Zenezi 28:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Izaqui, Zacoho zô ma tô hâ. Sô hârâ wamhã, ma tô duré ãma mre. Taha pari te duré ãne tãma rowaihu'u: — Ãme Cana'ã ãma azarutu norĩ na hã ãma ai'maimro õ di za.

Zenezi 28:1 ပူးပေါင်းရင်းမြစ်များ

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 24:37

Ĩnhib'apito te ĩsina tãma ropisutu da, ma tô ĩma tinha, te te ĩma iwaihu'uzé hã te 'manharĩ da. Tahawa, ma tô ãne ĩma tinha: “Ĩ'ra, ãme ti'ai wa'õtõ nho õmo 're Cana'ã ãma pi'õ norĩ 're ihâimana za'ra mono na mro da hã tãma sa'réi õ di za, ã hã iwa 're ĩhâimana mono zéb ãma hã.

Zenezi 24:4

Tahawa, te za sô aimo za, ĩnhipti'ai 'rata ãma 're ĩnhamra 'rata mono zéb u, ĩsiwapru 'ra norĩ si tãma 'maipisutu da, ĩ'ra Izaquihi mro da hã.

Zenezi 27:4

Asõpãrĩ nhi na, dasa ise te ĩsima iwẽzé hã ĩma ãma 'manharĩ da. Tawamhã ta hã te za we ĩma i'â. Ĩsai parip si ĩdâ'â õ ré, wa za ai'ãma mre, 'Re ihâimana u'âsi mono iwẽ te te aima 're apisutu mono da hã.

Zenezi 27:46

Taha pari Rebeca, te Izaquihi u hã mo. Tawamhã te ãne tãma tinha: — Ezau, hitita norĩ nhipi'õ maparane tãma 'maihâimana zahuré wa, ma tô ĩwĩ sina ro'wa'ré pese zahuré. Tahawa, Zacoho zama hitita norĩ nhipi'õ na mro wamhã, ĩdâ'â da si za oto, ĩnhimirosa'rada hã.

Zenezi 28:6

Tawamhã Ezau, Izaqui, Zacoho ãma iwẽ te te ipisutuzé hã ma tô waihu'u. Duré Mezopotãmia u morĩ da, tame mro da, te te tãma irob'ruzéb zama ma tô duré waihu'u. Tawamhã imama, ãma mreme wa, ti'ai wa'õtõ nho'u Cana'ã nhipi'õ na mro tõ da, te te tiwi isawizéb zama ma tô waihu'u.

Zenezi 34:16

Ãne wapsi te za wa'ra norĩ na 're aimro za'ra wa'aba mo. Duré taha wapsi wa za wa norĩ hã ai'ra norĩ na asa 're wamro za'ra. Tawamhã duré aiwa'wa za'ra wa'aba 're wahâimana za'ra mono wamhã, wa za misi wawamri a'uwẽ ne hã wasiré 're wahâimana za'ra.

Zenezi 34:9

Ãhã zarina wasiwadi na wasima 're iwahâimana za'ra mono da hã e wẽ õ di za bété. Ãne wamhã, te aré wa'ra sipi'õ norĩ hã ai'ra za'ra wa'aba norĩ na hã 're mro za'ra. Duré ai'ra wa'aba sipi'õ norĩ te aré duré wa'ra norĩ na 're mro za'ra.

Zenezi 38:2

Tawamhã tame Zuda ma tô cananeu norĩ nhipi'õ hã 'maiwaihu'u, Su'a na isisi hã. Tawamhã taha na Zuda mro wamhã,

Zenezi 48:15

Taha pari ma tô ti'ra Zuzéhé ãma, 'Re ihâimana u'âsi mono ma hã mre, ãne: “'Re ihâimana u'âsi mono, ĩmama norĩ Abra'ã, Izaquihi me te te aima 're iromhuri zahuré mono hã ma'ãpé ã hã ipréduptém norĩ ma, iwẽ hã tãma 're apisutu zahuré mono. Duré 'Re ihâimana u'âsi mono, ibâ na 're ĩmorĩ ré ã bâtâ u hã ĩnhimizama 'madâ'â na 're ĩhâimana mono ré, we ĩzaprõni wẽ 'wa, ma'ãpé iwẽ hã tô tãma 're apisutu zahuré mono.

Zenezi 49:28

à norĩ hã Izaraéu 'ra norĩ 12 na ihâiba za'ra hawimhã te za 12 na dawamri dasitébré za'ra, i'ra nhisi mono zarina. Ãne ma tô imama za'ra hã ti'ra norĩ ma waihu'u za'ra. Tahawa, hâiba mono bâ ma tô romnhowam na iwẽ na hã ãma tãma nharĩ siromo za'ra, ite mono bâ.

Zenezi 6:2

ma tô 'Re ihâimana u'âsi mono 'ra norĩ, pi'õ wẽ uptabi na 're ihâimana za'ra mono na te te sima 're 'madâ'â ze za'ra. Tahawa ma tô duré te te sima 're iwẽ za'ra mono zéb zarina te te sima 're pisutu za'ra, ãma 're mro za'ra mono da.