hâimana. Ta hã ma tô imorĩ'rata uptabi na uwa dama a're na'rata.