Zenezi 28:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã hâiwahâ pesere ro iwazéb zahi u wisi wamhã, ma tô tame a'â mazazâ, ãma awẽ da, bâdâ hã za oto sébré wa. Tawamhã tamemhã ẽne hã ma tô sima 'mai'â, ti'rã zaparizéb da. Tahawa ma tô oto nomro, sõtõ da hã.

Zenezi 28:11 ပူးပေါင်းရင်းမြစ်များ

Zenezi 15:12

Tawamhã oto mara wamhã, ma tô Abrã hã sina tipahâ pese, aptâ ãma isimei pese zarina sõtõ pese wa. Taha nherẽ, waptu na ma tô tipahi. Ma tô ipẽ'ẽwara hã iwab ãzé.

Zenezi 28:18

Tawamhã awẽ wi Zaco utu wamhã, ma tô ẽne ãma isi'rã zaparizé hã hâiwi tisã, ro iwazéb zahi wasu'uzéb da hã. Taha pari azeitona 'rãi wa'u to hã ma tô duré isisiwi sa'wa, 'Re ihâimana u'âsi mono ma, te te ipisutu na 're sa mono da.

Zenezi 28:19

Tawamhã taha rob ãma 'ri nho'u 're ihâimana mono hã, Rowa'a na isisi hã aré. Tane nherẽ, Zaco hã ma tô isisi na ãma saprĩ, Bétéu na.

Zenezi 31:46

Taha pari ma tô tisiré norĩ ma tãma nharĩ za'ra, ẽne hã te te siwi sa'ra 'rãihâ da. Tawamhã ta norĩ hã ẽne ma tô siwi sa'ra sisiwipsi. Taha pari ma tô isababa tisa hã tihu.

Mateu 8:20

Tawamhã Zezusi te asa tãma tinha ãne: — Wapsã wawẽre ma, te ab're na isõrõwa hã tãma 're hâimana zara. Duré si norĩ te tizasi hã te te sima 're 'manharĩ za'ra, isõrõwa na tãma 're hâimana za'ra mono da. Tazahã, ti'ai ãma Dasiré Ipodo hã sõrõwa õ di, ãma 're iwa'utu mono zéb da hã. Hâiwi si te datẽmemhã 're morĩ u'â.

2 Corĩtu 1:5

Wa norĩ hã Cristuhu zazei'wa 're wahâimana mono wa, wa wa te 're robzépata tô, ti'ab ré Cristu hã te te 're irobzépata mono ne. Isine, wa te 're robzépata mono nherẽ, ta hã te za te te 're wapawaptob u'âsi, wapẽ i're wama 're sa'wari mono da, wato sina duré 're wahâimana u'âsi mono da.