Zenezi 28:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã awẽ wi Zaco utu wamhã, ma tô ẽne ãma isi'rã zaparizé hã hâiwi tisã, ro iwazéb zahi wasu'uzéb da hã. Taha pari azeitona 'rãi wa'u to hã ma tô duré isisiwi sa'wa, 'Re ihâimana u'âsi mono ma, te te ipisutu na 're sa mono da.

Zenezi 28:18 ပူးပေါင်းရင်းမြစ်များ

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Zenezi 28:11

Tawamhã hâiwahâ pesere ro iwazéb zahi u wisi wamhã, ma tô tame a'â mazazâ, ãma awẽ da, bâdâ hã za oto sébré wa. Tawamhã tamemhã ẽne hã ma tô sima 'mai'â, ti'rã zaparizéb da. Tahawa ma tô oto nomro, sõtõ da hã.

Zenezi 31:13

Wa hã, 'Re ihâimana u'âsi mono, Bétéu ãma aima ĩsihâi'ré, ẽne ĩma ipisutu ãma, azeitona wa'u tom na isisiwi ĩma isa'wari ãma, duré asina ĩma iropisutuzé hã i'manharĩzéb ãma. Tahawa awa'awi na te za asima irob'ubumro, ã hã ti'ai hawi aiwatobro da, apâ aimorĩ da, ti'ai 're i'aipotozéb u.”

Zenezi 31:45

Tawamhã Zaco, ẽne itõmo waré pa hã ma tô 'mai'â. Te te 'mai'âri wamhã, ma tô hâiwi para na hã tisã.

Zenezi 35:14

Tahawa Zaco, 'Re ihâimana u'âsi mono te te tãma inharĩzéb ãma, ma tô ẽne itõmo waré hã 'mai'â, hâiwi te te sãrĩ da. Ta hã 'Re ĩhâimana u'âsi mono te da, te te tãma pisutu wa, ma tô duré uwa 'rãi wa'u isé hã, duré azeitona 'rãi wa'u to hã isisiwimhã sa'wa.

Zenezi 35:20

Tahawa Zaco, i'ru ãma ma tô ẽne itõmo waré hã hâiwi tisã. Ta hã te zahadu ãhã na hã ipibui pese zéb da, i'ru ãma 're sa.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Zozué 4:9

Tawamhã Zozuéhé zama ma tô 12 na ẽne hã Zodã pa â wa'wa ãmamhã dame sa'ra, sasedoti norĩ, wedehâ're 'manharĩ te te siwi âri wa, iré isimizahâri za'ra zéb ãma. (Ta hã ẽne te zahadu 're simi'wara.)

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.