Zenezi 3:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã aibâ, ma tô sada'â ãne: — Rowede wa'waibaba we i'aimorĩzé aipara 'ra te wapari wa, wa tô aima ĩpahi, ai'uréiwi ĩhâimana zép te. Tahawa wa tô aiwi aima'u.

Zenezi 3:10 ပူးပေါင်းရင်းမြစ်များ

Zenezi 2:25

Tawamhã aibâ norĩ, timro me hã ai'uréiwi 're nem nherẽ, sima 're siséb zahuré mono õ di.

Zenezi 3:11

Tawamhã 'Re ihâimana u'âsi mono te sadanha ãne: — E 'wa ma tô ai'uréiwi aihâimana na hã aima waihu'u. E ma tô rowede 'rã te aiwi isawi hã i'mai'rẽ.

Zenezi 3:7

Tawamhã awa'awi ma tô ito hã tãma si'ridawa zahuré. Tahawa, ma tô oto ai'uréiwi 're inem na hã 'râwi siwaihu'u zahuré. Tahawa, ma tô rowede figuera su hã ãma isi'ubu zahuré zéb da hã sisada ababarĩ zahuré.

Salmu 119:120

Asõ'remhã wa 're ĩrẽrẽ'ẽ u'âsi. Duré dama 're i'arowairébé mono zé ma hã wa 're ĩpahi u'âsi.

Ezodu 20:18

Tawamhã tãirãrã, duré danhimnhihârâzé hârâ hã ma tô wapari za'ra ni. Ma tô tã si'ubuzi hã, duré romnhizé ẽtẽ hawi iwatobro hã 'madâ'â za'ra ni. Tawamhã tãma darẽrẽ'ẽ za'ra wa, ma tô romhâ na tahâimana za'ra ni.

Ezodu 20:19

Tahawa, Mozésihi ma, te ãne tãma nharĩ za'ra ni: — A hã wama nharĩ za'ra wamhã, wa za wasiwi aiwapari ni, iwẽ na hã. Tane nherẽ, 'Re ihâimana u'âsi mono si te te wama nharĩ za'ra õ di za, wasi'utõrĩ tõ da.

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Ezodu 32:25

Tawamhã Mozési, dasima iwẽ na siwa'ru dahâimana za'ra da, Arã te te dawi isawi õ zém na ma tô waihu'u. Taha zarina te za isitob'ru norĩ hã ãma tiwa'ẽ za'ra.

1 Zuwã 3:20

'Re ihâimana u'âsi mono ma hã, uburé marĩ hã tãma waihu'u pese uptabi di. Wa norĩ hã marĩ hã wapẽ'ẽ na 'râwi wa te 're iwaihu'u za'ra mono zém nhipai u, uburé marĩ hã tãma waihu'u pese uptabi di. Tahawa, 'Re ihâimana u'âsi mono 'ra, 're iwahâimana za'ra mono na 'râwi wapẽ'ẽ na 're wasiwawã za'ra mono nherẽ, te za 'Re ihâimana u'âsi mono hã wa'ãma 're po're pu'u u'âsi, taha ma uburé marĩ hã tãma waihu'u pese uptabi wa. Wa'ãma 're pẽ'ẽzé uptabi mono wa, te za wapẽ hã i're wama 're simi'wara, i'ra 're iwahâimana za'ra mono na, 're wasiwawã za'ra mono õ wamhã.

Apocalipsi 16:15

Tawamhã ãne danhotõ 'rowim ne, da te 're irosawẽrẽ za'ra mono ne, te azabui mono ré, wa tô Zezusihi mreme hã wapa ĩpo're na, tizazei'wa norĩ te te ipo're pu'uzé hã. Ãne te tinha: “Ma'ãpé, aipo're pu'u za'ra wa'aba. Isimisaihuri zô 're danhimipari za'ra mono õ nherẽ, danhorõwa u 're isisisi mono ne, wa za wei mo apâ. Ãté ni'wa hã tisiwadi zô simipari wamhã, sõtõ ãna te za sô rob'madâ'â u'âsi. Tawamhã i'uza hã te za i'rata nomro 'râwi, isiwadi hã we itẽme wisi wa, si'aba'ré na te te sisada âri da, ãma isi'uzazéb da hã. Tane asimiza'rese sina, ĩzô 're asimipari za'ra wa'aba mono ré, we ĩmorĩ wamhã, aima 're rowẽ uptabi za'ra wa'aba mono di za. Ni'wa hã datõmo nho'a ai'uréiwi 're morĩ wa, 're isisé mono ne, ĩma aséb za'ra wa'aba tõ da, asimiza'rese sina ĩzô 're asimipari za'ra wa'aba mono ré, we ĩmorĩ wamhã, aima 're rowẽ uptabi za'ra wa'aba mono di za.”