Zenezi 3:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã pi'õi ma, te duré oto tãma tinha ãne: — 'Re aiwasã mono sidâpâsi sa'ẽtẽ na 're robzépata mono da hã wa za aima pisutu. Tahawa ai'ra aima 're poto za'ra mono wamhã, te za sé uptabi na isé hã 're i'azépata mo. Ãhã nherẽ, te za aimro siré 're aihâimana mono da hã asima 're iwẽ u'âsi mo. Ta hã te za duré asib'apito na hã aima 're hâimana oto.

Zenezi 3:16 ပူးပေါင်းရင်းမြစ်များ

Zenezi 4:7

Tô i'uwaibaba na a hã 'manharĩ 'wa'âhã, te aré 're aihâ mo, rowẽ te. Tane nherẽ, ma tô asiwasé, a hã. Tahawa te i'aiwasétézé hã 'ridawa ãma asô mapa. Ta hã te sima wẽ, siptete na asada 're hâimana mono da. Tane nherẽ, te za a hã asiptete na ãma ai'uté da sada asipte.

Zuwã 16:21

Pi'õi ãma te za iwasã hã 're sépu'u za'ra, tãma 're irere'e mono zéb u hã, romhuture wa oto. Tãma 're rere'e mono parip si, tãma 're rowẽ za'ra mono di za oto, ina ma. Tahawa, tihâzé na hã te te 're rosa'rata u'âsi za'ra mono õ di za oto.

1 Corĩtu 11:3

Tane nherẽ, wa ĩsima wẽ, waihu'u za'ra wa'aba da, ãne: Cristu hã uburé aibâ norĩ nhib'apito, te 're hâimana. Duré aibâ norĩ hã uburé timro norĩ nhib'apito, te 're hâimana za'ra. Duré 'Re ihâimana u'âsi mono hã, te Cristuhu nhib'apito na hã 're hâimana.

1 Corĩtu 14:34

Isazei'wa norĩ, asiré 're asi'rã'õtõ aba mono wamhã, pi'õ norĩ hã te za ari'iwi dame 're si'ubumro, 're iwahâimana za'ra mono zéb zarina. Timro norĩ zapari, te za tô 're hâimana za'ra pi'õ norĩ hã, duréihã 'Re ihâimana u'âsi mono nhimiroti na, Mozési ãne na te te ãma irob'ui'érézéb zarina. Tahawa, asiré 're asi'rã'õtõ aba mono wamhã, pi'õ norĩ hã te te sima 're robzanhamri za'ra mono õ di za, timreme na asima 're rowasu'u za'ra wa'aba mono ré, te te 're ro'wa'rutu tõ za'ra mono da.

1 Corĩtu 7:4

Pi'õ norĩ hã 're mro za'ra mono wamhã, ihâiba hã itei õ di oto. Imro te hã za oto, ihâiba hã. Tane duré aibâ norĩ hã 're mro za'ra mono wamhã, itei õ di oto, ihâiba hã. Imro te hã oto, ãne hã aiwa.

Colosu 3:18

Pi'õ norĩ, aimro nhimiroti hã te za 're iwapari pese za'ra wa'aba mo, Cristuhu zazei'wa tô sena ãma 're ihâimana za'ra mono zéb zarina.

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.

1 Timotiu 2:15

Tane nherẽ, pi'õi mono bâ hâimana wẽ na 're hâimana za'ra mono wamhã, tãma 're rowẽ za'ra mono di za. Wanhib'apito umnhasi sina, te za 're hâimana za'ra. Te za duré te te 're dazawi pese za'ra. Hâimana wẽ uptabi na te za dama 're hâimana za'ra. Tawamhã iwasã hã ãma 're sépu'u za'ra mono wamhã, i'ra hã tãma 're rere'e wẽ mono da, te za Wamama hã te te 're anho'reptu, pi'õ norĩ hã.

Titu 2:5

Te za sina 're siptete za'ra, 're nomro wẽ mono da, i'ra ré norĩ hã. 'Ri 're, romhuri wẽ 'wa te za 're hâimana za'ra. Duré timro mreme te za te te 're 'madâ'â pese za'ra. Tawamhã da te tãma 're nharĩ wasété za'ra mono õ di za, 'Re ihâimana u'âsi mono nhimiroti na oto 're nomro wẽ mono wa, i'ra ré norĩ hã.