Zenezi 3:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã aibâ, ma tô timro hã sisi Ewa na, uburé dana na'rata na za 're hâimana mono dâ'âsina.

Zenezi 3:20 ပူးပေါင်းရင်းမြစ်များ

Zenezi 16:11

Ma tô, tô aiwasã, ai'ra aima hâimana da hã. Tahawa, te za isisi, Ismaeu na. E marĩ wa. Uburé Danhib'apito, robzépata wa, 're i'asadari mono zé te te wapari wa.

Zenezi 2:20

Si norĩ hã, uburé abaze da te 're itébré za'ra mono norĩ hã duré rom na 're ihâimana za'ra mono norĩ hã ma tô te te anhisi, imono bâ. Tane nherẽ, zahadu ihâiba a'âri'wa ipawapto'wa da hã tãma 'maihâimana õ di.

Zenezi 2:23

Tawamhã te aibâ tinha, ãne te te 'madâ'â wa: “Ãhãta tô, pi'õ nhi hã, ĩnhi uptabi 'manharĩ, duré ihi hã, tô ĩhi uptabi 'manharĩ. Tahawa, isisi hã za, pi'õ na. E marĩ wa. 'Re ihâimana u'âsi mono, aibâ hâiba hawi te te iwazere na dâ'âsina.”

Zenezi 3:21

Tawamhã 'Re ihâimana u'âsi mono, abaze hâ 'manharĩ ma tô Adã norĩ zada, imro me hã sada 'manharĩ zahuré, ãma isi'uza zahuré zéb da hã.

Zenezi 35:18

Tane nherẽ, tãma irob'rãsutuzéb u hã romhuture di oto. Tawamhã ipẽ'ẽzani tiwi watobro wana ré, ma tô sisõ'a ré ti'ra si'watébrémi sisi, Benoni na. Tane nherẽ, imama ma tô sisi, Bẽzami na.

Zenezi 5:29

Tawamhã te ãne tinha: — Uburé Danhib'apito ti'ai ma, ma tô niha hã pisutu, wasété u'âsi 're sa'wari mono da. Tahawa wanhimiromhuri te pire na wama 're hâimana za'ra. Ãhã nherẽ, ã hã 'watébrémi si te za tihâiba na 're iwawa'utu za'ra mono zéb da hã sina wama wazere za'ra. Tawamhã Rameti, ti'ra hã ma tô sisi, Nowé na.

Ezodu 2:10

Tawamhã 'watébrémi oto prédu wamhã, ma tô apito 'ra u oto saprõ, te te ãma tãma irotizéb zarina te te tãma sõmri da oto. Tahawa, ma tô ãma ti'ra oto, ti'ra uptabi nai õ nherẽ. Ma tô sisi, Mozési na. Tawamhã te sima tinha ãne: — Wa hã wa tô â hawimhã waze, ai'utére hã. Tahawa, wa tô sisi, Mozési na.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:26

Isãna'rata hawimhã, aibâ misire nherẽ, ma tô ta hawimhã atébré dapoto mono bâ, 'Re ihâimana u'âsi mono hã. Tahawa, dapoto mono bâ ma tô dasitébré. Ma tô duré da'ãma ropé, ropâ 're dasi'ubumroi mono da. 'Re idahâimana za'ra mono sidâpâsi, ma tô te te dama 're apisutu, ti'a hã, iwa 're idahâimana za'ra mono zéb da hã. Niha wahum na iwa 're idahâimana za'ra mono zéb da hã, ma tô duré te te dama 're apisutu.

2 Corĩtu 11:3

Tane nherẽ, wa ĩhâtâ'â sina, te ai'ãma 're rosa'rata u'âsi za'ra wa'wa. E marĩ wa. Cristuhu ãma si, 're sasõmri pese za'ra wa'aba mono nherẽ, ãté ni'wam norĩ hã roti tô senai'õ na taré te te aima 're irowasu'u za'ra wa'aba mono zéb zarina, te za Cristuhu wasu'uwẽ hã irẽme za'ra wa'wa. Duréihã Wa'uburé hã wahi na sihâiba wa, Ewaha ma, sadawa nhipese na te te irowasu'u ne, te za tô ãté ni'wam norĩ hã te te aima 're rowasu'u za'ra wa'wa, roti tô senai'õ na hã.

1 Samuéu 1:20

Tahawa, ma tô oto tiwasã Ãna hã. Duré za tãma ipotozé bâtâ uwaibaba ma te tãma podo. Tawamhã ma tô sisi ina hã, Samuéu na. Tahawa, te ãne ãma rowasu'u: — Wa hã ã hã ĩ'ra, te tiwi iwaptẽrẽ, Uburé Danhib'apito wi.