Zenezi 27:4 - ꞌRe Ihâimana Uꞌâsi Mono Zadawa Wasuꞌu

⁴ Asõpãrĩ nhi na, dasa ise te ĩsima iwẽzé hã ĩma ãma 'manharĩ da. Tawamhã ta hã te za we ĩma i'â. Ĩsai parip si ĩdâ'â õ ré, wa za ai'ãma mre, 'Re ihâimana u'âsi mono iwẽ te te aima 're apisutu mono da hã.

Zenezi 27:4 ပူးပေါင်းရင်းမြစ်များ

Zenezi 14:19

Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha: “Abrã, 'Re ihâimana u'âsi mono, danhipai u 're ihâimana mono, hâiwa 'manhari'wa hã, duré ti'ai 'manharĩ'wa hã iwẽ si te te aima 're pisutu mono da, wa tiwi te 're waptẽrẽ.

Zenezi 24:60

Tawamhã iwẽ hã ma tô Rebecaha ma, pisutu za'ra ãne: “Wahidiba, a hã da'ahâ uptabi 'rata na 're i'aihâimana mono da si, iwẽ hã. Duré asihudu norĩ, tinhitob'ru norĩ te, 'ri nho'õmo ãma hã te te 're i'ai'uté za'ra mono da si, iwẽ hã.”

Zenezi 27:14

Tawamhã Zacoho ma, ina tãma sadahutu õ wa, te oto sô mo. Tahawa, ma tô pone'ẽrebâ zéré uzé 'ra hã timra. Duré ta norĩ hã ma tô oto tina ma mrami zahuré. Taha na Izaqui te te sima iwẽzéb zarina dasa ise na ma tô ãma tãma 'manha.

Zenezi 27:17

Taha pari dasa isei uptabi na tinhipi, i'u'ẽtẽ wapu te te i'manharĩ me ma tô tãma sõmri zahuré.

Zenezi 27:19

— Wa hã Ezau, dadub'rada. Ĩma i'ruzéb uwaibaba, wa tô asa hã aima 'manha. Ma'ãpé ĩzawi na hã ai'utu. Duré asahâ na asãmra, ĩnhisõpãrĩ nhi na asai hâ. Taha parip si, te za ĩ'ãma aimre, 'Re ihâimana u'âsi mono ma, iwẽ hã te te ĩma 're apisutu mono da.

Zenezi 27:23

Ãne wa, Izaqui, Zaco hã te te waihu'u õ di, Ezau nhib'rata ne sib'rata sui 'ré wa. Tahawa ma tô aré ãma imreme na hã sãna'rata, 'Re ihâimana u'âsi mono ma, iwẽ hã te te tô tãma 're apisutu mono da.

Zenezi 27:25

Tawamhã imama te oto tãma tinha ãne: — Wẽ di tô. Asisõpãrĩ nhi na ĩsa da, we ĩma âri pé. Taha parip si, wa za ai'ãma mre, 'Re ihâimana u'âsi mono ma, iwẽ hã te te tô aima 're apisutu mono da. Tawamhã Zaco, timama ma hã ma tô ti'â. Duré uwa 'rãi wa'u isé zama hã ma tô tãma ti'â. Tahawa Izaqui ma tô ti'rẽ. Ma tô duré simizâ, tisa hã.

Zenezi 27:27

Tawamhã Zaco, timama u hã ma tô 'râwi pesere oto itẽme ai'ré. Tahawa, ma tô timama hã tob'rata hârâ na sawi. Tawamhã Zaco, ãma isi'uzazé te te hãi waihu'u wamhã, ma tô Izaqui ti'ra ãma hã mre ãne: “Ĩ'ra hâiba zadaze hã, rom na danhib're ma, Uburé Danhib'apito iwẽ te te tãma 're apisutu mono wa, isadaze ne.

Zenezi 27:31

Tawamhã taha zama ma tô tinhipi ise hã timama ma 'manha. Taha pari, ma tô tãma ti'â. Tahawa te ãne timama hã 'mahâ: — Ĩmama, ma'ãpé ĩzawi na hã ai'utu, abaze te i'maiwĩrĩ nhi na asai hâ. Taha parip si, te za 'Re ihâimana u'âsi mono ma, ĩ'ãma aimre, iwẽ hã te te ĩma 're apisutu mono da.

Zenezi 27:5

Tawamhã Rebeca, Ezauhu ma, Izaqui te te roti ré, ma tô mreme wapa. Tahawa rom na aba 're morĩ da, watobro za'u hã,

Zenezi 27:7

“Ma'ãpé, rom na abaze zô 're aimorĩ, 'maiwĩrĩ wa, dasa ise hã ãma ĩma 'manharĩ da. Tawamhã ĩsai parip si, wa za 'Re ihâimana u'âsi mono ma, ĩdâ'â õ ré ai'ãma mre, iwẽ te te aima 're apisutu mono da.”

Zenezi 27:9

Ma'ãpé tahawa, wanhimizama isimasabzéb u hã aimorĩ, maparane pone'ẽrebâ zéré uzé 'ra iwẽ uptabi hã mrami da. Tawamhã wa hã aimama te te sima iwẽzéb uwaibaba, wa za ise na hã ãma tãma api.

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 48:9

— Ĩ'ra norĩ, ã hã. 'Re ihâimana u'âsi mono, Ezitu ãma 're ĩhâimana mono ré, te te ĩma isõmri zahuré. — Ãne ma te asa Zuzé hã ãma sada'â, timama hã. Tawamhã imama Zaco te tãma tinha, ãne: — Ma'ãpé we 'râwi ĩ'rata simizusi, 'Re ihâimana u'âsi mono ma, ãma ĩmreme zahuré da.

Zenezi 49:28

à norĩ hã Izaraéu 'ra norĩ 12 na ihâiba za'ra hawimhã te za 12 na dawamri dasitébré za'ra, i'ra nhisi mono zarina. Ãne ma tô imama za'ra hã ti'ra norĩ ma waihu'u za'ra. Tahawa, hâiba mono bâ ma tô romnhowam na iwẽ na hã ãma tãma nharĩ siromo za'ra, ite mono bâ.

Luca 2:34

Tawamhã Simiã hã te tiwi rowaptẽ, 'Re ihâimana u'âsi mono wi, te te 're pawaptob zahuré mono da. Mariaha ma, te duré tinha: — 'Re ihâimana u'âsi mono, ma tô ai'ra hã pisutu, watẽme wei morĩ da, Izaraéu na warom nhisi u. Tawamhã watẽme wei morĩ wa, te za da'ahâ na danho'reptuzé hã da te dasina 're waihu'u za'ra. Tane nherẽ, da'ahâ na danho'reptuzé hã da te dasina 're waihu'u za'ra mono õ di za. Danho'reptui'wa na da te dasina 're waihu'u za'ra mono da, te te pisutu nherẽ, niwapsi te za ai'ra hã dasiwi wẽ'õ ni, da'ahâ na. Tawamhã da te dasiwi wẽ'õ wamhã, dama waihu'u pese di za oto, danhimirosa'rata wasédé hã ai'ra ãma hã. Sib'ézé i'wa pese na, da te 're danhihâri za'ra mono wamhã, dama 're rowẽ za'ra mono õ di za. Tane ai'ra hã da te dasiwi wẽ'õ wamhã, aipẽ'ẽzé ahâ di za.

Luca 24:51

Tawamhã taha ré, ma tô tiwi timorĩ za'ra. Imama hã ma tô tiwi âri za'ra, hâiwa u.

Hebreu 11:20

Duré Izaqui hã 'Re ihâimana u'âsi mono si te te sina 're i'umnhasi mono zéb zarina, ma tô ti'ra norĩ ãma rowaptẽ tiwi, iwẽ na si te te 're pawaptob u'âsi zahuré mono da, duré iwẽ si te te tãma 're pisutu zahuré mono da, Zaco norĩ ma hã Ezauhu me.