Zenezi 29:2 - ꞌRe Ihâimana Uꞌâsi Mono Zadawa Wasuꞌu

² Wisi wamhã, nimahã bâtâ na ma tô â zô ab're a'ubuni wi ihâiba hã tãma waihu'u õ nherẽ, sõpẽtẽ. Pone'ẽrebâ norĩ, si'ubdatõ si ihâiba na iwa'õno, ma tô 'râwi i'rata isimi'wara hã siwi uirĩ. Tame â zô ab're ãma ma tô danhimizama te te 're âhuri. Â zô ab're ẽtẽ tõmo wawẽ na isitobzé hã, isa'ẽtẽ uptabi.

Zenezi 29:2 ပူးပေါင်းရင်းမြစ်များ

Zenezi 24:10

Tawamhã 10 na Abra'ãhã te, awaru ba'õmore norĩ hã ma tô waibu. Duré isimarĩ iwẽ norĩ ma tô waibu. Taha pari 'ri nho'u Mezopotãmia ãma Nao 're ihâimana mono zéb u ma tô oto mo.

Zenezi 24:11

Tawamhã hâiwahâ wisi wamhã, ma tô awaru ba'õmore simiza'õtõ simi'wara da hã, a'â tãma 'mazahâri za'ra, rowi 'ri ahâ nhiti prã na â zô ab're ihâimana ãma, hâiwahâ pesere pi'õ norĩ, â zô 're inomro mono zé bâtâ ãma.

Zenezi 24:13

Ãhãta â zô ab're 'rata wa ĩhâiba, azarutu norĩ 'ri nho'õmo 're, 're ihâimana za'ra mono, â te te 're amrami za'ra mono da, we sô 're inomro mono zéb ãma.

Zenezi 29:3

Tame pone'ẽrebâ 'madâ'â'wa norĩ, uburé tinhimizama na 're sito mono wamhã, te za ab're nhidâzé hã te te siwi 're sa'ré, tinhimizama ma, te te 're amrami za'ra mono da hã. Taha pari te za duré apâ te te ãma siwi 're sidâ.

Salmu 23:2

Ta hã te te 're ĩnhimizusi, du i'uzéi pese wa, 're ĩwa'utu mono da. Â rési ãna 're isa'wari mono u te duré te te 're ĩzaprõni.

Zuwã 4:14

Ĩnhib'â hã te dama 're anhomri mono wa, da te 're âhuri mono wamhã, 'rubu ãna te za iré 're dasi'ubumroi u'âsi. Ub're 're isidototo u'âsi za'ra mono ne, dawi 're si'utõrĩ waihu'u za'ra mono õ di za, da te 're âhuri mono wamhã. Tawamhã 're dadâ'â za'ra mono ãna, te za 're dasi'ubumroi u'âsi, hâiwa ãma.

Apocalipsi 7:17

E marĩ wa, te te 're robzépata waihu'u za'ra mono õ di za oto. Pone'ẽrebâ hã danhib'apito simasisizéb ãma isa hã te te 're 'madâ'â pese za'ra mono wa, te te 're robzépata waihu'u za'ra mono õ di za. A'ubuni wi, danhimizama da te 're i'madâ'â pese za'ra mono ne, te za te te 're 'madâ'â pese za'ra. Te za duré ub're u te te 're simroi u'âsi, â u'âsi u, da te 're âhuri mono wa, 're idanomro u'âsi mono zéb u. 'Re da'ru'ru mono wa, da'upĩ hã da te dasima 're i'u'õ za'ra mono ne, te za duré te te 're apawapto, pẽ'ẽzé ãna oto 're nomro u'âsi mono da.

Zuize 5:11

Ma'ãpé asiwi wapari aba! Robruru'u'wa norĩ, â zô ab're ihâimana za'ra te te siwi i'uirĩ, Uburé Danhib'apito te te da'ãma i'ai'utézém na hã, te te sima robzanhamri za'ra, duré Izaraéu nhihudu norĩ te te da'ãma i'ai'uté za'ra zém na hã. Tawamhã Uburé Danhib'apito nhib'a'uwẽ norĩ hã, ma tô si'ra za'ra, 'ri nho'õmo 'ridawa za'ẽtẽ u hã.