Zenezi 27:24 - ꞌRe Ihâimana Uꞌâsi Mono Zadawa Wasuꞌu

²⁴ Tane nherẽ, ãma mreme õ ré, te duré sadanha ãne: — E tô a hã, ĩ'ra Ezau. — Ĩhe, wa hã tô Ezau.

Zenezi 27:24 ပူးပေါင်းရင်းမြစ်များ

Zenezi 27:23

Ãne wa, Izaqui, Zaco hã te te waihu'u õ di, Ezau nhib'rata ne sib'rata sui 'ré wa. Tahawa ma tô aré ãma imreme na hã sãna'rata, 'Re ihâimana u'âsi mono ma, iwẽ hã te te tô tãma 're apisutu mono da.

Zenezi 27:25

Tawamhã imama te oto tãma tinha ãne: — Wẽ di tô. Asisõpãrĩ nhi na ĩsa da, we ĩma âri pé. Taha parip si, wa za ai'ãma mre, 'Re ihâimana u'âsi mono ma, iwẽ hã te te tô aima 're apisutu mono da. Tawamhã Zaco, timama ma hã ma tô ti'â. Duré uwa 'rãi wa'u isé zama hã ma tô tãma ti'â. Tahawa Izaqui ma tô ti'rẽ. Ma tô duré simizâ, tisa hã.

Provébiu 12:19

Dazadawa nhipe hã hâimana hâ õ di. Õne haré te za ai'utõ. Sena na damreme si te za 're hâimana hâ u'âsi.

Provébiu 12:22

Uburé Danhib'apito ma, isadawa nhipese norĩ hã tãma 'ru ti. Tane nherẽ, sena na te te 're inharĩ za'ra mono norĩ si, tãma isawi pe hã.

Provébiu 30:8

Ĩzadawa nhipese na 're ĩhâimana mono da hã, ma'ãpé ĩma sa'ré tõ. Duré ĩnhibro pese na, niha wamhã duré ĩnhimarĩ'õ pese na 're ĩhâimana mono da hã ĩma sa'ré tõ. Ĩnomo wabre dasa na 're ĩhâimana mono da si, te za ĩma 're isõmri mo.

Éfézu 4:25

Tahawa, dama 're asadawa nhipese za'ra wa'aba mono õ di za oto. Aihâiba mono bâ te za tô sena na si asima 're irowasu'u za'ra wa'aba mo.

Colosu 3:9

Taré asima 're asadawa nhipese za'ra wa'aba mono õ di za oto, 're anomro 'rata aba mono zé hã 're rẽme pese za'ra wa'aba mono nherẽ, uburé aiwasédé 're i'manharĩ za'ra wa'aba mono zé hã.

1 Samuéu 21:13

Tahawa, uburé idahâimana za'ra norĩ nho're, ma tô i'rã siwamnarĩ ne tihâiba. Tawamhã duré te te siwi tété da, te te siwi âri pibui wamhã, ma tô i'rãsiwamnarĩ ne tihâimana. 'Ridawa za'ẽne hã 'ri'ahâ u 're idanhisisi mono zé hã ma te te wabza. Isada'u tiwi watobro wa, ma duré ãma siwatasu upto.

1 Samuéu 21:2

Tawamhã Dawi ma ãma sada'â ãne: — Apito zadawa para wa wei mo ãwamhã. Ta hã ma tô ĩma waihu'u, ni'wai ma te wasu'u tõ da, marĩ te te ĩma i'ru, za te i'manharĩzé hã. Tahawa, ĩte dasi'wapéi 'manharĩ'wa norĩ ma wa tô 'ru za'ra, nimame ĩzô simipari za'ra da, tame te te siwi ĩnhopẽtẽ da.

1 Samuéu 27:10

ma tô Aqui hã te te 're sadanharĩ ãne: — E ma hã ma tô i'a'wapé ã bâtâ na hã. Tawamhã Dawi hã ma tô te te ãma 're sada'âbâ Zuda ti'a niwĩ hâiwa nhimi'e niwĩmhã ro 're ihâimana mono ãma te te 're ida'a'wapéi mono na hã, niha wamhã zerameu na a'uwẽ wamri norĩ ãma hã, niha wamhã duré queneu norĩ nhipti'ai ãma hã.