Zenezi 3:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Zenezi 3:19 ပူးပေါင်းရင်းမြစ်များ

Zenezi 18:27

Tawamhã Abra'ã te duré apâ tãma tinha ãne: — Ĩ'ruiwaparĩ õ di za, aima ĩwapure nherẽ, za apâ te aima inharĩ na te isahu na hã. E marĩ wa. A hã Uburé Danhib'apito. Wa hã tarére hã ti'ai ãma a'uwẽ.

Zenezi 2:7

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Zenezi 23:4

— Wa hã asiré za'ra wa'aba a'uwẽ õ nherẽ, wa tô aiwa'wa wa'aba 're ĩhâimana. Tahawa te za ti'ai wa'õno hã asiwi ĩma i'maiwede 'wa, ĩmro te iwa ãma ti'a da.

Zenezi 3:18

Te za duré ti'ai hawi warõno hã siwazari 'wabzéré me hã 're poto u'âsi za'ra. Tawamhã te za duré rom na da te 're izuri za'ra mono õ hã 're i'a'masi u'âsi mo.

Zenezi 5:5

ma tô oto dârâ, 930 na ãma iwahub ãma.

Salmu 103:14

E marĩ wa. Õhõ ma hã waihu'u pese di, niha na we iwasi'manharĩ za'ra zé hã. Te duré ti'a zapru 'manharĩ na hã wa'ãma 're sipo're pu'u za'ra.

Salmu 104:23

Tô tawamhã, te danhimiromhuri u 're dawairébé, hâiwahâ tẽme da te 're romhuri za'ra mono da.

Salmu 104:29

A hã tiwi 're ai'rã sipizari za'ra mono wamhã, te pahi na 're hâimana za'ra. Duré aipẽ'ẽzani tãma 're i'anhomri mono, tiwi 're anhihâri mono wamhã, te za 're dâ'â za'ra. Tawamhã te za apâ 're siti'azaprub za'ra.

Salmu 22:15

Ĩnho're 'ré hã 'ré uptabi di, aiwa ti'a zaprum ne. Duré ĩzadai'ré hã te nasi ĩnhoto to. A hã ma tô robzaprui wa'wa ĩrẽ, ĩdâ'â ne.

Salmu 22:29

Uburé 'râwi 're isi'madâ'â ze za'ra mono norĩ hã te za isõ're tãma 're siwẽ'ẽ za'ra za. Uburé te za aihĩni idadâ'â za'ra norĩ hã duré za idadâ'â za'ra zama ãma 're dawata za'ra.

Provébiu 21:16

Ni'wa tinhimiza'rese wẽ te te rẽme wamhã, te za 're idadâ'â za'ra mono zép te na si oto 're hâimana.

Daniéu 12:2

Tawamhã da'ahâ uptabi na 're idadâ'â za'ra mono hã te za apâ tahâiwa'utu za'ra ni. Ni'wam norĩ si te za 're idanomro u'âsi mono zé hã sina uwaimrami za'ra. Duré nima norĩ te za rowazém na si 're ihâimana za'ra mono zé hã sina sõ'õtõ za'ra, robzépada isi'utõrĩ'õ u 're ihâimana za'ra mono da hã.

1 Corĩtu 15:47

Duréihã te te dama i'manharĩ 'rada hã aibâ na ma tô ti'a na 'manha, 'Re ihâimana u'âsi mono hã. Tane nherẽ, taha uirĩ na si, ma tô aibâ aimawi hã wei mo hâiwa hawimhã, ti'ai u, Adãhã ma ipire uptabi hã, duré iwẽ uptabi hã.

Éfézu 4:28

Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.

1 Tesalonita 2:9

Wasisãnawã norĩ, ãne na te tô wa'ãma 're aipo're pu'u u'âsi za'ra wa'aba mo, 're iwanomro wẽ mono zém na. Wa norĩ hã wahâimanazéb da, wa tô wasima romhuri pese za'ra ni, wapatâ'â nherẽ, duré wawasutu nherẽ. Bâtâ sidâpâsi wasi'uihâ na wanhib'rata na wa tô romhuri za'ra ni, wahâimanazéb da hã. Bâdâ 'rãiwatobro õ ré, duré bâdâ sébré nherẽ, wa tô wasima romhuri za'ra ni, wa te aiwari za'ra wa'aba tõ da, wama asõprub za'ra wa'aba na wapire na wa'madâ'â za'ra wa'aba tõ da, 'Re ihâimana u'âsi mono zadawa wasu'u na, wa te aima rowasu'u za'ra wa'aba ré.

2 Tesalonita 3:10

Ai'rata 're wahâimana za'ra wa'aba mono ré hã, wa tô ãne na nasi aima roti za'ra wa'aba ni: “Ni'wa hã, te te 're romhuri mono õ wamhã, dame 're sai mono õ di za, mram na hã.”

Hebreu 9:27

Misi haré te za aihĩni 're dadâ'â za'ra. Taha parip si te za 'Re ihâimana u'âsi mono hã niwapsi da'awaihu'u, dawẽ na duré dawasété na zama, taha zarina te te oto dama 're arowairébé mono da hã.