Zenezi 27:45 - ꞌRe Ihâimana Uꞌâsi Mono Zadawa Wasuꞌu

⁴⁵ tãma asimi'manharĩzém na ãma ipo're si'ârizéb u. Ãhã wapsi, wa za ni'wa hã ãma asô satõ, we apâ ãwa te te asaprõni da hã. E tihai wa. Wa hã te ĩsima wẽ õ di, misi bâtâ na ĩ'ra norĩ te i'asimini aba da hã.

Zenezi 27:45 ပူးပေါင်းရင်းမြစ်များ

Zenezi 27:12

Bété za ĩmama te te ĩhâiba upi mono wamhã, te za ĩwaihu'u, ĩhâimana nhipese sina marĩ te tãma i'manharĩzém na hã. Tawamhã iwẽ hã te te ĩ'ãma 're apisutu mono da nherẽ, te za taha wa'rãmi iwasété si ĩmama hã te te ĩ'ãma 're apisutu.

Zenezi 27:19

— Wa hã Ezau, dadub'rada. Ĩma i'ruzéb uwaibaba, wa tô asa hã aima 'manha. Ma'ãpé ĩzawi na hã ai'utu. Duré asahâ na asãmra, ĩnhisõpãrĩ nhi na asai hâ. Taha parip si, te za ĩ'ãma aimre, 'Re ihâimana u'âsi mono ma, iwẽ hã te te ĩma 're apisutu mono da.

Zenezi 27:35

Tane nherẽ, asa ma te ãma sada'â ãne: — Ano we imorĩ hã ma tô ĩma sadawa hapese. Tahawa taha ãma si wa tô mre ai'upana, aré aima ihâimana da hã.

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:4

Tawamhã tame 're isi'ubumroi mono norĩ hã, Pauluhu nhib'rata na wahi hã te te 'madâ'â za'ra wamhã, te sima rowasu'u za'ra, ãne: — Õhõta aibâ hã wahi ma te tisa, isib'rata wi. Te za oto dârâ. Ãté tô dapãrĩ'wa. Tahawa, â hawi sisõ'reptu nherẽ, ãté te za oto tô dârâ.