Zenezi 28:5 - ꞌRe Ihâimana Uꞌâsi Mono Zadawa Wasuꞌu

⁵ Ãne ma tô Izaqui, Zacoho ma rob'ru, Mezopotãmia u morĩ da tame 're hâimana mono da, Labã, Betu'éhé 'ra nhorõwa ãma, Arameu norĩ siré, Rebeca Ezau norĩ na, Zacoho me taha hitébré 're isãmra mono zéb ãma.

Zenezi 28:5 ပူးပေါင်းရင်းမြစ်များ

Zenezi 22:23

Betu'é hã, Rebecaha mama. Ã norĩ hã 8 na Milca zé're hawi ipoto za'ra, Nao, Abra'ãhã sisãnawãi ma.

Zenezi 24:54

Tawamhã siré isi'aba'ré norĩ me tisa ma tô oto tihu. Tahawa, ma tô tamemhã a'â tinhotõ za'ra. Tawamhã awẽm na oto utu za'ra wamhã, ma tô romhuri'wa tãma nharĩ zahuré ãne: — Ma'ãpé ĩma waprosi waré na, ĩnhib'apito nhorõwa u apâ ĩmorĩ da.

Zenezi 25:20

Tawamhã Izaqui 40 na ãma iwahub ãma, ma tô Betu'éhé 'ra Rebecaha ãma timro, Labãhã hidiba ãma hã. Ta norĩ hã Arameu norĩ siré, te Mezopotãmia na romnhisi ãma 're hâimana zahuré.

Zenezi 27:43

Tahawa, ĩ'ra, ĩmreme hã te za iwapa. Ãhã na te za ai'aba'ré na aimo ĩhitébré Labã, Harã na 'ri nho'õmo nhisi ãma 're ihâimana mono nhorõwa u,

Zenezi 28:2

Tahawa ma'ãpé asima rob'ubumro na, Mezopotãmia u aimorĩ da. Tawamhã ai'rada Betu'éhé nhorõwa ãma te za asã. Tame asãmra wamhã, te za aimama wapté Labãhã 'ra norĩ na hã ãma ai'maimro za.

Zenezi 29:1

Tawamhã Zaco, timorĩ na ma te oto ãma uzusi. Tahawa bâtâ pusizém niwĩ ro 're ihâimana mono u ma tô wi.

Zenezi 29:12

Tawamhã te tãma siwasu'u ãne: — Wa hã aimama 'ra waptéb uptabi, Rebecaha 'ra. Tawamhã ãne tãma siwasu'u wa, ma tô Raqueu wara, timama ma, te te tãma wasu'u da.

Zenezi 31:24

Tawamhã tô taha mara na sõtõ 'rowi ma tô Labãhã u, 'Re ihâimana u'âsi mono hã sihâi'ré. Tahawa te ãne tãma tinha: — Ni'ã pé! Niha na Zacoho ma hã tãma rob'manharĩ tõ. Tô'ã!

Zenezi 35:27

Tawamhã Zaco, timama Izaquihi siré 're hâimana mono da hã ma tô mo Mare na 'ri nho'õmo nhisi u, Arba na isisi amoi u, Hebrõ na 'ri nho'õmo nhisi 'rata 're ihâimana mono u, Abra'ã, Izaquihi siré aré 're isãmra mono zéb u.