Zenezi 27:43 - ꞌRe Ihâimana Uꞌâsi Mono Zadawa Wasuꞌu

⁴³ Tahawa, ĩ'ra, ĩmreme hã te za iwapa. Ãhã na te za ai'aba'ré na aimo ĩhitébré Labã, Harã na 'ri nho'õmo nhisi ãma 're ihâimana mono nhorõwa u,

Zenezi 27:43 ပူးပေါင်းရင်းမြစ်များ

Zenezi 11:31

Tawamhã Tera, 'ri nho'u Ur na isisi hawi watobro wamhã, Cana'ã na romnhisi u morĩ da, ma tô ti'ra Abrãhã siré, tinhihudu Lo hã siré saprõ, Harãhã 'ra hã. Duré tisani'wa Sara'i, ti'ra mro hã ma tô duré siré saprõ. Tawamhã Harã na 'ri nho'õmo nhisi u oto sihutu wamhã, ma tô duré oto tamemhã 're hâimana za'ra.

Zenezi 24:29

Rebecaha hitébré, Labã na isisi hã ma tô isi'uwazi zapodo isisi're na isa'o, isimizu na isipsisi me hã 'madâ'â za'ra. Ma tô duré wapa, Rebecaha ma, aibâ te te tãma iwaihu'uzé te te dama iwasu'u hã. Tawamhã Labã si'aba'ré na iwa'rãmimhã ma tô sô mo, Abra'ãhã ma romhuri'wa hâiwi awaru ba'õmore norĩ zababa â zô ab're 'rata isab zô hã.

Zenezi 25:20

Tawamhã Izaqui 40 na ãma iwahub ãma, ma tô Betu'éhé 'ra Rebecaha ãma timro, Labãhã hidiba ãma hã. Ta norĩ hã Arameu norĩ siré, te Mezopotãmia na romnhisi ãma 're hâimana zahuré.

Zenezi 27:13

Tane nherẽ, ma te ina ãne ãma sada'â: — Ĩ'ra, tiha hã tô ai'upana iwasédé hã ĩ'ãma hâimana. Tihai õ di. Tahawa te aima iwaihu'uzé hã, te za tô i'manha. Tahawa ma'ãpé pone'ẽrebâ zéré uzé 'ra we ĩma mrami da hã, te za tô sô aimo.

Zenezi 27:42

Tawamhã Rebeca, Ezau te te sima irowa'õtõzé ma tô tiwi waihu'u. Tahawa, Zacoho zô te sima sô hâ. Tawamhã te ãne tãma tinha: — Te za ĩwapa! Adub'rada Ezau hã te sima rosa'rata, si'ruiwa'âbâ da, te te aiwĩrĩ da.

Zenezi 27:8

Ĩ'ra, tahawa te za ĩwapa, te aima iwaihu'uzéb zarina, za i'manharĩ da hã.

Zenezi 28:10

Tawamhã Zaco, Beseba hawimhã ma tô watobro, morĩ da oto, Harã u.

Zenezi 28:5

Ãne ma tô Izaqui, Zacoho ma rob'ru, Mezopotãmia u morĩ da tame 're hâimana mono da, Labã, Betu'éhé 'ra nhorõwa ãma, Arameu norĩ siré, Rebeca Ezau norĩ na, Zacoho me taha hitébré 're isãmra mono zéb ãma.

Zenezi 28:7

Imama norĩ nhimiroti, ina norĩ nhimiroti me te te iwapari zahuré zéb zarina, Zaco Mezopotãmia u imorĩzéb zama ma tô duré waihu'u.

Zenezi 35:1

Tawamhã 'Re ihâimana u'âsi mono, Zacoho ma, te ãne tinha: — Ma'ãpé asima rob'ubumro na, Bétéu u apâ aimorĩ da, tame 're aihâimana mono da. Tame te za ẽtẽ za'ra ĩma danhoprubzé zata zéb da hã ĩma i'manha, wa hã 'Re ihâimana u'âsi mono, adub'rada Ezauhu wi aimani wa, aima ĩsihâi'ré ma.

Provébiu 30:17

Ni'wa timama ãma 're wa'ẽi mono wamhã, duré ina si'ihi wa, te te 're wazé mono õ wamhã, te za sipahudu hã siwi ti'rẽ. Niha wamhã, te za duré sitoro corvo na isisi hã siwi tõmo zani.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:29

Tawamhã Pedru norĩ hã te asa tãma nharĩ za'ra, tisiré Zezusihi zadawa wasu'u'wa norĩ me: — 'Re ihâimana u'âsi mono mreme si wa za wa te 're 'madâ'â pese za'ra. Aimawi mreme hã wa te 're 'madâ'â za'ra mono õ di za.