Zenezi 27:35 - ꞌRe Ihâimana Uꞌâsi Mono Zadawa Wasuꞌu

³⁵ Tane nherẽ, asa ma te ãma sada'â ãne: — Ano we imorĩ hã ma tô ĩma sadawa hapese. Tahawa taha ãma si wa tô mre ai'upana, aré aima ihâimana da hã.

Zenezi 27:35 ပူးပေါင်းရင်းမြစ်များ

Zenezi 27:33

Tawamhã Izaqui, ãne na imreme te te wapari wamhã, ma tô tãma pẽ'ẽwara. Ma tô duré popo. Tahawa, te tãma tinha ãne: — E 'wa ma te bété tinhisõpãrĩ hã we ĩma ãwisi. Taha na, we aiwisi wana ré, wa tô ĩsai pa. Duré taha pari, wa tô 'Re ihâimana u'âsi mono ma hã ãma mre, iwẽ hã te te tô tãma 're apisutu mono da. Tahawa, te za tô õhõ ma si iwẽ hã tãma 're hâimana.

Zenezi 29:25

Tawamhã Zaco awẽm na si, Léiaha ré isõtõ na hã ma tô oto upsibi me. Tahawa timama wapté na timaprebaba ma, ma tô tãma aiwapsa. Tahawa te tãma tinha ãne: — E marĩ da, ma ãne hã ĩma i'manha. Raqueu ĩma 're hâimana mono da wa tô aima te 're romhuri. E marĩ da, ma bété ĩma asadawa nhipe.

2 Corĩtu 4:7

Ãté ni'wa hã te za marĩ iwẽ uptabi hã iwa'âbâ za'ẽne hã piza na zé'a 'manharĩ 're tisẽ, piza isipo'o pese wa, i'manharĩ uwa wa. Tane duré, wa norĩ hã wahâiba nhib'uware nherẽ, wa marĩ iwẽ uptabi hã wa te dama 're wasu'u, tô Cristuhu wasu'uwẽ hã, 'Re ihâimana u'âsi mono si iwaihu'u pese na, da te 're waihu'u za'ra mono da, wawaihu'u pese newa, wa'ãma si, da te 're rosa'rata za'ra mono tõ da.

1 Tesalonita 4:6

Tane 're anomro aba mono õ di za. Isazei'wa norĩ hã, asisãnawã te 're anomro aba mo. Tahawa, asisãnawãi mro nherẽ, asiwi 're upi za'ra wa'aba mono õ di za, asiwi 're asimisaihuri za'ra wa'aba mono tõ da, aiwasédé hã duré asi'ãma 're 'manharĩ za'ra wa'aba mono tõ da. Tane, ni'wa hã tiwasédé te te 're 'manharĩ mono wamhã, 'Re ihâimana u'âsi mono hã te za niha tãma rob'manha. Ãne tô sena, wa tô aima waihu'u za'ra wa'aba ni, waihu'u pese za'ra wa'aba da. Tane nherẽ, wa duré ãma aima sahu za'ra wa'aba ni.