Zenezi 27:29 - ꞌRe Ihâimana Uꞌâsi Mono Zadawa Wasuꞌu

²⁹ A'uwẽ mono bâ asapari te te aima 're iromhuri za'ra mono da si, iwẽ hã. Duré daro mono bâ da te dasiwi 're i'aiwazé mono da si, iwẽ hã. Duré asisãnawã norĩ nhib'apito na 're i'aihâimana mono da si, iwẽ hã. Duré ana zé're hawi a'uwẽ norĩ hã, asõ'remhã aima 're isiwẽ'ẽ za'ra mono da si, iwẽ hã. Tawamhã duré iwasédé te te aima 're ipisutu za'ra mono norĩ ma hã, 'Re ihâimana u'âsi mono, ta norĩ ma, iwasédé te te tãma 're ipisutu za'ra mono da si, iwẽ hã. Duré iwẽ te te aima 're ipisutu za'ra mono norĩ ma, 'Re ihâimana u'âsi mono, iwẽ te te tãma 're ipisutu za'ra mono da si, iwẽ hã.”

Zenezi 27:29 ပူးပေါင်းရင်းမြစ်များ

Zenezi 12:3

Duré iwẽ te te aima 're i'manharĩ za'ra mono norĩ ma, wa hã wa za duré iwẽ hã te tãma 're 'manharĩ u'âsi za'ra, isimi'manharĩ za'ra zé wa'rãmimhã aima. Duré te te aima 're irob'manharĩ wasété za'ra mono norĩ ma, wa za duré iwẽ'õ hã te tãma 're pisutu za'ra, isimi'manharĩ wasété za'ra zé wa'rãmi, aima hã. Tawamhã duré ai'u'âbâmhã, wa hã wa za ti'ai ãma uburé a'uwẽ mono bâ 're idahâimana za'ra mono norĩ ma, iwẽ hã te dama 're anhomri u'âsi.

Zenezi 25:33

— Tahawa ma'ãpé imorĩ'rata na a'â ĩma ãma ropisutu. — Ãne te Zaco tãma tinha. Tawamhã Ezau, ma tô ropisudu tãma 'manha. Te te tãma i'manharĩ zarina, ma tô dama ipoto'rata na 're ihâimana mono zé hã oto tãma sa'ré.

Zenezi 27:30

Tawamhã Izaqui, ti'ra Zacoho ãma, iwẽ hã te te tãma 're apisutu mono da, ãma mreme pari, Ezau, aba hawi iwisi 'wab'rere ma tô oto watobro, timama hawimhã.

Zenezi 27:37

Tawamhã Izaqui, ma te ãne asa sada'â: Wa hã Zacoho ma, pire na aima 're ihâimana mono zéb da hã wa tô tãma pisutu pa. Duré uburé isisãnawã norĩ te te tãma 're romhuri za'ra mono da hã, wa tô tãma pisutu. Duré amnho na sa'ẽtẽ na te ãma 're upari u'âsi mono da hã, duré uwa 'rãi wa'u isé sa'ẽtẽ na te ãma 're upari u'âsi mono da hã, wa tô tãma pisutu. Tahawa ãhã na hã ĩ'ra, te ai'ãma irowaptẽrẽ da hã waihu'u õ di.

Zenezi 27:40

Ãhã wa, te za asi'wa i'wa pa ré si 're aihâimana mo. Asisãnawãi ma, te za duré 're iromhuri mo. Tane nherẽ, niha na tãma aihâimanazéb da, sada asiptete õ wapsi hã, te za tiwi asiwaze, asima iwẽ na 're aihâimana mono da oto.”

Zenezi 37:10

Tawamhã ã hã Zuzé te te irosawẽrẽzé, timama ma, duré tisisãnawã norĩ ma, te te tãma wasu'u za'ra wamhã, ma tô imama te te ãma mreme wẽ'õ wa, ãne mreme tete na tãma tinha: — E marĩ te wasu'u, irosawẽrẽzé hã. E niha wa za wa hã ana me, asisãnawã norĩ siré asõ'remhã wahi'rãtitõ aima aimasisi ni, wa'ubu na ti'ai u wa te roptop sina wama aipire zarina.

Zenezi 37:7

Ĩnhotõ 'rowimhã wa tô roptehutu na daburu ãma trigu teihi hã wasisi za'ra ni wasiré. Tawamhã te iwasi, ma tô uihâ na wahudu, sab da hâiwi. Tawamhã te iwasisi mana wawi te asimiwasisi za'ra wa'wa hã aimasa. Ãhã wa, te iwasisi ma, ma tô asimiwasisi za'ra wa'wa hã tãma aiwẽ'ẽ za'ra, tãma ipire za'ra zarina.

Zenezi 9:27

'Re ihâimana u'âsi mono, ma'ãpé Zaféhé ma, isipti'a sa'ẽtẽ na tãma 're hâimana mono da tãma apraba. Duré isihudu norĩ hã Sẽhẽ nhorõwa ãma romhâ 'manharĩ na 'ri nhoré wa, iwa 're hâimana za'ra mono da, tãma aza'ré za'ra na. Tawamhã duré Cana'ã, Zaféhé ma pawa'âbâ ãna romhuri'wa na hã tãma 're hâimana mono.”

Salmu 72:8

à poré hawi â poré amoi u, duré Eufrati na pa nho'õmo nhisi hawi ti'a zada'ré pese uptabi u, te za dama i'rãnho'õmo na te te 're da'a'madâ'â.

Mateu 25:40

— Tawamhã Uburé Danhib'apito hã te za ta norĩ ma ãne tãma rowasu'u za'ra: “Tô sena wa aima rowasu'u za'ra wa'wa. Ĩsisãnawã norĩ hã ti'ab ré ãne na te te 're robzépata za'ra mono wamhã, dama wapu na 're hâimana za'ra mono nherẽ, marĩ iwẽ hã tô õhõ na hã tãma 're 'manharĩ wẽ za'ra wa'aba mono wamhã, ta norĩ hâiba u'âbâ ma tô ĩma 're i'manharĩ wẽ za'ra wa'aba mo.” Ãne na te za ta norĩ ma waihu'u za'ra.

Mateu 25:45

— Tawamhã ta norĩ ma, te za duré ãne rowasu'u za'ra: “Tô sena wa aima rowasu'u za'ra wa'wa. Ti'ab ré, ã norĩ hã dama wapu na 're ihâimana za'ra mono norĩ hã ãne na te te 're robzépata za'ra mono ré hã, marĩ iwẽ na 're pawaptob za'ra wa'aba mono õ di. 'Re pawaptob za'ra wa'aba mono õ wamhã, ta norĩ hâiba u'âbâ, asiwi 're ĩpawaptob za'ra wa'aba mono õ di duré.” Ãne te za ta norĩ ma, tãma waihu'u na wa'rãmi za'ra, isimi'e niwĩ isimasam norĩ ma hã.

Apocalipsi 19:16

Tawamhã duré i'uza hâpa na isisi na rob'ui'éré, duré izada'õtõ na zama. Ãne isisi na rob'ui'éré hã, uburé danhipai u Danhib'apito. Duré isisi amo na rob'ui'éré hã, Danhipai u dama ipire.