Zenezi 28:13 - ꞌRe Ihâimana Uꞌâsi Mono Zadawa Wasuꞌu

¹³ Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 28:13 ပူးပေါင်းရင်းမြစ်များ

Zenezi 12:7

Tawamhã tame Uburé Danhib'apito, Abrãhã u wisi wamhã, ma tô ãne tãma tinha: — Asihudu norĩ ma, wa za ã ti'a hã tãma sõmri za'ra. Tawamhã tame Abrã ma tô ẽtẽ za'ra hã 'manha, tinhimizama te te tãma ãma zata da, Uburé Danhib'apito ma. E marĩ wa. Tame hâimana ré, itẽmemhã wisi wa.

Zenezi 13:15

Ta hã wa za asihudu norĩ ma ropibuma aima tisõ, õne u'â asihudu norĩ nhipti'a na tãma 're hâimana za'ra mono da, ã hã i'ab'madâ'â mono hã.

Zenezi 13:17

Tahawa te za ã hã ti'a na hâiwa nhimi'e niwĩmhã, hâiwa nhimire niwĩmhã, bâtâ pusizém niwĩmhã, duré bâtâ zasizém niwĩmhã 're robzabui mono da hã 're aimo, wa hã za te aima sõmri dâ'âsina.

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Zenezi 15:18

Tawamhã tô taha bâtâ na ma tô Uburé Danhib'apito, Abrãhã ma, tinhimiropisutuzé hã tãma 'manha, ãne: — Asihudu norĩ ma, ã hã ti'a te tãma sõmri za'ra da wa ĩnhimiropisutu zahi hã 'manha, Ezitu ãma ti'a zada'ré inomro hawi, panho'u Eufrati na isisi u hã,

Zenezi 26:24

Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Zenezi 26:3

Ãme te za tô a'â 're aihâimana mo. Tawamhã wa hã wa za asiré 're ĩhâimana. Wa za duré iwẽ hã te aima 're apisutu u'âsi. Asihudu norĩ ma, wa za ã hã uburé ti'a hã te tãma 're anhomri. Ãhã wamhã, wa za ãma tãma uwaimra, aimama Abra'ãhã ma, ĩnhimiropisudu te tãma i'manharĩzé hã.

Zenezi 28:4

Abra'ãhã ma, iwẽ te te 're i'apisutu mono ne, te te duré aima 're i'apisutu mono da si, wa ĩsima wẽ. Asihudu norĩ ma zama te te duré tãma 're apisutu mono da si, wa tô ĩsima wẽ, ã hã ti'ai 're, dasiré a'uwẽ'õ na 're i'aihâimana mono zé tede'wa na ta norĩ hã oto 're hâimana za'ra mono da, Abra'ãhã ma, 'Re ihâimana u'âsi mono, ti'a te te isõmri hã.

Zenezi 31:13

Wa hã, 'Re ihâimana u'âsi mono, Bétéu ãma aima ĩsihâi'ré, ẽne ĩma ipisutu ãma, azeitona wa'u tom na isisiwi ĩma isa'wari ãma, duré asina ĩma iropisutuzé hã i'manharĩzéb ãma. Tahawa awa'awi na te za asima irob'ubumro, ã hã ti'ai hawi aiwatobro da, apâ aimorĩ da, ti'ai 're i'aipotozéb u.”

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Zenezi 31:5

Tawamhã itẽme simasisi wamhã, te ãne tãma nharĩ zahuré: — Aimama 'wa ĩsiwaihu'u na imorĩ'rata na ĩma ihâimana nei õ na isihâi'rézém na wa tô 'madâ'â waihu'u. Tane nherẽ, ĩmama te, 'Re ihâimana u'âsi mono hã te ĩsiré 're hâimana u'âsi.

Zenezi 31:53

Abra'ãhã te, 'Re ihâimana u'âsi mono, duré Naoho te, 'Re ihâimana u'âsi mono, te za niha wasima wawasété zarina wa'ãma rowairébé'wa na hã 're hâimana. Tawamhã Zaco, imama Izaqui, 'Re ihâimana u'âsi mono te te 're iwazé mono nhisi na ma tô ropisudu hã 'manha.

Zenezi 32:10

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Zenezi 32:9

Tawamhã Zaco, ãne te 'Re ihâimana u'âsi mono ma hã mre: — Uburé Danhib'apito, ĩhi'rata Abra'ãhã te, duré ĩmama Izaquihi te 'Re ihâimana u'âsi mono, ma'ãpé aima ĩmremezém na hã ĩwapari. A hã ma tô we ĩzatõ, apâ ĩnhipti'ai u we ĩmorĩ da, ĩsiwapru norĩ u. Duré iwẽ na si ĩma romhâimana mono da hã, ma tô ĩma iropisu.

Zenezi 35:1

Tawamhã 'Re ihâimana u'âsi mono, Zacoho ma, te ãne tinha: — Ma'ãpé asima rob'ubumro na, Bétéu u apâ aimorĩ da, tame 're aihâimana mono da. Tame te za ẽtẽ za'ra ĩma danhoprubzé zata zéb da hã ĩma i'manha, wa hã 'Re ihâimana u'âsi mono, adub'rada Ezauhu wi aimani wa, aima ĩsihâi'ré ma.

Zenezi 35:12

Tawamhã Abra'ãhã ma, duré Izaquihi ma, ti'a te isõmri hã, ta hã aima zama wa za oto tisõ. Taha parimhã wa za asihudu norĩ ma tãma sõmri za'ra, ai'uirĩ na.”

Zenezi 35:15

Tawamhã ta hã ro, ma tô duré sisi, Bétéu na.

Zenezi 35:17

Tawamhã oto sa'ẽtẽ iwasã ãma sépu'u wamhã, te isapari'wa hã tãma tinha ãne: — Aipahi tõ. Aibâ na te za duré ai'ra hã aima podo.

Zenezi 46:3

Tawamhã 'Re ihâimana u'âsi mono, te ãne tãma tinha: — Wa hã 'Re ihâimana u'âsi mono, aimama te, 'Re ihâimana u'âsi mono na 're ĩhâimana mono. Tahawa aipahi ãna ma'ãpé aimorĩ, Ezitu u hã. Tame wa za asihudu norĩ, ahâ uptabi na sitébré da hã tãma pisutu za'ra, a'uwẽ misi ãma isitom na dama siptete na 're hâimana za'ra mono da.

Zenezi 48:3

Tawamhã oto itẽme wisi wamhã, ma tô ãne Zuzéhé ma tinha: — 'Re ihâimana u'âsi mono danhipai u iwaihu'u pe, 'ri nho'u Rowa'a na isisi ãma ma tô ĩma sihâi'ré, Cana'ã ti'ai ãma 're ĩhâimana mono ré. Tahawa, ma tô ĩwẽ hã ĩma pisutu.

Ezodu 2:24

Tawamhã 'Re ihâimana u'âsi mono, Izaraéu nhihudu norĩ 're iwazidi za'ra mono zé hã ma tô wapa. Tahawa Abra'ãhã ma, Izaquihi ma, duré Zacoho ma, tinhimiropisutu zahi te te i'manharĩzém na hã, ma tô sina po're puru.

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Ezodu 4:5

Tahawa te Uburé Danhib'apito tãma tinha ãne: — Ãne te za Izaraéu nhihudu norĩ nho'a hã i'manha, Uburé Danhib'apito, aihi'rata norĩ te, Abra'ãhã te, Izaquihi te, Zacoho te, 'Re ihâimana u'âsi mono, aima ĩsihâi'rézém na te te ãma asaze za'ra da hã.

Ezodu 6:4

Wa tô iwẽ na tãma ropisutu za'ra, Cana'ã na romnhisi ãma ti'a te tãma sõmri za'ra da, isiré a'uwẽ'õ norĩ iwa 're ihâimana za'ra mono zé hã.

Ezodu 6:7

Ĩnhib'a'uwẽ na 're anomro aba mono da, wa za ãne hã aima 'manharĩ za'ra wa'wa. Tawamhã wa hã ate za'ra wa'wa 'Re ihâimana u'âsi mono na wa za oto 're ĩhâimana. Duré tawamhã wa hã Uburé Danhib'apito, ate wa'wa 'Re ihâimana u'âsi mono, ezipsiu norĩ ma 're iromhuri za'ra wa'aba mono zém hawi te i'asõ'reptu za'ra wa'aba na hã te za oto tô a norĩ wa'wa asiwi ĩwaihu'u 'wa.

Mateu 22:32

“Wa hã Abra'ãhã nhib'apito, wa 're ĩhâimana u'âsi, duré Izaquihi nhib'apito, duré Zacoho nhib'apito.” Ãne ma tô 'Re ihâimana u'âsi mono hã Abra'ã norĩ uirĩ na nherẽ, Mozésihi ma, siwaihu'u. Wahi'rata norĩ hã dawi 're dâ'â za'ra mono nherẽ, 'Re ihâimana u'âsi mono wi, 're dâ'â za'ra mono õ di. Tahawa, ma tô Isib'apito za'ra na siwasu'u. Dâ'â u'âsi 're hâimana za'ra mono 'wa'âhã, Isib'apito za'ra na aré siwasu'u õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:5

Tane nherẽ, we te te saprõni nherẽ, te te tãma sõmri uptabi õ di, ti'a hã ite da. Tahawa, te ãne hã tãma tinha: “Tô sena, ti'a, wa za aima tisõ, ate da, asihudu sidâpâsi, asihudu norĩ te da.” Ãne ma tô tãma ropisutu, Abra'ãhã ma, 'ra õ ré.

Hebreu 11:16

Tane nherẽ, daro iwẽ uptabi zô si ma tô ta norĩ hã sima 're sõpré, hâiwa ãma sô 're ihâimana za'ra mono zô si, iwa 're isi'ubumroi u'âsi mono zéb da hã. Tahawa, 'Re ihâimana u'âsi mono te te siwi wẽ'õ za'ra õ di, tinhib'apito na te te 're sisi za'ra mono tõ da hã. Taha zarina, ma tô oto tô 'ri nho'u hã iwẽ uptabi hã tãma 'manharĩ za'ra, iwa 're isi'ubumroi u'âsi mono zéb da hã, tirop téb ãma.