Zenezi 3:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Uburé Danhib'apito 'Re ihâimana u'âsi mono te pi'õi ma tinha ãne: — E marĩ da, ma tô ãne hã i'manha. Tawamhã pi'õ, ma te ãne asa ãma tãma wa'rã: — Wahi, ĩma isadawa nhipese zarina wa tô ti'rẽ, rob'rã hã.

Zenezi 3:13 ပူးပေါင်းရင်းမြစ်များ

Zenezi 12:18

Tahawa, te apito, Abrã itẽme morĩ da hã sô hâ. Tawamhã te ãne tãma tinha: — E marĩ da, ma ãne hã ĩma i'manha. E marĩ wa, aimro na hã ĩma wasu'u õ di bété.

Zenezi 44:15

Tawamhã te Zuzé ãne sadanharĩ za'ra: — E marĩ da, ma tô ãne hã asiwi i'manharĩ 'wa. E asiwi ĩwaihu'u aba õ di bété, wa hã romnhowamhã marĩ te 're i'awaihu'u mono zém na hã.

Zona 1:10

Taha pari, te Zona hã duré tãma siwasu'u za'ra: — Uburé Danhib'apito wi, wa tô aimani. Tahawa uba're sari'wa norĩ hã ma tô tipahi pese za'ra oto. Ãne te tãma nharĩ za'ra: — E marĩ ma tô bété i'manha!

Zuwã 18:35

Tawamhã Pilatu hã te duré asa tãma tinha, ãne: — E wa hã zudeu na 're ĩhâimana mono bâ, ĩsi'uihâ na te asadanharĩ da hã. Asiré zudeu norĩ hã ma tô siwi ĩma aihâiba nho, sasedoti ipire norĩ me. E marĩ, ma bété i'manha.

Roma 7:11

'Re ihâimana u'âsi mono nhimiroti 'rata si te 're i'madâ'â pese mono na, ĩwasédé hã te te oto ĩ'ãma 're 'madâ'â tõ mono da, te te sima ĩ'ãma roti da newa, wa tô aré ĩnhimiza'rese ãna 're ĩhâimana. Taha zarina, wa tô aré ĩpẽ'ẽ 're, ĩdâ'â u'âsi 're ĩhâimana, 'Re ihâimana u'âsi mono nhiti hã.

2 Corĩtu 11:3

Tane nherẽ, wa ĩhâtâ'â sina, te ai'ãma 're rosa'rata u'âsi za'ra wa'wa. E marĩ wa. Cristuhu ãma si, 're sasõmri pese za'ra wa'aba mono nherẽ, ãté ni'wam norĩ hã roti tô senai'õ na taré te te aima 're irowasu'u za'ra wa'aba mono zéb zarina, te za Cristuhu wasu'uwẽ hã irẽme za'ra wa'wa. Duréihã Wa'uburé hã wahi na sihâiba wa, Ewaha ma, sadawa nhipese na te te irowasu'u ne, te za tô ãté ni'wam norĩ hã te te aima 're rowasu'u za'ra wa'wa, roti tô senai'õ na hã.

1 Timotiu 2:14

Pi'õ si, Wa'uburé nhimiroti hã tô senai'õ na te te waihu'u õ di. Tanei õ di, Adã hã. Pi'õ si Wa'uburé nhimiroti hã tô senai'õ na te te iwaihu'u õ zéb zarina, ma tô Wamama nhimiroti na hã upa na'rata.

1 Samuéu 13:11

Tane nherẽ, Samuéu hã te sadanha ãne: — E marĩ ma tô i'manha. Tawamhã Sau ma ãma sada'â ãne: — Ĩnhib'a'uwẽ norĩ te te siwi ĩrẽme da, nasi apâ isi'aba'ré na hã, wa tô waihu'u za'ra. A zama ãwamhã bété duré we aimorĩ õ di, ĩma ropisutu nherẽ. Filisteu norĩ hã ma tô si'rã'õtõ duré, Mitima ãma hã.

1 Samuéu 15:15

Sau hã ma tô ãma tãma wa'rã ãne: — Ĩte dasi'wapéi 'manharĩ'wa norĩ, ta hã te te siwi iwaibu, amalequita norĩ wi. Ma tô pone'ẽrebâ iwẽ norĩ hã siwi waibu, duré powawẽ iwẽ norĩ hã, ate 'Re ihâimana u'âsi mono ma ãma tãma iwanhoprub za'ra zéb da hã. Isi'atarẽme norĩ hã wa tô uburé pese wasiwi uprosi ni.