Zenezi 3:17 - ꞌRe Ihâimana Uꞌâsi Mono Zadawa Wasuꞌu

¹⁷ Taha pari, te duré Adãhã ma, 'Re ihâimana u'âsi mono hã tãma tinha ãne: — Aimro mreme wapari wa, ma rob'rã hã i'rẽ, te aiwi isawi wa'wa hã. Ãhã u'âbâmhã, wa za ti'ai ma hã pisutu, wasété u'âsi 're sa'wari mono da. Tahawa, te za ti'ai hawi rob're asazéb da, ibâ na aima 're hâimana mono da hã 're iromhuri za'ẽtẽ mo, ti'a 're aihâimana mono ré.

Zenezi 3:17 ပူးပေါင်းရင်းမြစ်များ

Zenezi 3:11

Tawamhã 'Re ihâimana u'âsi mono te sadanha ãne: — E 'wa ma tô ai'uréiwi aihâimana na hã aima waihu'u. E ma tô rowede 'rã te aiwi isawi hã i'mai'rẽ.

Zenezi 3:18

Te za duré ti'ai hawi warõno hã siwazari 'wabzéré me hã 're poto u'âsi za'ra. Tawamhã te za duré rom na da te 're izuri za'ra mono õ hã 're i'a'masi u'âsi mo.

Zenezi 3:6

Tawamhã pi'õ te rowede iwẽ na hã 'madâ. Duré i'rã da te 're ihuri mono da hã te 'madâ'â ze na hã sima 'madâ. Tahawa, ma tô 'râwi duré sina rosa'rata, te te 'rẽne wamhã, za simiza'rese na rowaihu'u wẽ na 're ihâimana mono na hã. Tahawa, ma tô 'mata. Ma tô ti'rẽ. Taha pari, ma tô timro ma tisõ. Tawamhã taha zama ma tô duré oto ti'rẽ.

Zenezi 5:29

Tawamhã te ãne tinha: — Uburé Danhib'apito ti'ai ma, ma tô niha hã pisutu, wasété u'âsi 're sa'wari mono da. Tahawa wanhimiromhuri te pire na wama 're hâimana za'ra. Ãhã nherẽ, ã hã 'watébrémi si te za tihâiba na 're iwawa'utu za'ra mono zéb da hã sina wama wazere za'ra. Tawamhã Rameti, ti'ra hã ma tô sisi, Nowé na.

Zenezi 8:21

Tawamhã Nowéhé nhibzari zadaze, Uburé Danhib'apito te te hãi wamhã, ma tô wẽsã. Tahawa te ãne rosa'rata na hã sima tinha: “Niwamhã ti'ai ma, ãne na te irob'manharĩ na isahu da hã mare di za, iwa 're idahâimana za'ra mono norĩ u'âbâmhã, daprédup tém hawim haré, marĩ iwasété na si da te dasima 're rosa'rata u'âsi za'ra mono nherẽ.

Mateu 22:12

Tawamhã ãne te sadanha, apito hã: “Ĩsiwaihu, e niha bâ ma we tane ré asé, dasina damro wa, da'uzazé hã we dame asima sẽrẽ ãna.” — Tawamhã aibâ hã te ari'iwi za, niha te te tãma nharĩ waihu'u õ wa asa hã, te te duré tãma ãma upai wa.

Mateu 25:45

— Tawamhã ta norĩ ma, te za duré ãne rowasu'u za'ra: “Tô sena wa aima rowasu'u za'ra wa'wa. Ti'ab ré, ã norĩ hã dama wapu na 're ihâimana za'ra mono norĩ hã ãne na te te 're robzépata za'ra mono ré hã, marĩ iwẽ na 're pawaptob za'ra wa'aba mono õ di. 'Re pawaptob za'ra wa'aba mono õ wamhã, ta norĩ hâiba u'âbâ, asiwi 're ĩpawaptob za'ra wa'aba mono õ di duré.” Ãne te za ta norĩ ma, tãma waihu'u na wa'rãmi za'ra, isimi'e niwĩ isimasam norĩ ma hã.

Luca 19:22

— Tawamhã isib'apito te asa tãma tinha, ãne: “A hã ĩma romhuri wasété 'wa, te 're aimo. Aimreme wẽ õ wa, wa za aimreme hã aima sizusi, aimreme zarina te aiwẽ'õ da. Ĩte na, ma tô u, ĩwaihu, da'ãma ĩpẽ'ẽzé õ na. Wa hã wa za date hã te ĩsima 're apisutu, u, ĩte da. Duré wa za, u, te ĩsima te 're a'rãihâri, ĩte da, danho hã. Ãne ma tô ĩma inha.

Zuwã 16:33

Ãne na wa tô aima rowasu'u za'ra wa'wa, ĩ'ãma 're aihâimana za'ra wa'aba mono wa, rowẽ na 're aihâimana za'ra wa'aba mono da. Tane nherẽ, ĩzazei'õ'wa norĩ hã te za tô te te 're ai'ruiwapari u'âsi za'ra wa'wa. Tahawa, te za 're irobzépata za'ra wa'aba mo. Tane nherẽ, te za asiptete sina ĩ'ãma 're anomro aba mo. Wa hã ĩzazei'õ'wa norĩ ma, ĩnhiptete uptabi wa, wa tô ãma ai'uté za'ra.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.

Hebreu 6:8

Tazahã, ro'wa si duré wab'ru zama, ãma 're poto za'ra mono wamhã, marĩ dai õ di, ti'a hã. Tahawa, ãté te za 'Re ihâimana u'âsi mono hã siwi wẽ'õ pese. Ãne wamhã, unhama ro'o na te za uprosi, ti'a hã. Ãne 're idahâimana za'ra mono zém na romnhimiré hã.