Zenezi 28:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Ezau, Cana'ã nhipi'õ, imama tõmo ma, te te irowẽ'õzé hã ma tô duré waihu'u.

Zenezi 28:8 ပူးပေါင်းရင်းမြစ်များ

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 27:46

Taha pari Rebeca, te Izaquihi u hã mo. Tawamhã te ãne tãma tinha: — Ezau, hitita norĩ nhipi'õ maparane tãma 'maihâimana zahuré wa, ma tô ĩwĩ sina ro'wa'ré pese zahuré. Tahawa, Zacoho zama hitita norĩ nhipi'õ na mro wamhã, ĩdâ'â da si za oto, ĩnhimirosa'rada hã.

Zenezi 28:1

Tawamhã Izaqui, Zacoho zô ma tô hâ. Sô hârâ wamhã, ma tô duré ãma mre. Taha pari te duré ãne tãma rowaihu'u: — Ãme Cana'ã ãma azarutu norĩ na hã ãma ai'maimro õ di za.

Zenezi 28:7

Imama norĩ nhimiroti, ina norĩ nhimiroti me te te iwapari zahuré zéb zarina, Zaco Mezopotãmia u imorĩzéb zama ma tô duré waihu'u.

1 Samuéu 8:6

Tane nherẽ, Samuéu ma hã wẽ õ di, te te tiwi iwaptẽrẽ za'ra zé hã. Tahawa, ma tô tãma mre, Uburé Danhib'apito ma.