Zenezi 27:41 - ꞌRe Ihâimana Uꞌâsi Mono Zadawa Wasuꞌu

⁴¹ Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 27:41 ပူးပေါင်းရင်းမြစ်များ

Zenezi 27:42

Tawamhã Rebeca, Ezau te te sima irowa'õtõzé ma tô tiwi waihu'u. Tahawa, Zacoho zô te sima sô hâ. Tawamhã te ãne tãma tinha: — Te za ĩwapa! Adub'rada Ezau hã te sima rosa'rata, si'ruiwa'âbâ da, te te aiwĩrĩ da.

Zenezi 32:11

Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.

Zenezi 32:3

Tawamhã Zaco, tite romreme 'wapéi'wa norĩ, ma tô satõrĩ za'ra Se'i na rowamri u, Edõ na rowamri amo hã Ezau te te siwi sõpẽtẽ da, iwana.

Zenezi 32:6

Tawamhã romreme 'wapéi'wa norĩ, Ezauhu ma te te sadawa wasu'u za'ra pari, apâ si'aba'réi wamhã, te ãne Zacoho ma rowasu'u za'ra: — Adub'rada Ezauhu u wa tô aihutu ni. Ta hã te we oto mo, te te sina ai'uzusi da, 400 na aibâ norĩ ihâiba za'ra siré.

Zenezi 35:29

Tawamhã si'ihi pese wamhã, Izaqui hã ma tô oto dârâ. Tahawa, i'ra Ezau norĩ, Zacoho me ma tô sẽrẽ zahuré.

Zenezi 37:18

Tawamhã Zuzé ma tô romhâ ré siwi tisã. Tahawa, 'râwi itẽme wisi za'ra õ ré, ma tô te te sima ãma irowairébé za'ra da hã rosa'rada siwi 'manha, te te siwi wĩrĩ da.

Zenezi 37:4

Tawamhã Zuzéhé si, imama isipai u za'ra te te 're isawi pese mono na, ma tô isisãnawã norĩ hã ãma siwi waihu'u. Tahawa te tino hã te te siwi 're 'ru 'manharĩ. Te duré timreme tete na si te te tãma 're nharĩ za'ra.

Zenezi 37:8

Tawamhã isisãnawã norĩ ma te ãma sada'âbâ za'ra ãne: — E a hã wanhib'apito na wama 're aihâimana za'ra mono da bâ. E duré 're wa'awada'uri mono da bâ. Tawamhã ma tô oto tame sima 'rui poto pese za'ra, tinhimirosawẽrẽ te te tãma iwasu'u za'ra zéb ãma, ãne na hã.

Zenezi 50:15

Tawamhã imama tiwi si'ré za'ra parimhã, ma tô Zuzéhé sisãnawã norĩ ãne sima ãma romnomri za'ra, tinoi hâiba na: — Ãté Zuzé te za oto wazada tinhiti'ru za'ra. Ãté te za duré si'ruiwa'â, iwasédé wa te tãma i'manharĩ za'ra wa'rãmimhã.

Zenezi 50:2

Tawamhã dawede'wa norĩ te te tãma 're iromhuri za'ra mono ma, ma tô tãma waihu'u za'ra, imama hã te te siwi hâiba u'ré da, 'ro tõ da. Ãne te te tãma waihu'u za'ra wa, ma tô imreme zarina ta norĩ hã siwi 'manha.

Provébiu 1:16

Waptu na te te sima 're rosa'rata za'ra, marĩ te te 're 'manharĩ za'ra mono da hã. Te te duré 're danhimroi mono da hã simire sina te õne u'â dazada 're hâimana siromo za'ra.

Provébiu 18:19

'Ri nho'õmo 'wawi wa'ra isiptete na da te ãma 're i'ai'uté za'ra mono nhipai u pire uptabi di, dasiwaihu'u me da te dasima 're pẽtẽ za'ra mono wa, apâ dasina 're idasihâibatob za'ra mono da hã. Damreme na dasi'wapé hã 'ri nho'õmo tẽme danhisisizé 'ridawa za'ẽne da te dawi 're itété tete za'ra mono ne hã te 're hâimana.

Provébiu 6:14

Simirosa'rata wasété na 're hâimana za'ra mono wa, te õne u'âsi te te sima 're rowa'õtõ za'ra, marĩ te te 're i'manharĩ wasété za'ra mono zéb da hã. Te duré ro'wa'rutuzém na hã ropâ te te dama ãma 're ropé.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.