Zenezi 27:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã Ezau, te ãne tinoi hâiba na ãma tãma tinha: — Ã hã oto maparane ãma hã ma tô taré hâimana nhipese na ĩhâiba na hã ĩ'ãma apsaihu. Tô ibâre tô, ma te sisi ni, Zaco na hã. Imorĩ'rata na dama ipoto'rata ma, 're ihâimana za'ra mono zé, ma tô ĩwi waze. Ãhã na hã ma tô oto ĩwi waze, iwẽ aré ĩma 're ihâimana mono da hã. Ĩmama, e duré iwẽ hã ĩma ipisutuzéb da hã 'maihâimana õ di.

Zenezi 27:36 ပူးပေါင်းရင်းမြစ်များ

Zenezi 25:26

Taha pari isãna're ipodo ma tô tinhib'rata amo na tidub'rada Ezauhu para na'rada hã te te tété mono sina watobro. Tahawa ma tô sisi zahuré, Zaco na. Ãne ma tô Izaquihi ãma 60 na iwahub ãma Rebecaha ma ai'uté isi'ubza 'watébrémi hã tãma tipoto zahuré.

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zuwã 1:47

Tawamhã te te sãmri wi, te Zezusi hã tãma tinha, Natãnaéhé ma, ãne: — Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.