Zenezi 27:38 - ꞌRe Ihâimana Uꞌâsi Mono Zadawa Wasuꞌu

³⁸ Tane nherẽ, Ezau timama ma hã te nasi tãma si'ru ãne: — Ĩmama, e tô misi haré te asimirowaptẽrẽzé iwẽ na hã tihâiba. Ma'ãpé ĩ'ãma zama 'Re ihâimana u'âsi mono ma hã aimreme, iwẽ hã te te tô ĩma 're apisutu mono da. Ãne te te sina tãma nharĩ pari, ma tô wawa 'rãihâ na hã oto aiwa'õ, sina siwamri pese wa.

Zenezi 27:38 ပူးပေါင်းရင်းမြစ်များ

Zenezi 27:34

Tawamhã Ezau ãne hã te te wapari wamhã, ma tô rosa'ratazé te 're sadari. Tahawa te duré tãma tinha ãne: — Ĩmama, ĩ'ãma zama te za aimreme, 'Re ihâimana u'âsi mono, iwẽ hã te te tô ĩma zama 're apisutu mono da.

Zenezi 27:36

Tawamhã Ezau, te ãne tinoi hâiba na ãma tãma tinha: — Ã hã oto maparane ãma hã ma tô taré hâimana nhipese na ĩhâiba na hã ĩ'ãma apsaihu. Tô ibâre tô, ma te sisi ni, Zaco na hã. Imorĩ'rata na dama ipoto'rata ma, 're ihâimana za'ra mono zé, ma tô ĩwi waze. Ãhã na hã ma tô oto ĩwi waze, iwẽ aré ĩma 're ihâimana mono da hã. Ĩmama, e duré iwẽ hã ĩma ipisutuzéb da hã 'maihâimana õ di.

Zenezi 49:28

à norĩ hã Izaraéu 'ra norĩ 12 na ihâiba za'ra hawimhã te za 12 na dawamri dasitébré za'ra, i'ra nhisi mono zarina. Ãne ma tô imama za'ra hã ti'ra norĩ ma waihu'u za'ra. Tahawa, hâiba mono bâ ma tô romnhowam na iwẽ na hã ãma tãma nharĩ siromo za'ra, ite mono bâ.

Hebreu 12:17

Tawamhã taha na ãma ronomro parip si, ma tô Ezau hã timama ma tinha, 'Re ihâimana u'âsi mono ma, ãma mreme da, iwẽ hã te te tãma 're anhomri mono da, inoi upana. Tane nherẽ, ma tô imama hã siwi wẽ'õ, ãma mreme tõ da. Tahawa, tiwasédé te te 'manharĩ pari nherẽ, apâ te te sima pari waihu'u õ di, timama ma te te nharĩ sina, wawa 'rãihâ na wawa nherẽ. Ãhã wasu'u hã aima waihu'u pese za'ra wa'aba di, ãne na hã.

1 Samuéu 11:4

Tawamhã dama romreme 'wapéi'wa norĩ te te isatõrĩ za'ra hã ma tô oto aihutu Zibea ãma, Sau 're ihâimana mono zéb u hã. Tame te te dama rowasu'u za'ra wamhã oto, ma tô aiwa'õ za'ra ni, dawawa 'rãihâ na hã.